AMOS 5:4 - OTSAO BAIBEL (BSI)

⁴ Jowanpae Israel khünaknu füi akax: “Ku hato oman, jangchangba hünzom ozün ma ngoüi.

AMOS 5:4 ပူးပေါင်းရင်းမြစ်များ

2 PUKAX-PANGAO 15:2

ilaxle chix a wanghompa Asa füi apong ang pao. Chixe nyakle thüi: “Wanghompa Asa, tamchu Judah hia Benjamin ma ngokya khünaknu, ku kax to apahüi! Hünzom chix füi ngokya kople Jowanpa a hünzom füi tüipu. Hünzom chix lomle jangchang, chixe hünzom ang chix atak ang tomüi, ikoxlechu hünzome chix hato tok ahole jangchang chixechu hünzom hato tok ahoüi.

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

MÜNCHUAK-TSAI 14:2

Jowanpae khünak kem to zangkangting tokhange hule, jetüi-hwonlangkya mix owawa tütüi cha, chix to shwomkya owangax tüichale.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

MATHI 7:8

Chemthüikoxle ajuju ang kox angkya changle; alomlome atak angkya changle; tamchu ahonghong ang ka daple fa angkya changle.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

2 PUKAX-PANGAO 20:3

Jehusafat tüle za ilaxle Jowanpa ma tikshole chix lom azui angkya hanpakma zangjop. Ifüima chixe chix chaxwan pangnu khato wüi chisax-chilingle zangjople atsao angkya kax kox.

AMOS 5:6

Jowanpa hato nguilax, ikoxle hünzom ozün ma ngoüi. Hünzom ikhato chipao jangthüi: Israel khünaknu hato chix a wün lailaile zikle juüi. Bethel angkya khünaknu wünkha to zokle ashunüi, ilaxle ija wün owaechu amüt ang münthoüi.

MÜNCHUAK-TSAI 69:32

Chemtue mix fangto ngokyabue ija ngünüihex, hwom ang mongmüikya tüiüi; opange Zang to shwomle tüipuix, hwom ang mong achenüi.

MÜNCHUAK-TSAI 27:8

Chemtue nange: “Oman, ku to shwomlax le thüipuix, Jowanpa, ku nguiüi”

MÜNCHUAK-TSAI 22:26

Chitüi-chinang khünakbue hwom mongzom ma müile saxüi; opang Jowanpa hato nguipuix hwome chix achuaküi. Hwom a othuithuima ahak-aluale naxtüi!

2 PUKAX-PANGAO 34:3

Josiah wanghom ang achangkya zanglao 8 lükya to, athaxchu chix naosün ang tüitan, chixe hopu Dawid Zang to shwom ang süt. Zanglao ali füima chixe songsari baozangbu to shwomkya onuibu, baozangchanu Asherah muabu ilaxle mama chapabu, ibu pangwüi ama ang süt.

TSAITONG-KAXTONG 4:29

Ekhato hünzome Jowanpa hünzom Zang lomüi, ilaxle hünzom künbak-mongbakle janglom, hünzome chix ataküi.

TSAITONG-KAXTONG 32:46

chixe thüi: “Anyix kue hünzom ang koxkya kaxtom pangwüi kax ma laxle-ole thüilax. Hwome chu mongong tüikya füi Zang hwon-nwot pangwüi kax ma laxle naxtüi lax ang ibu naosombu hama chatchatnaole wünkox.

TSAITONG-KAXTONG 32:47

Ibu hwon-nwot a zangwün ohuabu münchang; ibu a hünzom khüzün tomtata changpu. Ibu kax ma laxlax ilaxle Jordan shuanu talaxle hünzome kop angkya haxtok ma hünzom tsünlo-khothole ngoüi.”

ISAIA 31:1

Ijip nok to fonghüile kakyabu a maxdaoa! Hwome Ijip nok ma tüikya süpahi tsak-zong — man, man-kanlin, hia cha makhange azankya süpahi, iningkyabu to ongle. Ikoxle hwome Israel nok otsao Zang, Jowanpa to a mün-ong chichangba chix ma asun angkya bama tikshole münchang.

EZEKEL 18:9

Iningkya khünake ku kaxtombu kax ma laxle ilaxle ku wanlombu khile thomle. Chix a otsao khünak changle, ilaxle chix a ozün ma ngo angkya wüi changpu”, le Jowanpa Khüthak Zang-e akaxdaoa.

2 WANGHOMBU 20:3

“Jowanpa, mongong füi tamchu kax ma laxle nang thothale hüikya ku bama nang mongtex chem hex, ile mok angkya ku azong-afale changkya ibu texle ataklaxmi.” Ilaxle chix a mongmaxle sop ang süt.

2 PUKAX-PANGAO 20:4

Judah haxtok angkya tingnu pangkha tokya wüi Jowanpa ma tsaitik-kaxshole chang angkya hanpakma Jerusalem to nonokhaile asox,

MÜNCHUAK-TSAI 69:33

Tuimix-nuakmixbu to Jowanpa nathale ilaxle kunkha to tüikya chix khünakbu chixe otuechu münalak.

JEREMIA 38:20

Kue lan: “Nang a hwom chak to koxle münapao. Chingchalaxle nange pi Jowanpa kax ma wüi shong-laxhüi; ile jangchangba nang hanpakma pangnu müile hüiüi, ilaxle nang khüzün chimaxle ngoüi.

HOSIA 10:12

Kue thüi: ‘Hünzom hanpakma haxzün khutlax, ilaxle ku to jop-tole changkya mohiman ma kopkya puamün hünzome zütlax. Ija a, ku, hünzom Jowanpa hato mongchat angkya hanpak changle, ilaxle ku nguilaxle hünzom ang mohiman thokle koxüi.’