AMOS 3:6 - OTSAO BAIBEL (BSI)

⁶ Khünaknu chaza ang chitomle tingnu ma zan-khong nyazong mütle chang ang chami? Jowanpae ahüile lüwüi chichang, tingnu tuitae kaknu-laknu thama apongle chang ang chami?

AMOS 3:6 ပူးပေါင်းရင်းမြစ်များ

ISAIA 45:7

Zangnak hia zangngai pangnyi wüi kue zingpu; mohiman hia thama pangnyi wüi kue apüipu. Ku, Jowanpae, ibu pangwüi mokpu.

ZEFANIA 1:16

süpahibue ziakople thomkya tingnubu hia dingkho to zaile tüikya zanhunuibu to sing akhongkya chax-hi-zan zinge awangle azingkya nyix ang changüi.

2 KORIN 5:11

Zang thua zale le chem ang thüipuix ija kwome awanpu, ikhoma kwome Kaxho Müikya füi anom-anai ang azongpu. Zange kwom bama bakle awan ngole ilaxle hünzomechu mamong mongto ku abakle loplaxle ngopule monghompu.

PONGWANG LAIPEX 50:20

Hünzome ku to oma hwonkya ningle sütdaokoxle chu, Zang ija omüi lom to laxpu ilaxle athax tüikya ningle khünaknu a e-ang chithole pu-tsa ang tompu.

WANGSHEMBU MWOT 2:23

Zange chix tutex hia künzut-mongjang makhange Jisu a hünzom chak to kox angkya changle le athut apan tsuak daokya changle; ilaxle ochax khünakbu chak to pünsak ma tak ang koxlaxle hünzome chix langpu.

JEREMIA 6:1

Benjamin khünakbu, ma khangkhom ang paolax! Jerusalem angkya paole azanglax! Tekoa ma nyazong mütle angaokox ilaxle Beth Hakarem ma münwan ahole wüntakkox. Thama hia olithu angkya shuakux chitokhange nguingole.

JEREMIA 4:5

Haxtok awangle nyazong mütkox! Tsingshole akhong-akhakox! Judah hia Jerusalem angkya khünaknu füi akaxkox ziakop laxle thomkya tingnu to pao angkya bama.

WANGSHEMBU MWOT 4:28

Nange amibawüi nang tsakzong hia nang tutex makhange, chempang le changüihex, ibu athut-apan tsuakdaokya pangnu angaile mok ang hwom asox.

EZEKEL 33:3

Chemtue chixe zanpabu hüile ngokya ngünle laxpuix, noknusa mik-hing naka angkya hanpakma tinglyet.

JEREMIA 10:7

Nang pangnu jat-li wanghompa, nang chiachuakkya mix owa tüi? Nang a achuak koxle asule tüile. Nang lailaikya owachu müntüi jat-li angkya je-hwon füikya khünakbu khama chichangba wanghombu khama opupuchu.

HOSIA 5:8

Gibeah ma zankhong nyazong mütkox! Ramah ma khong tinglyetkox! Bethawen ma zankat sungdünle changkox: Benjamin khünakbu, zan to ka ang a!

JEREMIA 5:22

Ku a Jowanpa changle; hünzom a ku thua büthüikoxle chiza? Ku tunthoma hünzom büthüikoxle zale abünkya chitüipu? Kue otuechu chikai angkya jento ngo angkya tinu füikya longzi tuita a sak danpu. Tinu tüle-tüle achap lechu chang koxlax; ikoxlechu ija a tanle thomdaokya longzi akaile ija münchong; tichap huanuma azaxle chu chang koxlax, ikoxlechu ibue ija longzi mün ama.

JEREMIA 4:19

Kakle! Kue adu ang chithole kakle! Ku khaxtua! Ku khaxtua zongbakle jao twople! Ku dangjale ngo ang müntho; Kue nyazongbu zing atatle azan ang akhongkya zingbu a.

AMOS 3:5

Khapdak thale chitox khato khapdak ma osa chemle manüi hexmi? Khapdak lingsa to tütalie chipo thüiningle khapdak chemle thaiüi?

ZEKARIA 8:10

Ija thoto owaechu khünak chichangba müi, ibu shakle chang ang chithokya, ilaxle zanpabu chak tokya owachu azangle chitüikya. Kue khünaknu tata zan to kale tüi ang tomkya.

2 WANGHOMBU 6:33

Chixe ija kaxchu ashukpu, wanghompa nguilaxle chix ang thüi: “Kem hato ija thama apüikya a Jowanpa chix jaoe apüikya changle! Chixe tütali mok angkya tha kue omalax ang tanngoüi hexmi?”