AMOS 4:10 - OTSAO BAIBEL (BSI)

¹⁰ “Kue hünzom hato Ijip nok hato ajokya ningle thama-thomshix ajopu. Kue hünzom naosün hwom zanhok ma zi ang tompu ilaxle hünzom manbu kue tsuile paopu. Kue hünzom nakua ma hünzom pom angkya khünak mangbue mut ang tompu. Ikoxlechu hünzom a ku hato mongchatle chihüipu.

AMOS 4:10 ပူးပေါင်းရင်းမြစ်များ

TSAITONG-KAXTONG 28:60

Tamchatle chu hünzome Ijip nok to ngünle laxdaokya khomtsikya kaklakbu chixe hünzom hato ahüiüi, ilaxle hünzom kak otuechu müile chitoxle changüi.

JOEL 2:20

Shuakuxchi tokhange nguikya zazwop-kuknu süpahibu kue apaoüi ilaxle züizüi sak-hax chito jwonle apaoüi. Hwom khama tunpa thom a Omang Tinu khato jwonle apaoüi, hwom füikomle tüikya thom a Mediterenian to jwonle apaoüi. Hwom zikya omangbu tüle nom-sya le changüi. Hwome hünzom to chempangle mokdaopuix ibu khoma kue hwom max ang tomüi.

2 WANGHOMBU 13:7

Mankho ma azankya süpahibu 50, man-kanlin 10, ilaxle cha ma azankya süpahi 10, 000--ibobo ma Jehu ang chang-pax füikya süpahi ota chitox, chemthüikoxle Siria nok wanghome pangwüi amüt ilaxle haxbu ang achangle nakle akhix.

LIWI 26:25

Ku füikya Tsaotsüt amakya khoma kue hünzom hato zan lailaxle hünzom to sikngün kox ang tomüi, ilaxle hünzom azangsele tingnubu ma süile jangchang, kue chimüitox angkya kaklak hünzom hato ahüiüi ilaxle ma chak ajongle hünzom a zanpabu chak to kox ang tomüi.

TSAITONG-KAXTONG 7:15

Jowanpae hünzom okak-olak pangwüi tokya khosünüi, ilaxle hünzome Ijip haxtok to ngün ang kopdaokya za-adünkya kak-lakbu chemchu hünzom hato hüi ang müntom, ikoxlechu hünzom zongto zanpabu hato chixe ibu hüi ang tomüi.

AMOS 8:3

Ija nyix wanghom hom ma ngaokya tsai a mangsop tsai ang changüi. Pangnu khato wüi khünak mangbu tüiüi. Ibu a dangjajakya.” Khato tswonle awütüi.

AMOS 4:6

“Hünzom tingnu hato otui-onuak ahüikya a ku changpu, ile changkoxchu hünzom a ku hato mong alople chihüi.

JEREMIA 18:21

Ikoxle athax, Jowanpa, hwom naosombu woknuak ma zi ang laxkox; hwom a zan ma max ang tomkox. Mixnu hwome ma kakopa hia naosom hwom amüt-asamle naxchang kox; mixpabu a okak-olak ma ilaxle tsünzün thom a zanhok male max ang tomkox.

JEREMIA 11:22

Ikhoma Jowanpa Khüthak Zang-e akax: “Kue ibu to sikangünüi! Hwom naosünbu a zanhok ma max ang tomüi; hwom naosa hwom a woknuake ziüi.

2 WANGHOMBU 13:3

Ikhoma Israel nok füi Jowanpa ang mongma, ikhoma Siria nok wanghompa Hazael hia chix sasün Benhadad nyie Israel nok to chat-chat-naole lüt ang tom.

TSAITONG-KAXTONG 28:22

Jowanpae hünzom to kakma-lakshix; fingle kakkya hia khamle kakkya, ibu okak-olak füi fitüi; chixe hünzom manzai olithule naxchang ang chaxwan ako ang tomüi tamchu zangwin okhame jep ang tomüi. Okak-olak ibu a hünzom füi mazi-mazile ngo ang tomüi.

LIWI 26:16

kue hünzom ang sikngün faüi. Kue hünzom hato thama apüiüi: tamchimüi angkya kaklakbu tamchu khamle kakkya makhange hünzom ang mik aduak angkya ilaxle hünzom ozün ma ngokya chem olüi chitüile chang angkya, ibu hüi ang tomüi. Hünzome tsax saiüi ikoxlechu ija ma hünzom ang olüi chemchu chitüile changüi, chemthüikoxle hünzom zanpabue hüilaxle hünzom tingtaküi ilaxle hünzome zaile alai thomkya sax hwome saxüi.

LAIPAO 8:19

Hing twonmixbue wanghompa ang thüi: “Ija a Zang mwot wüi changle!” Ikoxlechu Jowanpae akax daokya ningle wanghom ang mongtsak ilaxle Mosa hia Arun nyi kax to ojao na chitha.

JEREMIA 48:15

Moab hia ija tingnubu a amadaoa, ima tüikya sünmüi-jomakya naosünbu a langdaoa. Ku wanghompa, Jowanpa Khüthak Zang, ilaxle kue ija akaxdaoa.

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 15:3

Hwom to khompua-zadünkya thama oli ali ibibi chang angkya bama ku, Jowanpae mongzangwünle tsuakdaoa: hwom a zanhok ma langüi; hwom mangbu a hibue linle paoüi; osabue ibu saxüi, ilaxle ota danle toxkyabu a faomüibue jokle lingüi.

JEREMIA 9:22

Mangbu a pangnukha to chiakle tüile, haxtok ma haxzao thokle athünpupule a, saxzüt mixbue zütle athop füima tokfüi to toxpu saxziak ningle, owaechu chitswonle saxtsang chiakle toxpupule a. Jowanpae ku ang akax ang tomkya zangwün changle.

JEREMIA 6:11

Jowanpa, hwom füikya nang mongtsike ku to ngaxchu zokle, ilaxle athaxpi kue ija kople thom ang müntho.” Ifüima Jowanpae ku ang thüi: “Ku mongtsik a tingjang lomnu tokya naosombu hia naocha-naosünbu asoxle ngokya ding to thokkox. Kakonu hia kakopabu a tswonle paoüi, azupi hia azupa hwom ngaxchu shanle müntox.

ISAIA 9:13

Israel khünaknu ang künlop-monglüi matüi; Jowanpa Khüthak Zang-e hwom to ipongpongle sikngün fakoxchu, hwom a chix hato machat.

2 WANGHOMBU 10:32

Ipongma Jowanpae Israel haxtok wankam ahik ang süt. Siria nok wanghom Hazael-e Israel haxtok pangwüi tingtak laxle kop.

2 WANGHOMBU 8:12

Hazael-e atüi: “Alixachong, nang a büthüikoxle soppu?” Elisha-e lan: “Chemthüikoxle nange Israel nok zongto chichang-chizangle hwon angkya kue awanle. Nange hwom zanhunuibu to wünlangüi, hwom chamüi-sünmüibu dingsomle changüi, hwom naosombu to nutle akhixle mik max ang tomüi, ilaxle hwom naowokbu oti-okuak amale awütüi.”

LAIPAO 15:26

Chixe thüi: “Hünzome kue sule le athüithüi mok tamchu ku kaxtombu thomle kax ma laxle tüiüi jangthüi: kue Ijip nokbu hato lai ang tomkya kak-lak tüta ningkyaechu hünzom to sikngün fa ang müntom. Ku a Jowanpa, hünzom kaklak pangwüi amaüile fakya Zang changpu.”

LAIPAO 14:4

Kue chix ang mongtsak ang tomüi ilaxle chixe hünzom to achuaüi, ilaxle kue wanghompa hia chix süpahibu to anaole changkya zuma ku achuaküi. Ijama Ijip nokbue ku a Jowanpa changpule awan ang kopüi.” Israel khünaknue hwom füi akaxkya ningle mok.

LAIPAO 10:27

Jowanpae wanghompa ang mongtsak ang tom, ikhoma chixe hwom pao ang chidan.

LAIPAO 10:3

Ikhoma Mosa hia Arun nyi pao üntoxle wanghompa ang thüi: “Jowanpa Ibri hwom Zang-e, nang a chix tong to münpuipule chemtukux ngotho angkya lüta? Chix khünakbu chix shwom ang pao ang dankox lüta.

LAIPAO 9:17

Ikoxle nang athax kople angam laxle chix khünaknu danle chiapao.

LAIPAO 9:12

Ikoxlechu chixe akax daokya ningle Jowanpae wanghom ang mongtsak ang tom. Ikhoma wanghompa-e Mosa hia Arun nyi zangwün to ojao na chitha.

TSAITONG-KAXTONG 28:21

Hünzome kop angkya haxtok to hünzom okothomle machang tanto chixe hünzom hato okak-olak füima okak-olak hüi ang tomüi.

ISAIA 9:17

Idaile Zang-e tsünzün hwom opupuchu paole azang ang münkox, ilaxle chixe zomnu hia khaxsa hwom opupu tochu chingcha ahokya müntüiüi, chemthüikoxle khünaknu pangwüi zang chilax homtoxle ngokyakya tamchu chichangchizangle tüikyakya wüi. Itukuxle changkox-ngaxchu Jowanpa mongtsik münbaktoxüi, ikoxle chix chak a athaxchu hwom to sikangün ang ajong lüwüi ngoüi.

ISAIA 34:3

Hwom mangbu a münakhünüi, ikoxle ikhato thüile shanle tamchu sumle pao ang tomüi; ilaxle haxhuabu a aji füi khile changüi.

ISAIA 50:11

Mix fün ama ang olom zingle ngokya hünzom pangwüi hünzom pangwüi mae zingkya olom ma maxüi. Ija ile Jowanpa chix tomtae chang ang tomüi; hünzome wün ang chimüikya shoma thangnak apongüi.

JEREMIA 49:26

Ija nyix she naosünbu tingjang lomnu ma langüi, ilaxle she süpahibu bakle amüt-toxüi.

ISAIA 9:12

Siria a handünchi ma Filistia a hannopchi male Israel nok jok angkya hanpakma hwom wikhabu akadaoa. Ibibile changkox ngaxchu Jowanpa mongtsik mabak; athaxchu sikangün angkya hanpakma chix chak a ajong lüwüi tüile.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

HOSIA 11:5

“Hwome ku hato münchatpule angam, ikhoma hwom Ijip to chat angkya wüi changle, ilaxle Asiria noke hwom to apünle ngoüi.

HAGAI 2:17

Kue chei-hi-jun ahüile hünzome küi-thwom ang azongkya pangwüi ama, ikoxlechu hünzom ang mong chialüixpu.