AMOS 7:17 - OTSAO BAIBEL (BSI)

¹⁷ Ikhoma Amaziah, Jowanpae nang füi akaxle: ‘Nang kakonu a tingnu ma tsangtsa hangkya mixcha tuita ang achangüi, ilaxle nang naosombu a zanhok ma langüi. Nang haxtok a ahak-ahanle changüi ilaxle mix ang koxle apaoüi. Ilaxle nang jao a shuakuxchi nok ma ziüi. Israel khünaknu a hwom chaxwan angkya mixnok chaxwan to zanda ang kople paoüi jaojao.’”

AMOS 7:17 ပူးပေါင်းရင်းမြစ်များ

HOSIA 9:3

Israel khünaknu a Jowanpa haxtok ma münngoüi, ikoxle Ijip nok to chatle chat angkya hüiüi ilaxle taxsax lükya süt Asiria nok to sax angkya hüiüi.

2 WANGHOMBU 17:6

ija a Hoshea-e apünkya zanglao aku lükya changkya. Asiria nok wanghompa Shalmanesar-e Samaria kop, Israel khünakbu Asiria to zanda ang kople pao ilaxle hwom züizüi Halah tingnu ma ngo ang tom, züizüi a Gozan haxsüt angkya Habor Shuanu zui ma ngo ang tom, ilaxle züizüi a Medi nok tingnu ma ngo ang tom.

EZEKEL 4:13

Jowanpae akax: “Kue hwom mixnok chaxwan tok to chiakle changpongma, ija a Wanlom ma chisaxli le abaxkya süt, Israel noke saxle chang angkya mowan ang changüi.”

JEREMIA 28:16

Ikhoma chixe nang jan ang tom angkya Jowanpa chix jaoe akaxle changdaoa. Ajakya zanglao makaiba wüi nang a zile paoüi chemthüikoxle nange khünaknu ang Jowanpa zan to kale chang angkya akaxdaoa.”

AMOS 7:11

Chix zangwünbu a ile changle: ‘Jeroboam a zanhok ma maxüi, ilaxle Israel khünaknu a hwom haxtok angkya mixnok chaxwan to zanda ang koplaxle paoüi.’”

JEREMIA 29:21

“Chix mün ma othai kaxho fale ngokya Ahap sasün Kolaiah hia Maseiah sasün Zedekiah nyi bama Jowanpa, Israel nok Khüthak Zang-e akaxdaoa. Ibu a chixe wanghompa Nebukadnezar tsak-zong chak to koxüi ilaxle wanghompa-e hünzom mikngün ma hwom langle chang angkya kax chixe akaxle.

ZEKARIA 14:2

Jerusalem zan to ka angkya hanpakma Jowanpae jat-libu pangwüi asüi ang tomüi. Ija tingnu a hwome kopüi, homhaxbu tsuiüi, ilaxle shekobu to shingnünle changüi. Khünaknu süifi a zanda ang kople paoüi, mamabu a tingnu angkya kople münpaoüi.

MANGSOP 5:11

Kwom kakonubu to Zaion Haxnu ma jao shingnünle chang; Judah nok tingkhua pangnu khato wüi kwom sacha hwom to shingnünle chang.

JEREMIA 28:12

Ile changkya füima janbama wüi Jowanpae ku ang

JEREMIA 20:6

Ikoxle nang hanpakma, Pushhur, nang üntoxle nang homkha khünak pangwüi kopüi ilaxle Babilon nok to paoüi. Nang ikhato ziüi ilaxle ikhato akhünüi, nang kaxthai zangwün füi dyenlale thomkya nang zuikhuibu chu pangwüi nang füi womle tüiüi.’”

ISAIA 13:16

Chemtue hwom fongmix owachu chitüikya chifün ma ngünpuix, hwom mikngün ma naosombu a thuple akhixüile langüi, hwom hom-pung tsuiüi, ilaxle hwom kakonubu to shingnünle changüi.”

MÜNCHUAK-TSAI 78:55

Chix khünakbu nguikya füi tomle ikhato ngokya khünakbu chixe jwonle apao; chixe ija haxtok Israel nok saxthom-homjen bama ahanle lax ang tom ilaxle chix khünaknu ang hwom ngo angkya hom-haxbu kox.

JEREMIA 14:16

Khünaknu opang hama hwome ija zangwün wünle changdaopuix, hwom chuwüi talailaile mik max ang tomüi. Hwom tompobu a Jerusalem tingjang lomnu to tswonle awütüi, ilaxle hwom mangzu angkya khünak owachu chitüiüi. Ija a hwom pangwüi füi ile changüi: hwom kakonubu füichu, hwom sasün hia sacha hwom füi chuwüi. Kue hwom ang hwom chichangchizangle tüikya tsangthom ang tomüi.”

AMOS 6:7

Ikhoma zanda ang pongwang ma pao angkya hünzom ang changüi, hünzom fongsüt hia pangpwon a oshuk ang changüi.

AMOS 8:1

Jowanpa Khüthak Zang tokhange kue mama mikngünohün ngün. Ija ma kue pünziak füi awangkya tsong tuita ngün.

AMOS 9:1

Kue tö-tsap zui ma Jowanpa ajongle ngokya ngün. Chixe kaxtom kox: “Zangshwom-Hom homkho ma zongbakle hongle homting to lün le alox ang laxkox. Ibu akhixle changkox ilaxle ibu a khünaknu ding to düt ang laxkox. Khünak mamabu a kue zanhok ma amütüi. Owachu paole azang ang müntom.

AMOS 9:8

Jowanpa Khüthak Zang, kue ija ningkya Israel nok ochax wangting tuita to hule ngopu, ilaxle kue ija a chaxwan thün angkya amüt angkya changpu. Ikoxlechu kue Jakop sixli hwom komkaile münamüt.

MIKA 1:16

Judah khünakbu, hünzome mongkünkya naosombu hanpakma mang sople khang onglax. Hünzome ma alüile ma khang okunbu khang hwonkya ningle hwon ang tomlax, chemthüikoxle hünzom naosombu hünzom chak tokya koplaxle zanda ang paoüi.

ISAIA 22:18

Chixe nang a tuita nüifua ningle tswonle kopüi ilaxle süchongkya nok haxtok to tswonle awütüi. Nang a nang mongngamle tüikya man-kanlinbu zui ma ikhato ziüi. Nang a nang hompunu zongto chilaxli ang changle.