AMOS 3:10 - OTSAO BAIBEL (BSI)

¹⁰ Jowanpae thüi: “Ibu khünakbue mahom-mahax, mix lang mix mixhuak laxle hia pa-lole kopkya tuinabu füi awangle thomle. Hwome chemle su-angkya hex, ija ojao müntik.

AMOS 3:10 ပူးပေါင်းရင်းမြစ်များ

ZEFANIA 1:9

Mixnokbu zangshwom ma shwomkyabu ilaxle ahuxkyabu ilaxle hwom hopupa hom awangle naxchang ang lang-huak laxle tuina tsui apüikyabu pangwüi to kue sikangünüi.

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

MÜNCHUAK-TSAI 14:4

“Hwome müntsing hia? Ibu ochax mwot mokle ngokyabu pangwüi chemchu chitsingkyabu hia? Ku khünakbu kuxka ahuxlaxle tix hwom ozün ma ngole, ilaxle hwome ku to chemtuechu münjop”, le Jowanpa akaxle.

2 PITAR 3:5

Owang pongma wüi Zang kaxtom makhange ding hia hax zingle alai. Haxwannu a ti angkya tamchu ti füi zingle alai,

AMOS 6:12

Longnubu tok to manbu zik ang tochami? Maihunu füi owawae hanbai le changchami? Ikoxle nang sukya kaxfün a khunhing ang achangdaoa ilaxle otsao pünziak a pün saxkya chong ang achangle—

AMOS 5:7

Hünzom opange sukya kax füi asong-anong ngopuix tamchu opange khünaknu angkya ma huakpa süntswon amüt ang tompuix, hünzom a maxdaoa!

JEREMIA 5:4

Ifüima kue ajang: “Ibu a mixshix-zasa hia chemchu chitsingkyabu changle. Hwome ongat ningle mok-mole; hwom Zang-e lomkya hwome chemchu chitik, Jowanpae hwom amokse tsukyabu a.

EZEKEL 8:17

Jowanpae ku ang thüi: “Ziün angkya khünak, nange chuja ngünchami? Judah khünak ibu a, nange ikhama ngünle hüidaokya nushix mwot hia onok to ule tata zan to kale mwop alaikya, ibu füi mongzom chimüile ngokyabu changpu. Münchang, hwom ngui angkya wüi ilaxle hwome ibu ija Zangshwom-Homnu mongma mok angkya wüi ilaxle ku ang tsikle ngokya to kai mongtsik adün angkya wüi changle. Hwome tsuakkya tukuxle ku ang omale thüikya to hulax!

EZEKEL 18:7

Chixe owachu mündyen chichangba owa angkyachu pa-lole münlax. Chix angkya omua ma laxkyabue olüi koxle changkyabu chixe achatle koxle; woknuak ma ngokyabu ang chixe süt kox ilaxle tomhua ma ngokyabu ang chixe nyi-za awunle kox.

EZEKEL 22:29

Hakpabue dyen-ngan ilaxle pa-lole chang. Hwome mixshix-zasa hwom to chichangle hwom ilaxle mixnok wünpabu to zongzong ma hwon.

AMOS 6:3

Thama apong angkya nyix nguingokya to hünzome changpule chitex, ikoxle mwot makhange ija hanpak chwonle ahüi ngopu.

AMOS 6:8

Jowanpa Khüthak Zang-e chix mün ma tsaotsütle thüi: “Kue Jakop mongngamkya thua anupu, hwom hom-haxbu zaxzangle changkya to a; kue tingnu hia ima atüitüi zannok chak to komkaile danüi.”

MIKA 6:10

Ochax khünakbu homkha ma, hwome kop angkya olom ma chichang homle kopkya tuinabu tüihule. Hwome thüt-zingkya ma müimamale syep-dyeple changle, ilaxle ija thua ku huanuma anule.

JOB LAIPEX 20:21

Hwome sax-ling pongma ota-otua toxkya wanlom chitüi, athax hwom-tui hwom-na a ashukkya ang changtüi.

WANWÜNKAX 1:13

Abangbang thanu-juapa keme komkaile tsuiüi ilaxle ibu füi kem homkha awangüi!

WANWÜNKAX 11:16

Chingcha füikya mixcha a achuakachenle, ikoxle jaja chitüikya mixchae mongma apongüi. Zaxkak mix ang otuechu ngunsyen müntüitoxüi,

WANWÜNKAX 28:5

Ochax khünake sukya chem hex ija müntik, ikoxle opange Jowanpa to shwompuix hwome tix müile tsingle laxle.

HWON-NWOT-JAONO 4:1

Ifüima kue ija chaxwannu ma chisukya mwot mokle ngokyabu to hule anopu. Mix fangto ngokyabu a sople ngo, ilaxle hwom to owaechu chifong tsuak. Hwom to owaechu chifong tsuak, chemthüikoxle hwom to afangle thomkya khünakbu ma tsak-zong tüile ngo.

HOSIA 7:1

“Chemtue kue tamchatle ku khünaknu Israel kak-lak amüikoxse tamchu ahak-aluale tüi ang tomse tsupuix, kue ngün ang kopkya a hwom chichangchizangle tüikya hia hwome mokkya ochax mwot boma chemchu müntüi. Hwome tata dyenle; hwome homdap-pungdong le ahuxle; hwome tingjang lomnu ma khünaknu angkya papalo le lax.

AMOS 4:1

Samaria angkya mixchabu, hünzom opang Bashan angkya sütkho nguikya maihubu ningle haxnut-zangfex le tüipuix, opange zong chitüikyabu to ajao-adale changpuix, mixshix-zasabu to afangle thompuix, ilaxle hünzom kakopabu ang ju-sax apüile koxngo angkya kaxtom koxle tüipuix, hünzome ku kax apalax!