AMOS 5:8 - OTSAO BAIBEL (BSI)

⁸ Lyettsibu a Jowanpae zing, Pleiad hia afoxle tüikya lyettsi chepnu ningkyabu a. Chixe zangnaknu a anyixningkya zangngai ang achang ilaxle anyixning a awünning ang achang. Chixe Molo Tinu tokya tibu nyak ilaxle ibu chaxwannu ding to thok. Chix mün a Jowanpa changle.

AMOS 5:8 ပူးပေါင်းရင်းမြစ်များ

AMOS 4:13

Zang a tuita haxhuabu zingkya mix changpu ilaxle chixe zangwinbu zing. Chixe chix mongtex khünaknu ang awan ang tom; chixe anyixning a awünning ang achang. Chix a chaxwannu pangnu füi sütsua le aham. Jowanpa Khüthak Zang: Ija a chix mün!

JOB LAIPEX 9:9

Zang-e zangkho to lyettsibu ashale dan – afoxle tüikya lyettsi chepnu ningkyabu, üntoxle shuathongchi lyettsibu.

AMOS 9:6

Jowanpae chix hom a zangkho tingto zai, ilaxle chaxwannu thak ma zangding ohua zingle alai. Chixe Tinu kha tokya ti nyak ilaxle ibu a chaxwannu ding to thok. Chix mün a Jowanpa changpu!

AMOS 8:9

Kue tungto khato zanghannu düt ang tom tamchu anyixning to chaxwannu zangnak ang tom le chang angkya hanpak nguile hüile. Jowanpa Khüthak Zang, kue ija kax akaxpu.

MÜNCHUAK-TSAI 104:20

Nange zangnak zing, ilaxle zangnak fangto faomüi pangwüi koto lai.

MÜNCHUAK-TSAI 105:28

Ija haxtok to Zang-e zangnak ahüi, ikoxlechu Ijip noke ojao chix kaxtombu kax ma chilax.

JOB LAIPEX 12:22

Omang ningle zangnak fangto ngokya nui, chixe zangngai ang tomle.

KAXHO MÜIKYA LUK 1:79

üntoxle omang zangkhung ma ngokyabu, zangnak to ngokyabu to nyan ang, mongsom lom to kem chikap zun ang.”

MATHI 4:16

omang zangkhunge khungle thomkya, chaxwan to ngokyabu hato, zangngaie nyan angkya changle!”

ISAIA 59:10

ilaxle kwom pangwüi mikpwompabu ningle pwomle aham. Tungto-sejale kwom chikho thu; ija a zangnak-kha ningle tamchu amalumfang zangnak fang ningle süt.

ISAIA 42:16

“Kue ku khünak miksutbu lom azuiüi hwom a lomnu makhange otuechu ma-aham. Kue hwom zangnak ang zangngai ang achangüi ilaxle hwom tunthoma tsoxtsütkya lomnu ajitjuile zingüi. Ibu a ku kaxtsaobu changpu, ilaxle ibu otuechu chichang homle le ang müntom.

JOB LAIPEX 38:34

Nange zangfwom ang kaxtom koxle akhong ang tho ang chami? Zangwat ti ibu füi ashan ang tho ang chami?

JOB LAIPEX 37:13

Chaxwannu ang ti kox ang Zang-e zangwat ajo; chixe ija kem to sikangün angchu ajotsuak, chichangba chix chingcha aho angchu ajotsuak.

JEREMIA 16:21

Ikhoma Jowanpae thüi: “Tamfang ma pangnusa hanpakma jat-libu ang kue ku tsak-zong hia janzüi awan ang koxüi; ilaxle hwome ku a Jowanpa changpule awanle laxüi.”

JEREMIA 33:2

Jowanpa, owae chaxwannu zingle alaipuix, owae ija alailaxle ija onui ma danle changpuix, chixe ku füi akaxle. Chix owa ang Jowanpa le amünpuix, chixe thüi: