Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AMOS 4:1 - OTSAO BAIBEL (BSI)

1 Samaria angkya mixchabu, hünzom opang Bashan angkya sütkho nguikya maihubu ningle haxnut-zangfex le tüipuix, opange zong chitüikyabu to ajao-adale changpuix, mixshix-zasabu to afangle thompuix, ilaxle hünzom kakopabu ang ju-sax apüile koxngo angkya kaxtom koxle tüipuix, hünzome ku kax apalax!

အခန်းကိုကြည့်ပါ။ ကော်ပီ




AMOS 4:1
49 ပူးပေါင်းရင်းမြစ်များ  

Huzanpongbu lailaile zanpabu obiobie ku akhople koppu; hwom pangwüi ku akhople tüipu, Bashan nok tokya tüle shixkya huzanpongbu lailailea.


Zaion ma tokdomdale ngokya khünakbu, tamchu Samaria haxnubu ma chaza angkya chemchu müntüile ngokyabu, onok chongkya Israel haxtok ma chongkya lompabu, opang hato Israel homkhabu asunhüile nguipuix, ibu maxsax!


Hünzome zasabu to afangle thom ilaxle hwom saxziak zongzukle lax. Ikhoma ipong müile hünzome zaile alaikya longhombu ma hünzom münngoüi chichangba ipong müile hünzome küile alaikya grep haxtok angkya grepti-ju hünzome münlingüi.


Hwome süpahibu tsangtsa müi sax angkya changle ilaxle chaxwan apün-awangle ngokyabu aji ling angkya changle; ibu pangwüi chunla, chun hosa, zwon, maihupong, ibu langkya ningle lang angkyabu changle.


Ifüima kue ija chaxwannu ma chisukya mwot mokle ngokyabu to hule anopu. Mix fangto ngokyabu a sople ngo, ilaxle hwom to owaechu chifong tsuak. Hwom to owaechu chifong tsuak, chemthüikoxle hwom to afangle thomkya khünakbu ma tsak-zong tüile ngo.


Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.


Hwome zandabu opupue kopüihexle chizing tswon ang nantak. Hwome sheko naosom hia lüka naosombu da ang hang, mix füi chinunchakkaikya hia ju tsangthom ang kox angkya hanpakma.


Hakpabue dyen-ngan ilaxle pa-lole chang. Hwome mixshix-zasa hwom to chichangle hwom ilaxle mixnok wünpabu to zongzong ma hwon.


Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.


Hünzom züizüie omün koxlaxle mix mik amütle. Züizüie mamix Israel khünak tomtom ang thashe koxkya sasün füi achatle laxle, iningle chitüi-chinang tsang-hangkya füi hwom ahak-aluale. Hwome ku alakle awütdaoa.” Jowanpa Khüthak Zang-e ija akaxdaoa.


Tingnu ma hünzom opupuechu manu-mapa hwom chathua zakya mix müntüi. Hünzome mixnokbu dyenle ilaxle zomnu hia khaxsa-zasabu to jemle.


Babilon nok wanghompa-e Jerusalem hütle lang ilaxle ija saxle awüt. Tikkux tuita ahuakya ningle chixe tingnu ahuale dan; baoma tuita ningle chixe ija jokle ling. Chix mong atsutsu chixe laxle pao ilaxle mamabu a tswonle awüt.


Hwom süpahibu komle lang kox! Hwome hütle lang kox! Babilon angkya khünakbu a maxdaoa! Hwom to sikangün angkya hanpak nguile hüidaoa!” (


Pünpao, khaxsa hia zomnu hwom to adix-adakya zakün. Ija haxtok ma chemngax chichangkya khünakbu lang-huakle ngokya zakün. Mixnok baozangbu to shwomkya zakün, chemthüikoxle ijae hünzom olithuüi.


Jowanpa Khüthak Zang-e wanghom ibu ang pündak laxle Jerusalem tingnu hwople kop ang athünle zing angkya kaxkox. Chixe akax: “Kue ija tingnu to sikangünüi chemthüikoxle ikha a zothupmixbue awangle tüile.


“Kue lomkya chisax-chilingle atsaokya olom a ija changle: mix to zothupkya khak-kha dahai ilaxle chisukya kaxfün dang apaodao, ilaxle zothup ma ngokyabu mongtex ma aham ang dankox.


Hünzom a maxdaoa! Hünzome tüile ngoünkya tok to obo ang hom-hax hia manzai haxtokbu shaktüi. Alüile chingole haxtok ma nang boboma owachu ngo ang onui chitüile changüi.


Nange apün-awangkyabue mixshix-zasabu to ada laxle hwome ang sukya kaxfün hia hwom süntswon chifale tüikya ngünpongma nang taxabüt. Alixachongbu pangwüi ma thak angkya alixachong tuitae ziakop laxle tüipu, tamchu hokhi pangnyi a süthak angkya alixachong tuitae kho-awale thompu.


Jowanpa, nange chitüi-chinang khünaknu khosele changkya tamchu mixshix-zasabu ang sukya kaxfün koxkya kue awanle.


“Ikoxchu athax ku nguiüi, chemthüikoxle chitüi-chinangbu to afangle thomkya üntoxle zothup apongkyabue hwom to kak-koxle wotle. Hwome lomkya khosün kue hwom ang koxüi”, le Jowanpa thüile.


chemthüikoxle hwome mixshix-zasabu to sikangün ilaxle hwom to chie-chise; owawae zaile alaikya hom-hax hwome pale lax.


ifüima Shemar le amünkya mixsün angkya chixe Samaria haxhua khopjan ngunkhix 6000 koxlaxle shak. Omri-e haxhua ma pan zaile ziakop, ilaxle ija Shemar füima, pongwang lükya haxtok hopu mün ma samaria le nyak.


Hünzome sikngün ashukle zaile alaikya saxziak mixnoke tsuile paodaoüi. Othuithuima mix fang to ngokya hia atsangle aza-anakya sikngün boma chemchu chikopüi.


Jowanpae thüi: “Babilon angkya khünaknu, hünzome ku khünaknu thomjole toxpu. Hünzom a mongmüi-pwonlale ngole, tsaxnakle anguix ngokya maihu tuita ningle chichangba man tuita akhongkya ningle changkoxchu,


“Chitüi-chinang khünak hom ma mwot mok ang thomlaxle dyen-nganle taxchang; chix a tuita Israel khünak tomtom wüi changlax chichangba hünzom tingnu ma ngole tüikya mixnok wüi changlax.


chixe mix dyenlale chang, mixkux pa-lole lax, omua ma laxkyabue olüi koxle toxkya chixe lax, chix a songsari baozang shwomnui to pao, nushix dongkya chapabu to shwom,


Hünzome ju a pe ma awangle ling ilaxle ongan sümüikya füi pa, ikoxlechu Jusep maxkya to a mongmakya chitüi.


Ifüima Israel khünaknu Bashan chikao male. Bashan nok wanghompa Og, süpahibu koplaxle hwom to sing ang Edrüi ma lai.


Zasabu ang hwom süntswonbu kop ang chitom; chitüi-chinangkya mix zikle paole sam angkya atsang.


Tuimix-nuakmixbu a hakpa-luapabu da changpu. Thashe ma ngun laxlax jangchangba nang a ngun koxkya pa da ang achang ngoüi.


Israel wangting a maxdaoa! Hwom lompahom jutok mixbu khangkho ma maipua khohom hüile paokya ningle hwom fuazang a samdaoa. Angamkya hwom khangbu a ongan müikya münga füi palaxle tüile, ikoxle hwom ikhama jutokle shui, omang ma pangle.


Ibu juling mixbue thüile, ‘Ju apüihax, ilaxle keme otsuak-tsuak ma linghax! Anyix tukux ngainyix a ofün chimüitüi!’”


“Max-sam le changkyabu kue lomüi, lomsam le ngokyabu kue lomle apüiüi, thomzün maklax le changkyabu to kue lop-zingle hu-meüi, ilaxle okak-olak füikyabu kak amüile koxüi; ikoxle haxnut-zangfex le hia tsak-zongle tüikyabu a kue amütüi, chemthüikoxle ku a chem supuix ija mokkyabu chunnyetpa changpu.


Israel khünaknu, ija kaxho, oja Jowanpae hünzom hanpak ang akaxle tüipuix, ija to apakoplax, Ijip nok tokya chixe apüikya khünaknu pangnusae wüi a:


Katzua chitüi homtoxle mixhuak anyi tomtomle wünham ang laizai chami?


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ