AMOS 7:2 - OTSAO BAIBEL (BSI)

² Ku mikngünohün ma kue, chaxwantok ma hingle tüikya oli pangwüi kuknubue saxle awütkya ngün, ifüima kue akax: “Jowanpa Khüthak Zang, nang khünaknu thaikya alak-hüi! Chichang thüikoxle hwom ozün ma chemle ngothoüi? Hwom a hidaole wüi tamchu shonaile tüile!”

AMOS 7:2 ပူးပေါင်းရင်းမြစ်များ

EZEKEL 11:13

Kue ajele ngopongma, Pelatiah nguakle zi. Kue thün haxchi to aho ilaxle akhong: “Münchang, Jowanpa Khüthak Zang! Israel nok ma danle toxkya pangwüi nange langüihi?”

ISAIA 37:4

Asiria nok chongwangpae khüzün Zang tha ajao ang chix nguakax-wangkho ahüile. Jowanpa hünzom Zang-e ija ajao-ahaile changkya naxatat kox ilaxle ibu akaxkyabu to chixe sikngün naxfakox. Idaile kem khünakbu opang ozün ma tüipuix hwom hanpakma Zang to jopkox.”

EZEKEL 9:8

Ile mix langle ngopongma, ku a ikhato ku tata tüikya. Kue haxchi to thüne hule ku hax to tswonle awüt ilaxle akhong: “Jowanpa Khüthak Zang, Israel nok ota toxkya pangwüi langle awütle nang mong Jerusalem füi athukle jao ma pia?”

JEREMIA 42:2

ilaxle ku füi akaxle thüi: “Kwome nang ang mok-hüi thüikya mwot shong-mok fahüi! Kwom hanpak ang Jowanpa kwom Zang to jople changhüi. Kwom ozün ma toxle tüikya pangwüi hanpakma jople fahüi. Hanpak tuita ma kwom a huanuma tüile ngokya; ikoxle athax a, nange ngün ang kople kwom hidaole wüi dantoxpu.

JEREMIA 14:7

Ku khünakbue ku sele akhong: “Kwom ochaxbue kwom ma tsaihux-kaxhux fe angkya tüingokoxchu, kwom to asunhüi, Jowanpa, ami nange tsaodaokya ningle a. Kwome nang hato tok obithomthom ma hexle ahole changdaoa; kwome nang zongto ochax mwot mokle changdaoa.

LAIPAO 10:15

Chaxwan thün to naktukle hwom-hwome wüi chwop; june chiamale toxkyakya komle hwome sax; pünziak-laimo to lünle sax. Ijip haxtok pangkha towüi pün hia fum ma hingkya oli chemchu chitox.

MIKNGÜN-OHÜN 9:4

Fumsa suisa chichangba pünnu zuanu tüta ziachu chiama angkya hwom füi akax. Hwome khangpongma Zang shintop chitüikyabu zia tata ama ang tho.

ZEKARIA 4:10

Kaxtaimix-e ku ang thüi: “Wüntik anüt a, zangfang pangnu khato hule ngokya Jowanpa mik anüt changpu.”

AMOS 7:5

Ipongma kue thüi: “Jowanpa Khüthak Zang, zakkox! Chichang thüiningle nang khünaknu chemle azangüi? Hwom a hidaole wüi tamchu shonaile tüile!”

DANEL 9:19

Jowanpa, kwom kax to apahüi. Jowanpa, kwom ang thailak tüihüi, Jowanpa, kwom chito nathale changhüi ilaxle mokle fahüi! Noknusae nang a Zang changpule naxtsing koplax ang, shenle taxngo! Ija tingnu hia khünak ibu a nangkux changle.”

ISAIA 51:19

Nang hato thama anyi athütle hüidaoa: ochax-ozane nang haxtok a chilaxle ang achangle toxdaoa, ilaxle nang khünaknu a woknuak ma ngo. Nang hato chingchajaja aho angkya mix owa chitüi.

MÜNCHUAK-TSAI 12:1

Kwom to asunhüi, Jowanpa! Atale toxkya müikya khünak tuita müntüi; sukya khünak athax atak angkya müntüi;

LAIPAO 34:9

Chixe thüi: “Nang otsingtomtata ma ku füi mongzom müikya jangchang, kue nang kwom füi tomle azuihüi le tsaiju-kaxjupu. Ibu khünakbu a kax ma chilaxkyabu changle, ikoxlechu kwome mokdaokya bao mwot hia ochax thailakkya tüifa. Kwom a nang khünaknu lüwüi pongle laxhüi.”

JOEL 2:17

Tötsap hia Zangshwom-Hom nyi bama Jowanpa thothale ngokya nguapabue, “Jowanpa, nang khünaknu to chingchahüi. ‘Hünzom Zang oja?’ le adix-adakya kax füi mixnokbue kwom thajao ang taxtom” le hwome sople zangjop angkya wüi changpu.

AMOS 4:9

“Hünzom saxziak azanle ama tangle kue zangwin makya ahüipu. Hünzom tsawat kha hia grep haxtokbu, hünzom fupsa pün hia olip pünbu komkaile kukbue saxle awütpu.