AMOS 5:2 - OTSAO BAIBEL (BSI)

² Naochasa Israel a nguakdaoa, Hwom a tamchizoüi! She a chaxwan tok ma awütkya ang achangle thom, Ilaxle owaechu she azwot ang chiasun.

AMOS 5:2 ပူးပေါင်းရင်းမြစ်များ

JEREMIA 14:17

Jowanpae ku ang kaxtom koxle ku mongtsik bama khünaknu hama apua angkya tamchu: “Ku mik ma zangnak zangngaile mikfi jenle naxngo, ku sopkya tamchizakle naxchang, chemthüikoxle ku khünaknu to zule mak-kha laxle tüile ilaxle hwom to chisumüile thomzünle.

AMOS 9:11

Jowanpae thüi: “Kue Dawid wangting oja hom tuita pünle ama thomdaokya ningle tüipuix, ija tamchatle amüi angkya hanpak nguile ngole. Kue ija katukbu tamchatle zaile ajong laxle ija zingle amüiüi. Kue ija chatle zingüi ilaxle amipongma tüikya lailaile zingle achatüi.

AMOS 8:14

Opange Samaria angkya chapabu, Dan angkya baozang mün ma chichangba ‘Bersheba angkya baozang mün ma’ tsaosaxlaxle changpuix, hwom a nguakle paoüi ilaxle tamchatle chizole changüi.”

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

HOSIA 6:2

Nyixnyi-zom bama wüi chixe kem künlop-monglüi ang tomüi, ilaxle kem chix füi ngoüi.

MANGSOP 2:13

O Jerusalem, ku mongkün Jerusalem, kue chemle wünthoüi? Kue chemle nang jox thoüi? Ija ningkya sikngün owaechu tüma-apong. Nang thama ma othüt chitüi tinukha lailai; monghom atak angkya olom ojao chitüi.

JEREMIA 51:64

ilaxle thüikox, ‘Babilon nok to ija ningle changüi: ija ti to singüi ilaxle otuechu chatle chiajongüi chemthüikoxle Jowanpae she hato iningkya thama ahüile ngole.’” Jeremia Kaxbu ima ashukle.

JEREMIA 50:32

Hünzom mongngam jat-li a chikho thuüi ilaxle nguaküi, ilaxle ija azwot ang owaechu münasunüi. Kue hünzom tingnu ma wün langüi, ilaxle hozui-onam to tüikya pangwüi amütüi.”

JEREMIA 31:4

Tamchatle kue hünzom zingüi. Hünzome khopsyabu koplaxle tamchatle mongmüitungle azüi ang kopüi.

JEREMIA 18:13

Jowanpae thüi: “Thochi ma iningkya changle hüidaocha ang mixjat-mixlibu ma atüile anolax. Israel khünaknue khomtsikya oli tsuakdaoa!

JEREMIA 4:20

Thangshix tuita füima tuita azuile hüi; haxtok pangwüi pünle ama toxdaoa. Kem pombu allele pünle ama; ibu tuknyibu a akyetle akhix awüt.

JEREMIA 2:27

Hünzom pangwüi ang zak-akopüi—pün nang apa kux ilaxle long nang anu kuxle akaxkya hünzom pangnusa ang a. Hünzom ku hato hüihaxkux lüi ma ku hato tok ahole paokya khoma ija ile chang ang tomüi. Ikoxlechu chemtue hünzom sikngün-tuitaile changüihex, hünzome hüilaxle hünzom khosün angkya ku wüi lom.

ISAIA 43:17

Tsakzong füikya süpahibu amüt ang zunle apüi, mankho ma hia man-kanlinbu ma tüikya süpahibu a. Hwom ikhama nguak, ija laoxle tamchizo, wünti chitüikya wüntik müt ma hwom max!

ISAIA 37:22

Jowanpa kaxho ile kox: “Sennacherib, Jerusalem tingnue nang cha nyile tamchu nang ajaole.

ISAIA 24:20

Chaxwannu jaojao jutokmix ningle-khokhele changüi ilaxle zangchei thoto homsa sile aloxkya ningle sile aloxüi. Chaxwannu to ija ochaxbue sheple anguaküi ilaxle ija otuechu laoxle chizole changüi.

ISAIA 14:21

Mikmüt owang naxwang! Hwom pupa hwom ochaxbu khoma ija wanghompa su-sa hwom ziüi. Hwom opupuechu ija chaxwan to apünle chichangba ija ma tingnubue awangle chang ang müntom.

ISAIA 3:8

Changle, Jerusalem a maxdaoa! Judah a nguakle ngole! Hwome akaxkax tamchu amokmok pangwüi Jowanpa zongto omama wüi; hwome ngaithole Zang adale.

2 WANGHOMBU 17:16

Hwome Jowanpa, hwom Zang wanlombu pangwüi ama ilaxle hwome shwom angkya hanpakma jan makhange baozang maihupong anyi zingle alai. Hwome baozangchanu Asherah chapa zing, lyettsibu to shwom, ilaxle Bal baozang thothale chang.

2 WANGHOMBU 15:29

Pekah a wanghom ang ngole tüipongma Asiria nok chongwangpa Tiglath Pilesar-e Ijon angkya tingnu, Abel Beth Makah, Janoah, Kedesh, ilaxle Hazor, ilaxlechu Gilid haxtok ma tüikya, Galili, ilaxle Neptali, tingnu ibu kop üntoxle khünakbu a Asiria nok to zanda ang pao.

JEREMIA 8:4

Jowanpae chix khünakbu füi ija kax akax angkya ku füi akax: “Chemtue owawa atile changpuix, chix anaole chizole tüizaicha? Owawae lom asamle jangchangba, chix anongle chichatle tüizaicha?

JEREMIA 9:9

Ibu khoma kue hwom sikangünle münchang puixnyi? Iningkya jat-libu to olüix khomle münchang puixnyi? Ku, Jowanpae ija kax akaxdaoa.”

JEREMIA 9:21

Kem thangmikbu makhange mik max angkya hüile ilaxle kem wanghom homlobu to nople; ijae naosombu tingjang lomnu to asexle awütle ilaxle hat-sütnui to naocha-naosünbu langle.