AMOS 3:1 - OTSAO BAIBEL (BSI)

¹ Israel khünaknu, ija kaxho, oja Jowanpae hünzom hanpak ang akaxle tüipuix, ija to apakoplax, Ijip nok tokya chixe apüikya khünaknu pangnusae wüi a:

AMOS 3:1 ပူးပေါင်းရင်းမြစ်များ

AMOS 2:10

Kue hünzom Ijip nok tokya alaile apüipu, ilaxle zanglao punyi kue hünzom a sak-hax akaile lomzunle hüipu, ilaxle Amor nok ngokya haxtok hünzom haxtok ang koxpu.

MIKA 3:1

Apalax, hünzom Israel nok lompabu! Hünzome sukya kaxfün bama mongkoxse changhupu,

JEREMIA 8:3

Ija ochax jat-li angkya khünaknu opang ozün ma atale tüilaxpuix, opang kue hwom chiakle asamkya haxtokbu to ozün ma ngole tüilaxpuix, hwome ozün ma ngokya füi zisele wüi süchongle texüi. Ija kax, Jowanpa Khüthak Zang, kue akaxdaoa.”

HOSIA 4:1

Ija haxtok ma ngokya khünakbu hanpakma tsaitox-kaxfekya zangwün apüi angkya Jowanpa ma kax tüile. Israel, chixe chem akaxpuix ija to apalax: “Haxtok ma mongong hia mongkün müntüi, ilaxle khünaknu ku ang Zang changpule mün-e.

JEREMIA 31:1

Jowanpae thüi: Israel homjen pangnusa hanpakma ku Zang ang ngo angkya tunu nguile hüile, ilaxle hwom a ku khünaknu ang ngoüi.

ISAIA 48:12

Jowanpae thüi: “Ku kax to apalax, Israel, kue nyakle kopkya khünakbu! Ku a Zang changle, owang, oshuk, tuita wüi tüikya Zang!

2 PUKAX-PANGAO 20:15

Jehaziel-e thüi: “Wanghompa tamchu Judah hia Jerusalem ma ngole tüikya nang khünaknu, Jowanpa thüile, hünzom a müimamakya süpahi changle le chiza angkya chichangba abüt-abanle chichang angkya akaxle. Azankya a Zang füifüi changpu, hünzom füifüile münchang.

MIKNGÜN-OHÜN 2:29

“Na zaikyabue, chasae müimüithombu füi chemle akaxpuix ija to apalax!

HOSIA 5:1

“Ija to apa koplax, hünzom nguapabu! Mongkoxle apalax, Israel khünaknu! Apalax, wanghom füikya haxnu-homsabu! Hünzome sukya olom ma kaxfün fase changhupu: ikhoma kaxfün a hünzom khangkho ma dütüi! Hünzom a Mizpah ma nutkya tai ang achang, Tabor haxnu ma pünkya sha ang achang,

ISAIA 46:3

“Ku kax to apalax, Jakop sixli hwome, ku khünaknu kha angkya atatle tokyabu pangwüi. Nang puxkya makhange wüi kue nang to humele hüipu.

JEREMIA 13:11

Chemle ibu nyilo hitle ke ma nguipuix, ilailaile Israel hia Judah nok pangnusae ku to mongle naxkople texpu. Hwom ku khünaknu ang achang ilaxle ku hato achua-achenkya hia münchong apüile chang angkya hanpakma mok-hupu; ikoxlechu hwome ku kax ma chilax.”

MIKA 2:3

Ikhoma Jowanpae akax: “Kue hünzom hato thama apüi ang mongzangwünle ngole, ilaxle ija chak tokya hünzom azangle pao ang münthopu. Ma thoma alüile hünzom a thama ma bangüi, ifüima hexle athaxpi hünzom ongam ahole aham angkya chitüiüi.

ZEFANIA 2:5

Hünzom Filistia nok, opang tinu achole ating-anokle tüilaxpuix, hünzom olithupu. Jowanpae hünzom hanpakma zangwün tsuakdaoa. Chixe hünzom olithuüi, ilaxle hünzom mixhuak tuita danle chitoxüi.

AMOS 4:1

Samaria angkya mixchabu, hünzom opang Bashan angkya sütkho nguikya maihubu ningle haxnut-zangfex le tüipuix, opange zong chitüikyabu to ajao-adale changpuix, mixshix-zasabu to afangle thompuix, ilaxle hünzom kakopabu ang ju-sax apüile koxngo angkya kaxtom koxle tüipuix, hünzome ku kax apalax!

AMOS 5:1

Kue hünzom ang ngaokya mangsop tsai ija to apalax, Israel khünaknu: