Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AMOS 4:13 - OTSAO BAIBEL (BSI)

13 Zang a tuita haxhuabu zingkya mix changpu ilaxle chixe zangwinbu zing. Chixe chix mongtex khünaknu ang awan ang tom; chixe anyixning a awünning ang achang. Chix a chaxwannu pangnu füi sütsua le aham. Jowanpa Khüthak Zang: Ija a chix mün!

အခန်းကိုကြည့်ပါ။ ကော်ပီ




AMOS 4:13
38 ပူးပေါင်းရင်းမြစ်များ  

Lyettsibu a Jowanpae zing, Pleiad hia afoxle tüikya lyettsi chepnu ningkyabu a. Chixe zangnaknu a anyixningkya zangngai ang achang ilaxle anyixning a awünning ang achang. Chixe Molo Tinu tokya tibu nyak ilaxle ibu chaxwannu ding to thok. Chix mün a Jowanpa changle.


Jowanpa a chix otsao nui tokhange nguingole; chix juüi ilaxle haxnukhobu to ahamüi.


Jowanpae chix hom a zangkho tingto zai, ilaxle chaxwannu thak ma zangding ohua zingle alai. Chixe Tinu kha tokya ti nyak ilaxle ibu a chaxwannu ding to thok. Chix mün a Jowanpa changpu!


Israel nok otsao Zang-e kem dan-e— chix mün a Jowanpa Khüthak Zang.


Ikoxlechu zangkangting to Zang tuita tüile. Chixe ija huxsa zangwünbu ngaile aho ang tsuakle. Wanghompa, ija a chixe nang hato athax füichi ma chemle chang angkya hex ija ngaile ahole ngokya changpu. Athax kue ija nang wünmang apuale fafang, nange jiple ngopongma ngünkya nang wünmang a.


Jowanpa, hünzom Zang achuak kox, chixe zangnaknu ahüiüi thoma, ilaxle haxnubu ma hünzom asuale changüi thoma; hünzome sungle monghom ngokya zangngai chixe zangnaknu ang achangüi thoto.


Nang janzüi makhange nange haxnubu onui ma dan, ile ataxkya nang tsak-zong aho.


Israel, nang mong chemkuxma müipuix! Nang lailaikya owachu müntüi, Jowanpae sünle thomkya jat-li tuita a. Nang di hia changlo a Jowanpa chixjao changpu, chixe nang khosele ilaxle lütkya koxle. Nang zanpabu nang hato chingcha jule hüiüi, ilaxle nange hwom to cha füi tingle akhünüi.


Ija a Israel nok hanpakma Jowanpa tokhange kaxho tuita; Jowanpa owae zangding pünle akhaokya, chaxwannu zingle alaipuix, ilaxle khünak hanpakma tsün koxpuix. Chixe thüile:


Kue tungto khato zanghannu düt ang tom tamchu anyixning to chaxwannu zangnak ang tom le chang angkya hanpak nguile hüile. Jowanpa Khüthak Zang, kue ija kax akaxpu.


Jakop Zang a hwom lailaikya münchang; chix a jalinusa zingpupa changle, ilaxle chixe Israel a chix khünaknu ang zünle kopdaoa. Jowanpa Khüthak Zang a chix mün changle.


Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu


Chak ma puix laxle owawae molo tinu thüt ang tho ang cha chichangba fak tin laxle owawae zangding thüt ang tho ang cha? Wansa tuita ma owawae chaxwan tok angkya hax kople thom tho ang cha chichangba tuak ma haxnu hia haxhuabu thüt ang tho ang cha?


“Chixe hwom ang haxhua nokbu apün ang tom, ilaxle hwome haxtok ma chem laipuix ibu sax ang kop. Hwome longtsyentua to nax-tibu atak; hwome olip pünbu a longfix tüikya haxtok to nyem ang tom.


Thong lailaikya zangfwom chuwüi Israel nok hia Ijip nok nyi tantiwa ma atsyenle machang machangle füichi to chat. Ija zangfwome tukle Ijip nok hato zangnak ang tom, ikoxle Israel hato wünzung kox. Ikhoma süpahibu wünta tungle tata füi asao ang chikop.


Mosa-e chix chak zangkho chito ajong ifüi tomle Ijip nok haxtok ma nyix azom tüle haxshix-zangnak.


Zangwine chix mongtex ma jeple; hünzome ija ozing ma atatle, ikoxlechu hünzome ija ojong tokya ngui ilaxle ojong chito pao angkya hex müntsing. Chasa ma puxkyabu pangwüi ija ningle changpu.”


Jowanpa Khüthak Zang-e ku ang tsak-zong koxle. Chixe chemtuechu ku cha müikhi sok lailaile atingting khama süt ang tom ilaxle haxnukho to ku khosünle thom.


Jowanpa Khüthak Zang-e chix mün ma tsaotsütle thüi: “Kue Jakop mongngamkya thua anupu, hwom hom-haxbu zaxzangle changkya to a; kue tingnu hia ima atüitüi zannok chak to komkaile danüi.”


Ija kax, Khüthak Zang le amünkya Jowanpa, kue akaxpu.”


Athax apakoplax, ilaxle Jakop su-sa hwom ang kaxkhün laxkox.


Chix kaxtom ma zangdingkho tokya tibu lüixle achap; chixe zangfwombu haxtua-zangnam tokya apüi. Chixe zangwat pongma zangjang ajep ang tom ilaxle chix tüithün-nui tokya zangwin ajo.


Chix kaxtom ma zangkho tokya tibu akhong; haxtua-zangnam tokhange chixe zangfwombu apüi. Zangwat ma chixe zangchangjep zingle alai ilaxle chix pungkha angkya zangwin ahüi.


Ikoxlechu hünzome mongngam füi hünzom a otsao tingnu nokpu changpu ilaxle hünzom Israel nok Zang to mongongpu, chix mün a Jowanpa Khüthak Zang changpule akax.


Chemtue ija nyix nguile hüiüihex, hwome Israel nok zongto tinu-tichap to kaile azaxle akhongüi. Ija chaxwan to hulax! Zangnak hia künmax-mongshan tata! Zangngai a zangnaknue lingdaoa.


Ifüima chixe kaxtom kox, ilaxle junbu chule pao; chixe zangwinbu ahüi, ilaxle tibu jen ang tom.


Kue mokkya komkaile nange tsingle laxpu; tsai-tokhange nange ku mongtex bakle awan laxpu.


Haxtua-zangnam to zangfwombu lai ang tomkyachu chix changpu, chixe atsak-adung laxle zangwat ang tom ilaxle chix pungkha tokya zangwinbu ahüi.


Chixe khünaknu nok thwonlop laxle ngokya daile owaechu chix hama hwom bama apuale fango angkya mwot chitüi.


Jisu-e hwom mongjang awanlaxle thüi: “Hünzome ma mongto iningkya oma büthüikoxle ajang ang koxpu?


Athax, ija huxsa zangwün a ku hama ngaile ahodaoa, ku a mamabu pangnusa füi ataxle tsaokya khünak tuita changkya khomale münchang, ikoxle wanghompa nange nang wünmang chem hanpak hex ija tsingle naxkoplax ang ilaxlechu nang hato hüile ngokya tunu-wansa tikle naxkoplax angle changpu.


Ija a zangnak tamchu kochidongkya nyix ang changüi, naktukle zangfwom atyenkya nyix a. Zazwop-kuknu süpahibu chongkya süsox-süsoxle soxle hüi haxnubu to alumle zangnaknu hüikya ningle. Ija ningle chemchu machangtox, ilaxle füichimachu ile münchangtoxüi.


Zanghan dün chixe abax ang thole, Zangnake nyan ang chitomle lyettsibu tuk ang thole.


Zangnak hia zangngai pangnyi wüi kue zingpu; mohiman hia thama pangnyi wüi kue apüipu. Ku, Jowanpae, ibu pangwüi mokpu.


Ku, Jowanpa Khüthak Zang a wanghompa changle. Ku a khüzün Zang changle. Tabor Haxnu haxhuabu to kaile tsuale tüikya ningle ilaxle Karmel Haxnu tinu to kaile tsuale tüikya ningle, nang to single hüikya mix ma janzüi ile tüiüi.


Idaile athax, Jakop su-sa hwom, Zang to mongong tüilax ilaxle chix hato chatlax. Mongkoxle chix thothalax ilaxle sukya kaxfün ma ngolax, ilaxle hünzom Zang-e mok angkya to adule tanlax.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ