AMOS 5:12 - OTSAO BAIBEL (BSI)

¹² Hünzom ochaxbu chemtukux khomtsikyabu hex tamchu hünzome chemtukuxle mix mik amüt daopuix kue awan ngopu. Hünzome müikya khünakbu to zothuple chang, zuizunbu lax, ilaxle mixshix-zasabu ang khwa ma sukya kaxfün kop ang chitom.

AMOS 5:12 ပူးပေါင်းရင်းမြစ်များ

AMOS 5:10

Hünzom khünakbue sukya kaxfün bama alatkya hia khwa ma kaxtsing zangwünle changkya mix to miktsak.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

1 SAMUEL 8:3

Ikoxle hokhie hopa mwotlom chito, hokhi a ngun kop angkya zaza to mongkoxle mok, ikhoma hokhie sukya kaxfün chifatox homle zuizun laxlaxle tix tsaifün-kaxwünle chang.

JAKOP 5:6

Chem ngax chichangkya khünakbu hünzome ajao ilaxle langle awüt, ilaxle hwome hünzom to chiabax.

JAKOP 5:4

Ma haxtok ma thomkyabu ang hünzome owa angchu hingchak mün mafa. Apalax! Nang tsaxzüt hingchak kakyabue akhongkya ozing Zang, Khüthak Jowanpa na to nguidaoa.

WANGSHEMBU MWOT 7:52

Hünzom pupa hwome sik-chiangünkya aje tuita ngaxchu tüichahex? Chix Otsao Da tuita ngui angkya bama kai wüi apuale fakya Zang kaxho mixbu hwome lang. Athaxchu wüi hünzome chix khohang ilaxle langdaoa.

MIKA 7:3

Ochax mwot mok ang pangnusa wüi tüle anaxle. Nguakax wangkhobu hia kaxfünpabue zuizunbu jule. Tsaipu-kaxpabue ibu hama hwom mongtex wünle koxle, ilaxle ija ningle hwom notom laxle katzua tsuakle.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

AMOS 2:16

Ija nyix a, naomüipa changpule ngokya mixe ngaxchu ma khyep-di toxlaxle pao ma sütüi.” Jowanpae ija akaxdaoa.

MANGSOP 3:34

Kem chasa kun khato zutle akhix thomkya Jowanpa-e awanle ngole;

JEREMIA 29:23

Ija a hwom shoma changüi chemthüikoxle hwom a za-adünkya ochaxbu lyenle thaidaoa: hwome chinunchakkai mwot mok tamchu Jowanpa mün lünlaxle kaxthai zangwünle changdaoa. Ija a Jowanpa mongtex füi opüi changle; hwome chem mokdaopuix ija chixe awan ngole, ilaxle hwom zongto mikngün kaxkhi a chixjao changle. Ija kax Jowanpae akaxdaoa.”

ISAIA 66:18

Kue hwom mongtex hia hwom mwotbu tsingle Ku nguile ngole chaxwannu nok pangwüi tomle. Chemtue hwom tomle nguiüihex, hwome ku tsak-zonge chem mokle tsuak puix ija ngünle laxüi

ISAIA 47:9

Ikoxle noxtakya bama, nyixtakya fang ma wüi, ibu pangwüi changle hüiüi. Nang ma tüle khun-hing twonle ngokoxle chu, nange nang kakopa hia naosom hwom amüt-asamüi.

ISAIA 33:15

Nange kaxtsing zangwün tamchu sukyakya mokle jangchang nang chizile ngo ang tsuak. Nang tsak-zong a chitüi-chinang dyenla ang taxtwon ilaxle zuizun pongle taxkop. Mix mik amüt ang tungkya hia ochax mwot mok ang tungkyabu khato taxhak.

ISAIA 29:21

Zangwün makhange mix tha ajaokyabu, mütkopmixbu kho awakyabu, ilaxle chithaikya mix ang sukya kaxfün chifale abax thomkyabu, ibu Zang-e amaüi.

ISAIA 10:2

Ilele wüi hünzome mixshix-zasabu ang hwom süntom hia sukya kaxfün kop ang chitomle tsyen thom. Ilele wüi hünzome zomnu hia khaxsa hwom angkya tuinabu tswonle lax.

ISAIA 5:23

Ikoxlechu zuizun koplaxle hünzome thaikya khünak danle apao, ilaxle chithaikya mix ang sukya kaxfün kop ang chitomle abax.

WANWÜNKAX 22:22

Nange thodaobale tuimix-nuakmix to ajao-adale taxchang; khwa ma wünle fakox angkya khünak owachu chitüile chingchapaküi le ajongkya khünakbu thajao-wünhaile taxchang.

JOB LAIPEX 31:21

Khwalo ma zangwünkya kue wüi lütüile thütlaxle, kue owawa khaxsa nao dyenlale jangchangdao,

RUT LAIPEX 4:1

Boaz a nguazua nui tingnu pan to lai ilaxle ima thung. Ifüima Elimelek zongto süsoxkya mamix, owa mo Boaz-e wünle akax daopuix, chix ngui, ilaxle Boaz-e chix sele thüi: “Tüita-naopa oman, ikhama thunghüi.” Idaile chix hüi ilaxle ikhama thung.

TSAITONG-KAXTONG 31:21

Ifüima tüle chongkya thamabu hwom hato hüiüi, ikoxlechu ija tsai a ngaole wüi ngoüi, ilaxle ija a hwom zongto tuita manwan ang ngoüi. Athax ngaxchu kue hwom ang koxüihex-ole tsaole thomkya haxtok to mapaoba ngaxchu hwom mongto chemle thütle ngopuix kue awanle ngopu.”

TSAITONG-KAXTONG 16:18

“Jowanpa hünzom Zang-e hünzom ang koxkya tingnubu ma kaxfün mixbu tamchu mama okax-okho hwom kamlax. Hwom khünaknu to masüi-mixlüikya chitüikya kaxfün fale apünüi.

MÜNCHUAK-TSAI 127:5

Iningkya sanjunbu füikya khünak a mongmüi mix changpu. Chix to otuechu münlütüi chixe chix zanpabu kaxfün chitong ma apong pongmachu a.

WANWÜNKAX 17:8

Owawae zuizun mwot a tuita chajik-muashem mwot ningle thütle; ija füi pangwüi moktsuaküile hwome thütle.

EZEKEL 13:22

“Hünzom kaxthai zangwün makhange müikya khünakbu ang hünzome mong ahik. Ibu a kue mong amase lejao chitsukya khünakbu changle. Ochax khünakbue hwom ochaxbu danle toxlaxle khosün atak angkya hünzome abaxle thom.

HOSIA 5:3

Israel chemningkya hex kue awan ngopu: she a ku thoto azwon ang müntho. She a mongong chitüitoxle ngole hüile, ilaxle she khünaknu a ku to shwom-tole chang ang münasu.”

AMOS 2:3

Kue Moab nok apünkya hia hwom haxtok angkya lompabu komkaile langüi.”

AMOS 5:7

Hünzom opange sukya kax füi asong-anong ngopuix tamchu opange khünaknu angkya ma huakpa süntswon amüt ang tompuix, hünzom a maxdaoa!

AMOS 8:4

Hünzom opange chitüi-chinangbu to tingle afang thompuix tamchu haxtok angkya mixshix-zasabu amüt ang azongle ngopuix, ija to apalax.

LAIPAO 23:3

Kaxfün fapongma omüt-oshun khünak tuita zongto masüi-mixlüikya taxtüi.

LAIPAO 23:6

“Khwalo to mixshix-zasa nguipongma sukya kaxfün chifale taxtüi.

JOB LAIPEX 20:19

chemthüikoxle hwome mixshix-zasabu to sikangün ilaxle hwom to chie-chise; owawae zaile alaikya hom-hax hwome pale lax.