AMOS 8:4 - OTSAO BAIBEL (BSI)

⁴ Hünzom opange chitüi-chinangbu to tingle afang thompuix tamchu haxtok angkya mixshix-zasabu amüt ang azongle ngopuix, ija to apalax.

AMOS 8:4 ပူးပေါင်းရင်းမြစ်များ

AMOS 5:11

Hünzome zasabu to afangle thom ilaxle hwom saxziak zongzukle lax. Ikhoma ipong müile hünzome zaile alaikya longhombu ma hünzom münngoüi chichangba ipong müile hünzome küile alaikya grep haxtok angkya grepti-ju hünzome münlingüi.

WANWÜNKAX 30:14

Mixshix-zasa hia chitüi-chinangkya zongzong ma laxle adakyabu tüihule; ija a hwom zongto ma wok lomkya ang changpu.

MÜNCHUAK-TSAI 14:4

“Hwome müntsing hia? Ibu ochax mwot mokle ngokyabu pangwüi chemchu chitsingkyabu hia? Ku khünakbu kuxka ahuxlaxle tix hwom ozün ma ngole, ilaxle hwome ku to chemtuechu münjop”, le Jowanpa akaxle.

MÜNCHUAK-TSAI 140:12

Jowanpa, nange chitüi-chinang khünaknu khosele changkya tamchu mixshix-zasabu ang sukya kaxfün koxkya kue awanle.

MÜNCHUAK-TSAI 12:5

“Ikoxchu athax ku nguiüi, chemthüikoxle chitüi-chinangbu to afangle thomkya üntoxle zothup apongkyabue hwom to kak-koxle wotle. Hwome lomkya khosün kue hwom ang koxüi”, le Jowanpa thüile.

JAKOP 5:6

Chem ngax chichangkya khünakbu hünzome ajao ilaxle langle awüt, ilaxle hwome hünzom to chiabax.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

JEREMIA 5:21

Na thale apalax, hünzom ongat-ongüi tamchu chemchu chitsingkyabu, hünzom ma mik tüipu ikoxlechu chingün, na tüipu ikoxlechu chiatat.

1 WANGHOMBU 22:19

Mikaiah-e thuithuile akaxle thüi: “Athax Jowanpae chemle akaxpuix ija to apalax. Kue Jowanpa zangkangting to chix tüntong ma thungle ngokya ngünle. Chix kaxtaimixbu komle chix akhople ajongle tüile.

AMOS 7:16

Idaile athaxpi Jowanpa kax to apalax. Nange ku ang ajele ngokya zak tamchu Israel nok to samale ngokya zak angkya akaxpu.

JEREMIA 28:15

Ifüima kue ija Hananiah hama wün ilaxle chizakle akax: “Apakoplax, Hananiah! Nang a Jowanpae tsanle ahüikya chichang, ikoxle hünzome khünaknu ang othai to ong angkya atsing ngotüi.

ISAIA 28:14

Hünzom Jerusalem ma tüikya khünak ibu thakma apünkya ajao-adale tüikyabu, Jowanpae chem akaxpuix ija to apalax.

ISAIA 1:10

Jerusalem, nang apünkyabu hia nang khünaknu a Sodom hia Gomorah nok ningle. Jowanpae hünzom füi chemle akaxpuix ito apalax. Kem Zang-e chem anwot-anopuix, ito mongkoxlax.

MÜNCHUAK-TSAI 56:1

O Zang, ku to chingchakya tüihüi, chemthüikoxle ku a zansing sungkha ma tüile; ku zanpabue ku to othuithuima zothuple.

JOB LAIPEX 24:4

Zasabu ang hwom süntswonbu kop ang chitom; chitüi-chinangkya mix zikle paole sam angkya atsang.

EZEKEL 45:10

“Atuakkya hia thütkya oli noknusae wüi otia ma mok angkya oli changle:

AMOS 5:12

Hünzom ochaxbu chemtukux khomtsikyabu hex tamchu hünzome chemtukuxle mix mik amüt daopuix kue awan ngopu. Hünzome müikya khünakbu to zothuple chang, zuizunbu lax, ilaxle mixshix-zasabu ang khwa ma sukya kaxfün kop ang chitom.

MIKA 2:2

Chemtue hwome haxtok laxse tsupuix, hwome ibu zongma pale lax; chemtue hwom hom laxse tsupuix, hwome ibu lax. Hwom thüntho ma opupu tuina chu chem chithüile thom ang chitho.

MÜNCHUAK-TSAI 10:7

Hwom zangwün a othuak-ozom, atsekya, üntoxle aza-anakya, ibue awangle tüile; miktsak-mongwom hia ochax bama zangwün ang hwom müimamale momle.

EZEKEL 22:12

Hünzom züizüie omün koxlaxle mix mik amütle. Züizüie mamix Israel khünak tomtom ang thashe koxkya sasün füi achatle laxle, iningle chitüi-chinang tsang-hangkya füi hwom ahak-aluale. Hwome ku alakle awütdaoa.” Jowanpa Khüthak Zang-e ija akaxdaoa.

MIKA 3:3

Hünzome ku khünaknu saxle awüt. Hünzome hwom khwon atsi, hwom zabu apak, ilaxle hwom müibu a tik ma sho ang tsople akhix.

ZEKARIA 5:6

Kue atüi: “Ija a chemli?” Chixe lan: “Ija a tsong tuita, ilaxle ija a haxtok pangnu tokya ochax hanpak ang changle.”