AMOS 4:9 - OTSAO BAIBEL (BSI)

⁹ “Hünzom saxziak azanle ama tangle kue zangwin makya ahüipu. Hünzom tsawat kha hia grep haxtokbu, hünzom fupsa pün hia olip pünbu komkaile kukbue saxle awütpu.

AMOS 4:9 ပူးပေါင်းရင်းမြစ်များ

HAGAI 2:17

Kue chei-hi-jun ahüile hünzome küi-thwom ang azongkya pangwüi ama, ikoxlechu hünzom ang mong chialüixpu.

TSAITONG-KAXTONG 28:22

Jowanpae hünzom to kakma-lakshix; fingle kakkya hia khamle kakkya, ibu okak-olak füi fitüi; chixe hünzom manzai olithule naxchang ang chaxwan ako ang tomüi tamchu zangwin okhame jep ang tomüi. Okak-olak ibu a hünzom füi mazi-mazile ngo ang tomüi.

JOEL 1:4

Kuknu ozyem tok to ozyem saxziak ma pax; kuknu tuitae danle toxkya ifüi angkya kuknue sax.

AMOS 4:6

“Hünzom tingnu hato otui-onuak ahüikya a ku changpu, ile changkoxchu hünzom a ku hato mong alople chihüi.

AMOS 4:8

Tilan ma ashole max, mama-mama tingnu tokyabu tingnu tuita to ti ataküile onglaxle ngui, ikoxle ling ang ngaxchu okhonguile chikop. Ikoxngaxchu hünzom ku hato chichat.

JOEL 2:25

Zazwop kuknue hünzom saxziak komkaile sax pongma hünzome chem amütdaopuix ija kue hünzom ang achatle koxüi. Ija süpahibu hünzom zan to akatkya a ku changkya changpu.

JOEL 1:7

Ibue kem grep zubu amadaoa ilaxle kem fupsa pünbu shaole akhixdaoa. Hwome pünkhwonbu thuakthuakthang le achangdaoa, okang-ozabu tsezale achangdaoa.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

JEREMIA 3:10

Ibu pangnu ile chang füima, Judah, mongong chitüikya Israel nanaonu, ku hato chat-tong-ole dyenla; she ma mongpak-fünthokya ojao chitüi. Jowanpa, kue ija akaxdaoa.”

ISAIA 1:5

Hünzome büthüikoxle alünle ajonglanle ngopu? Hünzome anaolechu sikngün süchongkya lompia? Israel, hünzom khang a thomzün-maklaxkya füi chwople tüidaoa, ilaxle hünzom kün-mong hia khangka a kakle tüile.

2 PUKAX-PANGAO 6:28

“Chemtue ija haxtok ma otui-onuak tüiüihex chichangba kaknu-laknu lele changüihex chichangba tsaxsa-hikha chei-june ama tamchu kuk-wyae saxle changüihex, chichangba chemtue nang khünakbu to zanbue single changüihex, chichangba hwome okak-olak apongle changüihex,

1 WANGHOMBU 8:37

“Chemtue ija haxtok ma otui-onuak tüiüihex chichangba kaknu-laknu lele changüihex chichangba tsaxsa-hikha chei-june ama tamchu kuk-wyae saxle changüihex, chichangba chemtue nang khünakbu to zanbue single changüihex, chichangba hwome okak-olak apongle changüihex,

TSAITONG-KAXTONG 28:42

Hünzom pünziak-laimo hia tsaxsa-hikha ziak pangwüi chong-lange saxle tsuakdaoüi.

ISAIA 50:11

Mix fün ama ang olom zingle ngokya hünzom pangwüi hünzom pangwüi mae zingkya olom ma maxüi. Ija ile Jowanpa chix tomtae chang ang tomüi; hünzome wün ang chimüikya shoma thangnak apongüi.

HABAKUK 3:17

Fupsa pün ma ngaxchu oziak müntüi ilaxle grep zu ma grep ziakkya chitüi, olip manzai ngaxchu puamün ang chikop ilaxle haxtok ma saxziak chemchu chidün, chunbu to lünle pangwüi zile pao üntoxle maihu kunbu chu ahuasakle dantox,

ISAIA 9:12

Siria a handünchi ma Filistia a hannopchi male Israel nok jok angkya hanpakma hwom wikhabu akadaoa. Ibibile changkox ngaxchu Jowanpa mongtsik mabak; athaxchu sikangün angkya hanpakma chix chak a ajong lüwüi tüile.

HOSIA 11:5

“Hwome ku hato münchatpule angam, ikhoma hwom Ijip to chat angkya wüi changle, ilaxle Asiria noke hwom to apünle ngoüi.

MALAKI 3:11

Kue hünzom sax chong-lange sax ang müntom, ilaxle hünzom grep zubu a grep ziak füi awangle tüiüi.