AMOS 9:9 - OTSAO BAIBEL (BSI)

⁹ “Kue kaxtom koxüi ilaxle Israel nok a won-khua angkya sax chanpupu le chan ang tomüi. Kue hwom a chaxwannu onok khato chanüi ilaxle chilaxlili süile changüi.

AMOS 9:9 ပူးပေါင်းရင်းမြစ်များ

KAXHO MÜIKYA LUK 22:31

“Simon! Simon! Apalax! Manzai mixe tsaxtsa hia tsaxjun süikya ningle, oma khatokya müikya süi ang, hünzom thwontsing angkya baoe tsaiju kaxju daoa.

TSAITONG-KAXTONG 28:64

“Haxtua-zangnam kaochi makhange kaochi kople, chaxwannu okhui apongle, Jowanpae hünzom pangnu jat-libu khato chiakle asamüi.

ISAIA 30:28

Jalinusa chwotle paokya tichen ningle chixe chix tunthoma zangwin ahüile. Ijae chaxwannu nok thama khato jeple paole ilaxle chichang-chizangkya hwom katzuabu olithu ang tomle.

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

JEREMIA 31:36

Jaopo zanglom tüile ngokya kople, Israel nok a tuita jat-lile ngo angkya chixe tsaosax.

JEREMIA 46:28

Hünzom hato ku nguiüi ilaxle hünzom khosünüi. Chaxwannu nok pangwüi kue amütüi kue hünzom chiakle asam thomkya nok to a, ikoxlechu kue hünzom münamüt. Kue hünzom to sik chiangünle müntox; ikoxle chemtue kue hünzom to sikangünüihex, kue olom ma moküi. Ku, Jowanpae ija akaxdaoa.”

JEREMIA 49:36

Kue pangnu chitokhange Elam nok to zangcheie thu ang tomüi, ilaxle hwom pünpao mix chingokya nok ojongkhachu chitoxle machang machangle kue she khünaknu pangnu chito afale pao ang tomüi.

EZEKEL 5:10

Ija khokho ma, Jerusalem ma tüikya nu-pa hwome ma su-sa hwom saxüi, ilaxle naosom hwome manu mapa hwom saxle changüi. Kue hünzom to sikangünüi ilaxle atale toxkya ozün ma tüikya pangwüi ma lomkuakua to afanle pao ang tomüi.

EZEKEL 5:12

Hünzom khünaknu süitex süifi a tingnu mong ma okak-olak hia woknuak ma zi ang tomüi; süitex süifi a tingnu toknakai to changlo füi hütle langüi; ilaxle süitex süifi a zangwin to chiakle apiküi ilaxle changlo füi kue ibu achuaüi.

EZEKEL 20:38

Kue hünzom kha angkya alün-aloxle tüikya hia ochax khünakbu tswonle paoüi. Kue hwom a athaxpongma hwom ngole tüikya haxtok angkya paoüi, ikoxle kue hwom a Israel nok haxtok to chatle tamchat ang müntom. Ifüima hünzome ku a Jowanpa changpule tsingle lax ang kopüi.”

EZEKEL 36:19

Hwom ngole hüikya hia mokle hüikya chitsaokya lomtang khoma kue hwom ajaopu, ilaxle hwom a mixnok chaxwan pangkha to chiakle sam ang tompu.

ISAIA 27:12

Ija nyix, Eufrat makhange Ijip nok longzipong alople, Jowanpae tuita füima tuitale chix khünaknu süile asoxüi; ija a owawae otsa hia wonglai saxtsang süikya ningle changüi.

ISAIA 28:28

Chixe chizakle jutle ngokyae wonglai tsax münama, ilaxle saxtsang chiakhix homle ija ding ma maihue linkya zyen ahamle chemle nak angkya hex awanle.

EZEKEL 39:28

Ipongma ku khünakbue ku a Jowanpa, hwom Zang changpule awan ang kopüi. Ija hwome awanüi, chemthüikoxle hwom a kue zanda ang koxle apaopu, ilaxle athax a tokfüi to tuita danle chitoxle asox-asüilaxle pangnusa wüi hwom haxtok to tamchatle apüile danpu.