AMOS 7:8 - OTSAO BAIBEL (BSI)

⁸ Chixe ku ma atüi: “Amos, nange chem ngünpu?” Kue lan: “Jandwonsa tuita shashale ngünle.” Ija ma chixe thüi: “Kue ija a, ku khünakbu a katuk ashei le paoünkya ningle tüile le aho ang twonpu. Kue hwom to sikngün fa angkya bama ku mong tamchatle münalüix.

AMOS 7:8 ပူးပေါင်းရင်းမြစ်များ

AMOS 8:2

Jowanpae ku ma atüi: “Amos, nange chem ngünpu?” Kue lan: “Pünziak awangle tüikya tsong tuita ngünle.” Jowanpae ku ang thüi: “Ku khünaknu Israel nok hato oshuk hüidaoa.

MANGSOP 2:8

Zaion angkya pan-katuk atsunle adüt angkya bamaJowanpae mongzangwünle tsuak; Ibu komkaile ama angkya kuxmale chixe ibu thütle tsuakle. Zanhu nui hia pan-katuk athaxpi tomwüile tsunle nguak ngo.

JEREMIA 15:6

Hünzom khünaknue ku chilaxle awütpu; hünzome ku hato hünzom tok ahopu. Ikhoma kue ku chak thüipu ilaxle hünzom zutle akhünpu chemthüikoxle ku mongtsik adule ngo ang ku nale shu.

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

ISAIA 28:17

Sukya kaxfün fakya a ija homting othüt tuita changpu, ilaxle otsao a ija othüt zu fünkya long ang changüi.” Hünzome mongongle tüikya oli pangwüi jun-long füi züile awütüi, ilaxle thaikya azwonle ngokya nui pangwüi tichene u ang tomüi.

2 WANGHOMBU 21:13

Samaria to zothupkya tamchu Israel nok wanghompa Ahap hia chix sixlibu zothupkya lailaile kue Jerusalem to zothuple changüi. Khopkhua azao laxle akhuple thomkya ningle kue Jerusalem akhuple thoküi.

ZEKARIA 5:2

Kaxtaimix-e ku ma kue chem ngünpu le atüi. Kue lan: “Zangwin to müikhwon laiza pile ngokya ngünle; ija a sok 14 ojang üntoxle okhao ma sok anüt le tüile”,

ISAIA 34:11

Okhux hia okunbue ija haxtok awangüi. Ija a tamchatlechu Jowanpae haxkozan ang achangüi, ija a chaxwannu zingüi thoto wüi tüingokya ningle changüi.

AMOS 7:7

Jowanpa tokhange kue mama mikngünohün tuita ngün. Ija ma kue chix a jandwonsa ashale tüikya füi thütlaxle zingkya katuk tuita zui ma ajongle ngokya ngün. Chix chak ma jandwonsa ashale tüikya.

ZEKARIA 4:10

Kaxtaimix-e ku ang thüi: “Wüntik anüt a, zangfang pangnu khato hule ngokya Jowanpa mik anüt changpu.”

HOSIA 1:6

Gomar-e anyilükya nao ngün, Izuma a shekosa ngün. Jowanpae Hosia ang thüi: “She ang ‘Mong chikünkya nao’ le amünkox, chemthüikoxle athaxpi kue Israel nok hato ku mongkün münaho chichangba kue hwom thaikya münalak.

ZEKARIA 4:2

Chixe atüi: “Nange chem ngünpu?” Kue lan: “Hun wüntik lotsap tuita ngünle. Okho ma a münga je angkya hanpakma khup tuita ngünle. Lotsap dingma wüntik anüt tüile, tuipong to okia anüt dan angkya onui füi tüile.