DANEL 11:4 - OTSAO BAIBEL (BSI)

⁴ Ikoxlechu chix ile tsak-zongle ngopongkhae chix wangting a othom ali ang achangle ahak-ahanle paoüi. Chix man ma chix makhange hüikya chichangkya wanghom tuitae apünüi, ikoxlechu chix ma tüikya tsak-zong ibu ma müntüiüi.

DANEL 11:4 ပူးပေါင်းရင်းမြစ်များ

DANEL 8:22

Ija müizong tuita pakle paokya füima müizong ali laikya a, owang pongkya ningle tsak-zongle chichangkya wangting ali ang achangle wangting ija ahan pao angkya hanpak changle.

DANEL 8:8

Ija zwon a sisile azo-angamle chang, ikoxle chix zaxzangle tüipongkhama chix ang ozong khaile pao. Ija man ma ozong ali shingmongle laile hüi; ozong ibue machi chito hile tüikya.

JEREMIA 12:17

Ikoxle owawa ting-noke ija kax ma chilaxle jangchang, izuma kue hwom komkaile otsing makhange file awütüi. Ija kax, Jowanpa kue akaxdaoa.”

DANEL 7:8

Kue hule ngopongma, ibu ozongbu obama mama zongzün tuita dongle hüikya kue ngün. Ijae laile ngoünkya ozong azom butle adüt. Ija müizong ma khünak mik hia tun tuita tüikya, ija tun makhange kax achongchong akax.

DANEL 7:2

kue ngünkya wünmang changle: Zangwin ang pangnuchi tokhange jeple ngo ilaxle molo tinu thün a tichape awangle tüikya.

JEREMIA 18:7

Tütatuechu changlax, kue fuaküi, thuple akhixüi, chichangba tüta jat-li chichangba wangting kue amale awütüile kue jangthüiba,

JEREMIA 12:15

Ikoxle kue hwom paole changkya füima, kue hwom to chingchakya tüiüi; kue jat-li pangwüi ma haxtoktok to tamchu ma chaxwan-wan to chatle apüiüi.

KAXHO MÜIKYA LUK 12:20

Ikoxle Zange chix ang thüi: ‘Nang a ongat, ajaja wüi nange tsün danle tox angkya changle, üntoxle tuina nange achwonle thomkya ibu a owa kuxka ang achangüi?’”

MATHI 12:25

Jisu-e hwom mongto texle ngokya awanlaxle hwom ang thüi: “Chaxwan oja tata füi atsi ala laxle mathomthom le ngopuix, ija otsün lo angkya münchang. Tamchu oja tingsho chichangba kako ma tata füi ahe laxle othom-othom ma ahanle ngopuix, ija janle shu angkya changle.

DANEL 7:6

Kue hule ngopongma, mama müi tülai. Ija a fuachax lailaile, ilaxle ija otok ma ozang ali tüikya, ilaxle ija ma okhang ali tüikya. Ijae apün-ada angkya janzüi to hule ngo.

JEREMIA 45:4

“Ikoxle, Jowanpa, kue zingdaokyabu pangwüi pünle ama ngopu ilaxle kue küidaokyabu fuakle awüt ngopu. Ija kue zangfang pangnu to mok angkya changle.

JEREMIA 31:40

Ojongkha ma mangzule tamchu oma-oshixbu awütle changpuix, ilaxle Kidron Shuasa zongma thakchi ma handün chito Man Zünkai alople tüikya manzai haxtok pangwüi, haxshasha bakle, ku zongto otsao nui ang changüi. Tingnu a tamchatle otuechu pünle münama chichangba amüt ang müntom.”

HWON-NWOT-JAONO 4:8

Ikhama chix tata ngokya mix owawa tüile. Chix ang sasün tuita chitüi, tüi-hi-nao tuita chitüi, ikoxlechu chixe nazak chitüile mwot mokle ngole, ilaxle ma ma tüinangkya füi mongzom tam chimüitox. Ma mongmüi ahaile toxle, ipongpong azongle chixe owa hanpak ang among ngopuix? Ija chuwüi laxli chitüikya changpu, —ilaxle chingcha ashukle ngokya olom changpu.

MÜNCHUAK-TSAI 39:6

chaxba tuita tha ngaxchu münchang. Keme mokkya pangnu chem angchu chichang; keme tuina athünpu, ikoxlechu ija owae koplaxüihex chitik.

MIKNGÜN-OHÜN 7:1

Ifüima chaxwannu ozong ali ma kaxtaimix ali ajongle ngokya kue ngün. Chaxwannu ma chichangba tinu ma chichangba pünzua chem hatochu zangwin chihüi angkya kuxma hwome zangwin olom ali abaxle thom.

JEREMIA 49:36

Kue pangnu chitokhange Elam nok to zangcheie thu ang tomüi, ilaxle hwom pünpao mix chingokya nok ojongkhachu chitoxle machang machangle kue she khünaknu pangnu chito afale pao ang tomüi.

EZEKEL 37:9

Zang-e ku ang thüi: “Ziün angkya khünak, zangwin. Füi jekax akaxkox. Pangnuchi tokhange nguilaxle mangbue zakdünle ibu tsangtsa tamchatle ozün ang achangle achat angkya Jowanpa kax zangwin füi akaxkox.”

ZEKARIA 2:6

Jowanpa c hix khünaknu füi akax: “Kue hünzom lomkua pangwüi chito afale fan ang tompu. Ikoxle athax hünzom zanda ang ngokyabu, hünzom Babilon nok chak tokya paole azang laxle Jerusalem to chatpu.

ZEKARIA 6:5

Chixe lan: “Ibu a zangchei ali changpu; hwom a athax ile, zangfang pangnu Jowanpa ngwotnui tokya nguikya changle.”