AMOS 9:8 - OTSAO BAIBEL (BSI)

⁸ Jowanpa Khüthak Zang, kue ija ningkya Israel nok ochax wangting tuita to hule ngopu, ilaxle kue ija a chaxwan thün angkya amüt angkya changpu. Ikoxlechu kue Jakop sixli hwom komkaile münamüt.

AMOS 9:8 ပူးပေါင်းရင်းမြစ်များ

JEREMIA 30:11

Ku hünzom hato nguiüi ilaxle hünzom azünüi. Jat-libu pangwüi kue max ang tomüi athax hünzom kue chiakle thomkya onokbu a, ikoxlechu kue hünzom münamüt. Kue hünzom to sikngün chifa homtoxle münalyet; ikoxle kue hünzom to sikangün koxlechu chisumüile münchang. Ku, Jowanpae ija akaxdaoa.”

AMOS 9:4

Hwom a zannokbue zanda ang koplaxle paole thomkoxchu, kue ibu ang hwom mik amüt angkya kaxtom koxüi. Kue hwom to asun angkya chichangle hwom amüt angkya mongzangwünle tsuakdaoa.”

JEREMIA 44:27

Ija bama hünzom ahak-aluale chichang angkya ikoxle thama ma maxle max angkya to kue huüi. Ochax-ozan ma chichangba okak-olak ma, hünzom opupuchu ota chitoxle, pangwüi zi angkya changle.

JEREMIA 5:10

Ku khünakbu grep haxtok züt ang kue zanpabu ahüiüi, ikoxle ibu komkaile oli thu angkya hanpakmale münchang. Kue hwom ang okangsasa tum angkya akaxüi, chemthüikoxle okang ibu a ku kux münchang.

JOEL 2:32

IKoxle opange Jowanpa ang asunhüile thüiüihex, hwom khosünkya tüiüi. ‘Züizüi Jerusalem to paole azangüi; kue zünle kopdaokyabu azangüi’ le Jowanpae akax daokya ningle.”

HOSIA 1:6

Gomar-e anyilükya nao ngün, Izuma a shekosa ngün. Jowanpae Hosia ang thüi: “She ang ‘Mong chikünkya nao’ le amünkox, chemthüikoxle athaxpi kue Israel nok hato ku mongkün münaho chichangba kue hwom thaikya münalak.

WANWÜNKAX 15:3

Jowanpae pangnu khato chempangle changpuix ija ngünle; keme omüi wüi moklax oma wüi moklax, chixe kem to hule ngole.

WANWÜNKAX 5:21

Jowanpae nang mwot pangwüi ngünle ngole. Nang ojongto paopuix, chixe nyele ngole.

1 WANGHOMBU 13:34

Ija ochaxe chix hato tamchu chix wangting hato olithule otam amüt angkya thama ahüi.

TSAITONG-KAXTONG 6:15

Hünzome mama baozangbu to shwomle jangchang, hünzom hato Jowanpa mongtsik wün ningle nguiüi ilaxle hünzom komkaile amütüi, chemthüikoxle Jowanpa hünzom Zang-e, athax owa hünzom füi ngole tüipuix, chixe chix zongto zanpabu füi münadutsuak.

TSAITONG-KAXTONG 4:31

Chix a chingchajaja füikya Zang. Chixe hünzom danle müntox chichangba münamüt, ilaxle chix jaojaoe hünzom putong hwom füi zingkya Tsaotsüt münalaktox.

PONGWANG LAIPEX 7:4

Athax makhange nyix anüt mong ma kue zangwat ajoüi, ilaxle kue zingkya zünmok pangwüi amüt angkya hanpakma ija a nyix-punyi bama zangnak-zangngai chithwonle watngoüi.”

PONGWANG LAIPEX 6:7

chixe thüi: “Kue zingle alaikya khünak ibu kue bakle amütüi. Müi-nyax hia o-juxbu su-sa wüi amütüi, chemthüikoxle ibu pangwüi zingle alaikya bama ku ang mongmale.”

JEREMIA 46:28

Hünzom hato ku nguiüi ilaxle hünzom khosünüi. Chaxwannu nok pangwüi kue amütüi kue hünzom chiakle asam thomkya nok to a, ikoxlechu kue hünzom münamüt. Kue hünzom to sik chiangünle müntox; ikoxle chemtue kue hünzom to sikangünüihex, kue olom ma moküi. Ku, Jowanpae ija akaxdaoa.”

AMOS 3:12

Jowanpae thüile: “Chun-nyetmixe mailang süt-ta chun ochak anyi hia omik tuita wüi atak ang thokya ningle, Samaria nok changtwon-nyiwun wanmüile ngokya Israel khünakbu a, toxnyitua muale tamchu lya cha tuipong wüi koplaxle hidaole wüi azang ang thoüi.

AMOS 7:17

Ikhoma Amaziah, Jowanpae nang füi akaxle: ‘Nang kakonu a tingnu ma tsangtsa hangkya mixcha tuita ang achangüi, ilaxle nang naosombu a zanhok ma langüi. Nang haxtok a ahak-ahanle changüi ilaxle mix ang koxle apaoüi. Ilaxle nang jao a shuakuxchi nok ma ziüi. Israel khünaknu a hwom chaxwan angkya mixnok chaxwan to zanda ang kople paoüi jaojao.’”

AMOS 9:10

Ku khünaknu khama opange, ‘Zang-e kem hato thama chiahüi ang khato’ le akaxpuix, ochax khünak ibu a zanhok ma max ang tomüi.”

HOSIA 1:4

Jowanpae Hosia ang thüi: “Ija nao ang ‘Jezril’, le amünkox, chemthüikoxle hopu Jehu-e Jezril mik amütkya khoma alüile chingo homtoxle kue Israel nok wanghom to sikangün angkya changle. Kue Jehu wangting a olithule amüt angkya changle.