AMOS 9:11 - OTSAO BAIBEL (BSI)

¹¹ Jowanpae thüi: “Kue Dawid wangting oja hom tuita pünle ama thomdaokya ningle tüipuix, ija tamchatle amüi angkya hanpak nguile ngole. Kue ija katukbu tamchatle zaile ajong laxle ija zingle amüiüi. Kue ija chatle zingüi ilaxle amipongma tüikya lailaile zingle achatüi.

AMOS 9:11 ပူးပေါင်းရင်းမြစ်များ

ISAIA 16:5

Ifüima Dawid sasün hwomkha angkya tütapu wanghom ang achangüi, chixe mongong füi tamchu mongkün füi khünaknu thakma apün-awangle changüi. Chem supuix ija mok ang chix tüle momüi, ilaxle sukya kaxfün fa angkya to chixe khile huüi.)

MÜNCHUAK-TSAI 80:12

Nange ija akhople tüikya tsawat büthüikoxle pünle ama? Athax a imakhange alele khünake ija grep oziak ahuxle khai ang tsuak;

ISAIA 63:11

Ikoxlechu hwomeledaokyabu texle atak, Jowanpa dapa Mosa din tokyabu a, ilaxle hwome atüi: “Tinu chak tokya chix khünaknu khosünle kopkya Jowanpa a ojong? Mosa ang chix chasa koxkya Jowanpa a ojongto tüi?

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

EZEKEL 36:11

Kue ku khünaknu hia müibu pu-tsale chang ang tomüi. Hünzom a amipongma ile otuechu matüitox le tsaüi, ilaxle hünzom ang susabu huanuma tüiüi. Kue hünzom a ngohomkya ningle ikhama ngo ang tomüi, ilaxle amipongkya to kaile hünzom a ahak-alua ang tomüi. Ifüima hünzome ku a Jowanpa changpule awan ang kopüi.

EZEKEL 17:24

Haxtok angkya pün pangwüie ku a Jowanpa changpule tikle laxüi. Tsuathakya pünnubu kue dak ilaxle pünsabu tsuale tsong ang tom. Pün ohingbu kue zile zan ang tom ilaxle pünzikbu ohing ang achang ang tom. Jowanpa kue ija akaxdaoa. Kue moküihex-ole akax daokya kue mok angkya changpu.”

MANGSOP 5:21

Kwome nang hato chat ang tomüi, Jowanpa! Kwom chat ang tomhüi! Kaitantokya kwom fuazang achatle fahüi.

JEREMIA 46:26

ilaxle hwom langsele lomle ngokya Babilon nok wanghompa Nebukadnezar hia chix süpahibu chak to kox angkya changpu. Ikoxlechu ofüima amipongkya ningle, Ijip nok ma khünaknu tamchatle ngoüi. Ku, Jowanpae ija akaxdaoa.

ISAIA 5:5

“Kue ku grep haxtok to ile mok angkya changle; kue ija akhople tüikya tsawat paoüi, ija to tsyenle thomkya katuk atsunüi, ilaxle faomüie ibu naxsaxkox tamchu nakle naxakhixkox.

JOB LAIPEX 1:10

Othuithuima nange chix khüzün, hwom kako homkha üntoxle chix ma atüitüi pangwüi khosünle thomkoxpu. Chixe amokmok pangwüi to nange mohimanle chang koxpu tamchu chaxwan thün awangle nange chix ang tsom-pom okhonguile fakoxpu.

MIKA 7:14

Nange zünle kopkya, nang khünaknu thakma chunnyetpa ang changle, Jowanpa. Hwom faokha to süile ngokoxle chu, hwom akhople haxzao füikya haxtok tüile. Kaitokya ningle hwome, Bashan hia Gilid angkya fumtsütnui to paolaxle fum asütle naxchang kox.

MIKA 5:2

Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

JEREMIA 30:9

Itülüi, hwome Jowanpa hwom Zang tamchu Dawid sixli owa kue chongwang tüntong ma athungüihex, hwom ija Zang thothale changüi.

MÜNCHUAK-TSAI 143:5

Leünkyabu hanpak kue texle atakle; nange mokdaokya pangnu bama kue ajangle laxle, nang mwot pangwüi kue mongto thütle atakle.

MÜNCHUAK-TSAI 89:40

Nange chix tingnu angkya katuk atsundaoa ilaxle chix zanhunuibu atsunle toxdaoa.

HUAKE LAIPEX 24:18

Chixe Edom nok ma chix zanpabu to lütle tsuaküi Ilaxle hwom Chaxwan chix haxtok ang zingüi, Ilaxle Israel noke chizakle zan to lütle ngoüi.

ISAIA 58:12

Kaiwüi male ngodaokya homting zang oman ma hünzom khünakbue hom zingüi, Hünzom a katuk chatle zaile alailaxle male ngoünkya hombu zingle amüikya khünakbu le awanle laxüi.”

ISAIA 65:9

Judah jat-li Israel nok to kue mohimanüi, ilaxle hwom su-sabue ku haxtok angkya haxnubu kopüi. Kue kamle kopkya khünaknu, owae ku thothale changpuix, ibu a ikhato ngoüi.

JEREMIA 18:9

Itülüi, kue küi angkya changpu chichangba tütapu jat-li chichangba wangting chang koxlax kue zingle alai angkya changpule kue jangthüi:

OBADIA 1:17

“Ikoxlechu Zaion Haxnu ma züizüi paole azang thoüi, ilaxle ija a otsao nui ang changüi. Amipong tokhange wüi hwom kux hex-ole panle thomkya haxtok Jakop khünaknue kopüi.

MIKA 7:8

Kem zanpabu ang kem bama ngadong angkya chemchu müntüiüi. Kem a nguakdaoa, ikoxlechu kem a chatle zoüi. Athax kem a zangnak fangto ngopu, ikoxlechu Jowanpae kem ang zangngai koxüi.

MIKA 7:11

Jerusalem angkya khünaknu, Tingnu pan-katukbu chatle zing angkya hanpak nguile hüingole. Ija pongma hünzom haxsüt-longzi wankam chongüi.

ZEKARIA 6:12

Jowanpa Khüthak Zang-e ‘Khünak owa ang Pünkang le nyakpuix, ija chixe Jowanpa Zangshwom-Hom zingle ngokya khama zaxzangle laiüi.

ZEKARIA 12:7

“Jowanpa, kue pongwang ma Judah angkya süpahibu ang zan to lüt ang tomüi, ile chang koxle Dawid sixli hia Jerusalem angkya khünaknue kop angkya münchong a mama Judah angkya khünakbue kopkya füi chongkya ang münchangüi.

ZEKARIA 14:10

Shuakuxchi ma Geba makhange shuathongchi ma Rimon alople, ija wankamkam bakle haxsha ang zingüi. Jerusalem a, she akhople tüikya haxtok ibu pangwüi thakma achuakle nwonüi; ija tingnu a, kaitanto zünkai tüikya, üntoxle Benjamin Zünkai makhange Ozong Zünkai alople tamchu Hananel Towar makhange wanghom hwom grepti-ju fyetnui alople tüiüi.