AMOS 5:14 - OTSAO BAIBEL (BSI)

¹⁴ Oja ochax hex ija chichangle, chem supuix ija mok angkya a nang mongjang ang achanglax, ile chang koxle nang ozün ma ngoüi. Nange akaxkya ningle, Jowanpa Khüthak Zang a otsing tomtata ma nang füi ngoüi.

AMOS 5:14 ပူးပေါင်းရင်းမြစ်များ

JIHUSUA 1:9

Kue nang füi mongzangwünle tsuak angkya hia mongong tüile chang angkya bama kaxtom fadaokya taxalak. Taxza chichangba mong taxasho; chemthüikoxle, Jowanpa, ku hünzom Zang, nang alele pangnu chito nang füi tüile ngoüi.”

MATHI 6:33

Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

2 TIMOTHI 4:22

Nang chasa füi Jowanpa womhüi. Zang chingcha hünzom pangnusa füi wüi ngohüi.

AMOS 3:3

Katzua chitüi homtoxle mixhuak anyi tomtomle wünham ang laizai chami?

1 PUKAX-PANGAO 28:20

Wanghompa Dawid-e chix sasün Solomon ang thüi: “Mong taxhi ikoxle mongchongle changlax. Mwt owang wang kox, owaechu nang to abax ang taxtom. Kue owa to thothale hüipuix, ija Jowanpa nang füi tüiüi. Otuechu chixe nang danle müntoxpu, ikoxle chix Zangshwom-Hom ma mokse mwot ashukle machang tanto chix a nang füi ngo angkya changle.

MATHI 1:23

Otsao Lai Kax a: “Hulax, naocha tuita ma nao tüiüi, ilaxle lükasa tuita puxüi; IMANUEL”, le chix ang nyaküi. (Zang kem khama tüile).

ISAIA 55:2

Mongzom chimüi angkya ma ngün chem ang bakpu? Hünzome hingchak hom ilaxle woknuak ma büthüikoxle ngopu? Ku kax apalax ilaxle kue chem wünpuix ija moklax, ile jangchangba hünzome sümüikya süt saxle ngo ang kopüi.

WANWÜNKAX 11:27

Nang mongjang müile jangchang, nang e-sele changüi, ikoxle nang thama adün angkya lomle jangchang, nange atak angkya a ija changpu.

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

ISAIA 8:10

Hünzom katzuabu laxlax! Ikoxlechu ibu otuechu tsuakle münpao. Mongtsukya tukuxle hünzome zangwünlax! ikoxlechu ija chem angchu münchang, chemthüikoxle Zang a kwom füi tüile.

2 PUKAX-PANGAO 15:2

ilaxle chix a wanghompa Asa füi apong ang pao. Chixe nyakle thüi: “Wanghompa Asa, tamchu Judah hia Benjamin ma ngokya khünaknu, ku kax to apahüi! Hünzom chix füi ngokya kople Jowanpa a hünzom füi tüipu. Hünzom chix lomle jangchang, chixe hünzom ang chix atak ang tomüi, ikoxlechu hünzome chix hato tok ahole jangchang chixechu hünzom hato tok ahoüi.

HUAKE LAIPEX 16:3

Hwom Mosa hia Arun nyi zui ma asox ilaxle thüi: “Hünkhi a müimama lüwüi ziakaile leüna! Tunu angkya noknusa wüi Jowanpa kux changle, ilaxle Jowanpa a kem pangnusa füi tüipu. Jangchangba, Mosa, nange, Jowanpa khünakbu thakma akhokya nang tata wüile büthüikya ma texlaxpu?”

LAIPAO 3:12

Ikoxlechu chixe thüi: “Ku a nang füi tomle tüiüi; ilaxle nang tomle akatkya a ku changpu lükya münwan a ija changüi: Chemtue nange Israel khünaknu Ijip nok chaxwan tokya alaile apüiüihex, nange ija haxhua ma Zang to shwomüi.”

PONGWANG LAIPEX 39:23

Jusep-e humele chang angkya hünlit koxle thomdaokya mwot tütali to chu nyetmixe tamchatle hungo angkya mwot chiatsat. Chemthüikoxle, Jowanpa chix füi tüile ngokya khoma, chixe amokmok mwot pangwüi tsuakle hüi ang tom.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

AMOS 5:6

Jowanpa hato nguilax, ikoxle hünzom ozün ma ngoüi. Hünzom ikhato chipao jangthüi: Israel khünaknu hato chix a wün lailaile zikle juüi. Bethel angkya khünaknu wünkha to zokle ashunüi, ilaxle ija wün owaechu amüt ang münthoüi.

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

MÜNCHUAK-TSAI 97:10

Jowanpa chixe ochax thua anukyabu to mongkünle; chixe chix khünaknu khüzün kho-awale thomle; chichang-chizangkyabu tsak-zong chak tokya chixe hwom azünle thomle.