AMOS 3:7 - OTSAO BAIBEL (BSI)

⁷ Khüthak Jowanpae ajebu, chix dabu hato ngaile chiaho kop homtoxle tütali chu münmok.

AMOS 3:7 ပူးပေါင်းရင်းမြစ်များ

JUHAN 15:15

Athaxpi kue hünzom ang dale münnyak; chemthüikoxle da tuitae ma hopupae mokkya mwot münawan; ikoxchu kue hünzom ang zuikhui le nyak daoa; chemthüikoxle kue Apa tokhange chempang atatle laxpuix ibu pangwüi kue hünzom hama wünpu.

PONGWANG LAIPEX 18:17

Jowanpae chix mongto alüile akaxle thüi: “Kue chem mok angkya hex, ija kue Abraham thoto khomle chithomle ngaile kox angkya changle.

MÜNCHUAK-TSAI 25:14

Jowanpa a kax ma laxle tüikyabu zuikhui changpu üntoxle chixe chix Tsaotsüt bama hwom füi kaxshing kopkya ang changpu.

MIKNGÜN-OHÜN 1:1

Ija a Jisu Khrista-e angaile ahokya zale thomkya laipex tuita changle. Chwonle chem chang angkya tüipuix ija chixe ma thothakyabu hato aho angkya kuxma Zange Jisu Khrista hato ija angaile kox. Chix kaxtaimix makhange Khrista-e ijabu chix thothapa Juhan ang tsingle lax ang tom;

PONGWANG LAIPEX 6:13

Zang-e Noa ang thüi: “Kue khünaknu pangwüi amüt angkya mongzangwünle tsuakdaoa. Kue hwom komkaile amütüi, chemthüikoxle chaxwannu a tata zan to kakkya chimüikya hwom mwote awangdaoa.

MIKNGÜN-OHÜN 4:1

Izuma kue mama mikngün-ohün kop üntoxle zangkangting to ka daplaxle fülom tuita ngün. Üntoxle nyazong ozing lailaile kaxzing tuita, oja ku füi akaxkya ami pongma kue atatdao laxpuix, chixe thüi: “Ikhato donglax üntoxle ifüima chemle chang angkya hex ija kue nang hama ahofang.”

JEREMIA 23:22

Hwome ku huxsa tuthüt awanle chang koxba, hwome ku khünaknu hato ku kaxho apukse ilaxle ngole hüikya ochax zanglom hia ochax mwottho hwome danle toxdaose.

MIKNGÜN-OHÜN 1:19

Idaile nange ngünkya jali, athaxkyachu üntoxle füima chang angkyachu pangnu zale kopkox.

DANEL 11:2

Ilaxle athax kue nang füi chem akax angkya tüipuix ija a otsingtomtata changpu.” Kaxtaimix-e thüi: “Parsia nok a wanghom azome apünüi, ifüima ali lükya ibu pangnusa füi huanuma ahak-aluale tüikya wanghome apünüi. Chix ahak-aluale tüikya hia tsak-zongle tüikya ma mongchong laxle chixe Grik wangting tsiaüi.

2 WANGHOMBU 22:13

“Ija laipex ma zale tüikya bama, ku tamchu Judah khünaknu hanpakma Jowanpa füi tsaitik-kaxshole anohu. Ija laipex ma chem mok angkya hex-ole zale tüipuix, ija chimokkya khoma Jowanpa a kem füi mongtsikle ngoüna.”

2 WANGHOMBU 6:12

Hwom kha angkya mixsün tuitae lan: “Wanghompa, Owachu müntüi. Nange nui mongto zangwünle changkya ngaxchu ajepa Elisha-e Israel nok wanghompa hama janpüi ma wünle koxle.”

2 WANGHOMBU 22:20

ilaxle oja sikngün Jerusalem hato ahüi angkya changkya hex, ija a nang mazi tanto münahüi. Kue nang a mongsom ma zi ang tomüi.” Khünaknu a wanghompa Josiah hato ija kaxho füi chat.

MIKNGÜN-OHÜN 10:7

Ikoxlechu chix da ajebu hama tsingang tomdaokya ningle, kaxtaimix anüt lükyae chix nyazong mütkya zuma, Zange chix huxsa mwottho tsuakle hüi angkya changle.”

EZEKEL 29:21

“Chemtue ija changle hüiüihex, kue Israel khünak tsak-zongle chang ang tomüi, ilaxle Ezekel, noknusae nang kax atat ang tsuakle chang angkya onui makhange nange akaxkox, izuma hwome, ku a Jowanpa changpule tikle laxüi.”

DANEL 2:47

Ifüima wanghompa-e akax: “Nang Zang ang baozang pangnu tha angkya Zang, wanghombu thak angkya Jowanpa, ilaxle huxsa jali komkaile ngaile ahokya mix changpu. Nange ipongpongkya huxsa zangwün ku hama ngaile apua koxkya ma kue ija tikle laxdaoa.”

1 SAMUEL 9:15

Othonyix Jowanpae Samuel füi akaxle tüikya,

ISAIA 18:4

Jowanpae ku ang thüi: “Tsaxtu pongma zanglomlukya ja nyen pomkya ningle, zanghan zatzong pongma tungto shene wandangkya ningle dangwüi dangle kue zangkangting tokhange huüi.