AMOS 4:11 - OTSAO BAIBEL (BSI)

¹¹ “Kue hünzom züizüi a Sodom hia Gomorah nok amütpupu le max ang tompu. Hünzom opang azangle tüilaxpuix ibu chuwüi wünkha tokya alaile laxkya wünchua füikya hatua tuita ningle changle. Ikoxle ngaxchu hünzom a ku hato mongchat le münhüipu.

AMOS 4:11 ပူးပေါင်းရင်းမြစ်များ

ZEKARIA 3:2

Jowanpa kaxtaimixe bao ang thüi: “Bao, Jowanpae nang thajaole naxchang. Ija khünak a wünkha tokya pakle laxkya wüntua ningle changpu.”

ISAIA 13:19

Babilon a pangnu nok füi osün sümüikya wangting changpu; ija a ima tüikya khünaknu mongngam angkya tuita. Ikoxlechu chemle Sodom hia Gomorah nok asongle thokpuix ilailaile Jowanpa, kue Babilon chuwüi asongle thokle awütüi!

JEREMIA 23:14

Ikoxle ito kaikya mwotma mokkya Jerusalem angkya ajebu kue ngündaoa: hwome chinunchakkai ilaxle atse; othai mwot mok ang hwome khünaknu to asun, ikhoma ochax mwot mokkya abax angkya mix owachu chitüi. Ku zongma hwom pangwüi Sodom hia Gomorah nok füi tomwüi oma changle.

JUD LAIZA 1:23

wün khatokya bele alaile mix khosün kox; ilaxle zakya füi awonle mix ang chingcha ahokox, ikoxlechu hwom ochax mikzalokya füi lyetle ama daokya hwom nyiza thua anulax.

JUD LAIZA 1:7

Ilailaile Sodom hia Gomorah tamchu akhople tüikya tingshobu, ojapange kaxtaimixbu ningle ma alüile chinunchakkai mwot to koxpuix ilaxle chimok angkya oli mwot mokle tüipuix, hwome oshuk chitüikya wün ma sikngün apongkyae apyen angkya aho, ibu texle atalax.

2 PITAR 2:6

Zange Sodom hia Gomorah, tingsho anyi, tha ajao; ibu wün füi amüt, üntoxle Zang chilax homtoxle ngokyabu to chemle changüi hex, ija hanpak kaxpan ang ija tingsho nyi achang.

AMOS 4:6

“Hünzom tingnu hato otui-onuak ahüikya a ku changpu, ile changkoxchu hünzom a ku hato mong alople chihüi.

MIKNGÜN-OHÜN 9:20

Ibu thama ma mik chiamütle toxkya khünak owachu ma chak-mwot tokya mong chichat. Hun, khop, janjong, long hia pünbu makhange zingkya chapabu owae ngün ang, atat ang, tamchu aham ang chitho, ibu baobu shwomkya hwome chitox.

1 KORIN 3:15

Ikoxle owawae takya wün to shunle jangle thüiningle, chix ang Ija hingho müntüiüi, bachutix chix huak a wünkha tokya paole azangkya ningle sünle kopüi.

HOSIA 11:8

“Israel, kue nang chemle danle awütüi? Kue nang chemle dantoxüi? Kue Admah amütkya ningle hünzom amütüi hi chichangba kue nang to Zeboiim to hwonkya ningle hwonüi hi? Ku mongkhae ku ang ija mok ang müntom! Hünzom tokya ku mongkün a huanu changpu.

EZEKEL 24:13

Jerusalem, nang mongzok mwot tokhange nang chitsaokya ang achangdaoa. Kue nang atsaole fang azong koxlechu, nang a chitsaokya ang wüi achangle ngo. Ku mongtsik janzüi zongbakle ma-apongba nang a tamchatle otsao ang münachang tsuak.

JEREMIA 49:18

Hwom tamchu hozui-onam ma tüikya tinglongbu amütle changpongma Sodom hia Gomorah nok to chemle changpuix ija ningle Edom nok ma changüi. Ikhama tamchatle owachu chingo. Ku, Jowanpae ija akaxdaoa.

ROM NOK HATO ZAKYA POL LAIZA 9:29

Ija a amiba wüi Isaia-e akax daokya ningle, “Khüthak Zange kem oli chitox thüikoxle, kem a Sodom ningle achangünse, kem a Gomorah ningle changdaose.”

TSAITONG-KAXTONG 29:23

Haxtokbu a khat hia hum-e awangle, oziak-opua chemchu chitüile awütle thomkya kha ang ngoüi; chemchu küi-thwomle münchangüi, ikhato hingzang ngaxchu chinyemüi. Chix mong shixle tsikpongma Jowanpae amütdaokya Admah hia Zeboiim nok, Sodom hia Gomorah tingnubu ningle changüi.

ISAIA 7:4

Chix ang mik-hingle tamchu somdangle ngo angkya ilaxle zakyae poxle chingo angkya akaxkox. Wanghom Rezin hia Siria nokbu tamchu wanghompa Pekah hwom mongtsik a hatua anyi ma azwonle laikya wünkhut thangaxchu münchang.

TSAITONG-KAXTONG 28:24

Zangwat lüi to Jowanpae hünzom hato lakhut hia longkhixbu pikle zangchei ahüilaxle komkaile amüt ang tomüi.

ISAIA 9:12

Siria a handünchi ma Filistia a hannopchi male Israel nok jok angkya hanpakma hwom wikhabu akadaoa. Ibibile changkox ngaxchu Jowanpa mongtsik mabak; athaxchu sikangün angkya hanpakma chix chak a ajong lüwüi tüile.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

JEREMIA 50:40

Kue hwom hia hozui-onam tokya tinglongbu amüt pongma Sodom hia Gomorah to chemle changpuix ija Babilon ma chuwüi changüi. Ikhato tamchatle otuechu khünak münngoüi. Ku, Jowanpae ija akaxdaoa.

HOSIA 11:5

“Hwome ku hato münchatpule angam, ikhoma hwom Ijip to chat angkya wüi changle, ilaxle Asiria noke hwom to apünle ngoüi.

HAGAI 2:17

Kue chei-hi-jun ahüile hünzome küi-thwom ang azongkya pangwüi ama, ikoxlechu hünzom ang mong chialüixpu.