AMOS 2:10 - OTSAO BAIBEL (BSI)

¹⁰ Kue hünzom Ijip nok tokya alaile apüipu, ilaxle zanglao punyi kue hünzom a sak-hax akaile lomzunle hüipu, ilaxle Amor nok ngokya haxtok hünzom haxtok ang koxpu.

AMOS 2:10 ပူးပေါင်းရင်းမြစ်များ

TSAITONG-KAXTONG 2:7

“Chemthüikoxle Jowanpa nang Zang-e hünzom mwot pangnu lom ma hünzom to mohimanle hüidaoa; ipong chongkya faonu mong akaile ahamkya chixe awan ngole; ibu zanglao punyi mong ma Jowan Zang hünzom füi womle tüikya, ipongma hünzom chemmachu tui-nole chichang.

LAIPAO 12:51

Ija nyixkha Jowanpae Israel khünaknu Ijip nok tokya alaile pao.

AMOS 3:1

Israel khünaknu, ija kaxho, oja Jowanpae hünzom hanpak ang akaxle tüipuix, ija to apakoplax, Ijip nok tokya chixe apüikya khünaknu pangnusae wüi a:

WANGSHEMBU MWOT 13:18

üntoxle zangpua punyi bama chixe faokha to hwom füi adule ngo.

WANGSHEMBU MWOT 7:42

Ikoxle hwom füi tüikya Zang anongle pao, ilaxle hwom a ding tokya lyettsibu shwom ang danle tox; ajebu lai ma zale tüikya ningle: ‘Israel nok, faokha to, zanglao punyi mong ma; müilang laxle tö koxkya, hünzome ku ang koxkya chichang.

MIKA 6:4

Kue hünzom Ijip nok tokya alaile apüipu; kue hünzom da ang ngokya azünpu; hünzom lomzun ang kue Mosa, Arun hia Mariam hwom akatpu.

AMOS 9:7

Jowanpae thüi: “Israel khünaknu, kue hünzom hanpakma mok pongma Etheopia nok hanpakma ajangkya tukuxle ajangpu. Kue hünzom chemle Ijip nok tokya apüipuix, ija ningle Kret, Siria hia Kir, ibu nok tokya Filistia nokbu kue apüipu.

LAIPAO 3:8

Ku a Ijip nokbu chak tokya hwom khosün angle nguikya changpu; ilaxle kue hwom ikhatokya, müikya tamchu haxka khaole tüikya; tsomti hia nax-ti shuajen jenle tüikya: Kanan nok, Hit nok, Amon nok, Periz nok, Hip nok, Jebu nok, ibu ngokya Kanan chaxwan to apüi angkya changle.

EZEKEL 20:10

“Ija lailaile kue hwom Ijip nok tokya sak-hax to zunle alai.

MÜNCHUAK-TSAI 95:10

Zanglao punyi nguile ku, khünak ibu füi nushix dongkya ang ngole hüi. Kue thüi: ‘Khünak ibu a chem ningkya kax ma chilaxkyabu hex! Hwome ku kaxtombu kax ma münlaxpule angam.’

NEHEMIA 9:21

Sak-hax to zanglao punyi akaile hwom ang laxli chem tüipuix pangwüi nange kox; hwom nyizabu büile pao ang chitom, hwom chabu kakle hia fingle chang ang chitom.

TSAITONG-KAXTONG 1:39

“Ifüima Jowanpae kem pangfüi wüi akax, ‘Hünzom naosombu, opang athaxchu sukya hia chisukya awanle matsong hex, hwom a ija haxtok to nguiüi: hünzome akaxkya naosombu a hünzom zanpabue kopüi. Kue haxtok hwom ang koxüi, ilaxle hwome ija hwom chak ma kopüi.

LAIPAO 20:2

“Ku a Jowanpa hünzom Zang changpu. Ijip nok to da ang ngokya hünzom kue apüipu.

HUAKE LAIPEX 21:25

Idaile Israel khünakbue Amor nok tingkhuabu pangwüi lax; Heshbon ilaxle ija akhople tüikya tingnubu pangwüi, ilaxle ibu ma hwome tingtan-nokzing.

JIHUSUA 13:4

Anaole chuwüi Kanan nok haxtok tüihupu, ilaxle Mearah (oja Sidon nok kux changpuix), Amor nok longzipong Afek alople;

HUAKE LAIPEX 13:32

Ile hwome zyetle toxdaokya haxtok bama Israel khünaknu hato othai kaxwün wang. Hwome thüi: “Haxtoke ikhato ngole tüikyabu ang ngaxchu okhonguile oziak-opua münfatsuak. Kwome angün-ngün pangwüi mixtsak-naomüimüi wüi changle,

HUAKE LAIPEX 32:13

Jowanpa ang khünaknu füi mongtsik ilaxle chix mong amakya tsünthom bakle zile mapao-mapaole zanglao punyi hwom a faokha to asamle thom.

JIHUSUA 24:8

Ifüima kue hünzom pangwüi Amor nok haxtok to apüipu. Amor nok a Jordan shuanu zongma handünchi ma tüikya. Hwom hünzom füi azan ikoxlechu kue hwom towüi anao ang tom. Hünzome hwom haxtok lax, ilaxle hünzom hüikya füi tomle kue hwom amüt.

JEREMIA 2:6

Hwome ku tüi jaojao chitex. Ijip nok tokya hwom kue sünle apüihupu ilaxle sak-hax faokha akaile kue hwom azuipu: Sak hia sak haxbange awangle tüikya haxtok, zuazoxkya hia thomzün tüikya haxtok ojong khato owachu chingo ilaxle owa ngaxchu ahamle chichangkya haxtok.