AMOS 7:7 - OTSAO BAIBEL (BSI)

⁷ Jowanpa tokhange kue mama mikngünohün tuita ngün. Ija ma kue chix a jandwonsa ashale tüikya füi thütlaxle zingkya katuk tuita zui ma ajongle ngokya ngün. Chix chak ma jandwonsa ashale tüikya.

AMOS 7:7 ပူးပေါင်းရင်းမြစ်များ

2 WANGHOMBU 21:13

Samaria to zothupkya tamchu Israel nok wanghompa Ahap hia chix sixlibu zothupkya lailaile kue Jerusalem to zothuple changüi. Khopkhua azao laxle akhuple thomkya ningle kue Jerusalem akhuple thoküi.

MIKNGÜN-OHÜN 21:15

Ku füi akaxkya kaxtaimix ma ija tingsho, ija ngailom hia katuk thüt angkya hanpakma hun kaithox tuita tüikya.

MIKNGÜN-OHÜN 11:1

Ifüima kaithox ningkya kiatua tuita ku ang fa ilaxle akax: “Paolax üntoxle nange Zangshwom-hom, zomtong ilaxle zangshwom-hom ma zangshwom mix otukux tüipuix thütle anohu.

EZEKEL 40:3

Chixe ku hozui to soxle ahüi, ilaxle kue wi-jan lailaikya khünak tuita ngün. Chixe nyidax ningkya hia janlak ningkya thüt angkya jali chak ma koplaxle zünkai ma ajongle tüikya.

MANGSOP 2:8

Zaion angkya pan-katuk atsunle adüt angkya bamaJowanpae mongzangwünle tsuak; Ibu komkaile ama angkya kuxmale chixe ibu thütle tsuakle. Zanhu nui hia pan-katuk athaxpi tomwüile tsunle nguak ngo.

ISAIA 34:11

Okhux hia okunbue ija haxtok awangüi. Ija a tamchatlechu Jowanpae haxkozan ang achangüi, ija a chaxwannu zingüi thoto wüi tüingokya ningle changüi.

ISAIA 28:17

Sukya kaxfün fakya a ija homting othüt tuita changpu, ilaxle otsao a ija othüt zu fünkya long ang changüi.” Hünzome mongongle tüikya oli pangwüi jun-long füi züile awütüi, ilaxle thaikya azwonle ngokya nui pangwüi tichene u ang tomüi.

2 SAMUEL 8:2

Ifüima chixe Moab nok to lüt. Chixe kople thomkyabu hax ma jip ang tom ilaxle hwom mixhuak azom kha angkya anyi a langle awüt. Ikhoma Moab nok a chix wangpün a achang ilaxle chix ang süithale hüi.

PONGWANG LAIPEX 28:13

Ikhama Jowanpa chix zui ma ajongle tüikya. Chixe thüi: “Ku a, Jowanpa, Abraham hia Isak nyi Zang changpu. Athax nang jiple ngokya haxtok a, nang ang tamchu nangsix-nangli hwom ang kox angkya changpu.

AMOS 7:6

Jowanpae chix mong alüix ilaxle thüi: “Ija chuwüi changle ngai ang müntom.”

AMOS 7:8

Chixe ku ma atüi: “Amos, nange chem ngünpu?” Kue lan: “Jandwonsa tuita shashale ngünle.” Ija ma chixe thüi: “Kue ija a, ku khünakbu a katuk ashei le paoünkya ningle tüile le aho ang twonpu. Kue hwom to sikngün fa angkya bama ku mong tamchatle münalüix.

ZEKARIA 4:10

Kaxtaimix-e ku ang thüi: “Wüntik anüt a, zangfang pangnu khato hule ngokya Jowanpa mik anüt changpu.”