AMOS 1:9 - OTSAO BAIBEL (BSI)

⁹ Jowanpae thüile: “Tair angkya khünakbue chatchatnaole ochax lyenle hüidaoa, ikhokho ma kue hwom to sikangün angkya changpu. Edom nok to hwome onok angkhange komle zanda ang kople paole, ilaxle hwome tsaotsütle muamüi zangwün tsuakdaokya amale.

AMOS 1:9 ပူးပေါင်းရင်းမြစ်များ

2 SAMUEL 5:11

Tair nok wanghompa Hiram-e Dawid füi thajua ma alüixle mwot mok; chixe wanghom homlo zing angkya hanpakma Dawid ang Sedar püntho, long hia pün füi hom zaile kox angkya zingpabu kox.

MATHI 11:21

“Maxsax Korazin! Maxsax Bethsaida! Hünzom ma mokkya ohünotün mwotbu Tair hia Sidon ma mokpuix thüikoxba, nyitsyen zahom awunlaxle labu khato wotle, amiba wüi mong chatkya ahodaose.

AMOS 1:11

Jowanpae thüile: “Edom noke chatchatnaole ochax lyenle hüidaoa, ikhokho ma kue hwom to sikangün angkya changle. Hwome ma haxnu homsabu Israel nok to müihap nyaxlom pupu le to-zile changdaoa, ilaxle hwom hato oja chingcha ahokya chitüi. Hwom mongtsik ma chem thathüt chitüi, ilaxle hwome ija dangle pao ang chitom.

AMOS 1:6

Jowanpae thüile: “Gaza angkya khünakbue chatchatnaole ochax lyendaoa, ilaxle ikhokho ma kue hwom to sikangün angkya changle. Hwome onok angkhange tsui paolaxle Edom nok ang da ang hangle koxpao le.

JEREMIA 47:4

Filistia amüt angkya tunu-wansa nguile hüidaoa, Tair hia Sidon nyi füi atale tüikya ofong-otsox ojem atsai ang. Ku, Jowanpae Filistia nok amütüi, Kret nok tinu kax tokya nguikya pangnusa a.

MATHI 11:22

Kue hünzom füi otsingtsing akaxpu; kaxfünkya nyix Zange chix chingcha, hünzom füi Tair hia Sidon nyi hato wüi süchongle ahoüi!

KAXHO MÜIKYA LUK 10:13

“Khompua taxatsik, Korazin! Khompua taxatsik, Bethsaida! Chemthüikoxle hünzom khama mokkya ohünotün mwot Taiar hia Sidon nok ma mokpuix jangthüiba, hwome nyitsyen zahom laxlaxle üntoxle labue fu laxle thungle amiba wüi hwom mong chatkya ahodaose.

KAXHO MÜIKYA LUK 10:14

Ikoxchu kaxfünkya nyix Zange hünzom füi Taiar hia Sidon hato wüi chix chingcha süchongle ahoüi.

MÜNCHUAK-TSAI 83:7

Gebal, Amon, üntoxle Amalek khünakbu, ilaxle Filistia hia Tair nokbu pangwüi.

EZEKEL 28:18

Nange shak-sünle hia hangjo le changpongma ochax lyenle changkya tokhange nang zangshwomnuibu a laxli chitüile oma ang achang. Ikhoma kue tingnu to wün lang ilaxle haxkhix-labu ang achangle zokle ashun. Athaxpi nang to hule changkyabu pangnusae nang a haxbu ang achangle manmax le changkya ngün ang kople.

OBADIA 1:11

Ija nyix nang a kaochima ajong zanpabue hwom panbu atsunle dongkya nyix a. Nang a, Jerusalem angkya tuina tsui laxle tom-hanle laxkya zanpabu füi tomwüi oma changkya.

ZEKARIA 9:1

Ija a Jowanpa kaxho changle: Hadrak chaxwan hia Damaska tingnu bama chixe sikngün ang tom angkya kaxfün tsuakdaoa. Israel nok homjenbu tata le chichangle Siria angkya pongwün tingnu ngaxchu Jowanpa kux changpu.

EZEKEL 27:1

Jowanpae ku füi akax:

EZEKEL 27:27

Hang-jo angkya nang tui-mwot pangwüi, Khua ma tüikya khuaham-mixbu pangnusa, Nang khua zingpabu hia thalex mixbu, Khua ma ngale tüikya süpahibu pangwüi— Pangwüi, komkaile tinu khato max Nang khua ti ma maxle changpongma a.

EZEKEL 28:1

Jowanpa Khüthak Zang-e ku füi akaxle thüi: