AMOS 1:7 - OTSAO BAIBEL (BSI)

⁷ Ikhoma kue Gaza tingnu hato wün ajoüi ilaxle ijama tüikya zanhunuibu zokle ashunüi.

AMOS 1:7 ပူးပေါင်းရင်းမြစ်များ

ZEFANIA 2:4

Gaza tingnu ma owachu danle müntoxüi. Ashkelon a awütle toxdaoüi. Ashdod angkya khünaknu a tsomtho ma wüi jwonle apaoüi, ilaxle Ekron angkya khünaknu hwom tingnubu angkya jwonle apaoüi.

JEREMIA 47:1

Ijip nok wanghome Gaza to singüi thoma, Filistia makhange Jowanpae ku füi akax.

2 WANGHOMBU 18:8

Chixe Filistia nok to lüt ilaxle noksa naoli makhange chongkya tingnu to lünle, Gaza hia ija akhople tüikya haxtokbu womle hwom ngokya kha tingtakle tsui.

ROM NOK HATO ZAKYA POL LAIZA 12:19

Kutüi kunaohom, otuechu olüix taxkhom, itülüi ija Zang mongtsike wüi naxmok kox. Chemthüikoxle Otsao laie akaxle: “Olüix kue khomüi, otha kue thomüi le Jowanpa-e akaxle.”

AMOS 1:4

Idaile kue wanghompa Hazael-e zingkya wanghom homlo to wün ajoüi ilaxle wanghompa Benhadad zanhunuibu kue zokle ashunüi.

2 PUKAX-PANGAO 26:6

Uzziah a Filistia nok zan to ka. Gath, Jamnia, ilaxle Ashdod, tingnu ibu angkya pan long katukbu chixe thuple atsun, ilaxle Ashdod zui ma tamchu Filistia haxtok pangnu khato chixe tingnubu zinglaxle pan zaile ziakople thom.

TSAITONG-KAXTONG 32:35

Jowanpae hwom to olüix khomüi ilaxle sikangünüi; hwom nguak angkya hanpak nguile hüiüi; hwom max angkya hanpak soxle tüile.

JEREMIA 47:5

Gaza angkya khünaknu hato huanu mongma hüidaoa, ilaxle Ashkelon angkya khünaknu a dang daoa. Mama Filistia nokbue chemtukux mang sople ngoüi?

EZEKEL 30:8

Chemtue kue Ijip nok to wün langle tamchu she ziakople ngokyabu langle changüihex, izuma hwome ku a Jowanpa changpule tsing ang kopüi.

EZEKEL 39:6

Kue Magog haxtok hia tinu kax achole tüikya onokbu, ojong khato khünaknu owaechu chipox-chino le ngopuix, ikhato wüi laile changüi, ilaxle noknusa ang ku a Jowanpa changpule tsing ang tomüi.

AMOS 1:6

Jowanpae thüile: “Gaza angkya khünakbue chatchatnaole ochax lyendaoa, ilaxle ikhokho ma kue hwom to sikangün angkya changle. Hwome onok angkhange tsui paolaxle Edom nok ang da ang hangle koxpao le.

AMOS 1:8

Ashdod hia Ashkelon angkya apün-awangkyabu kue apaoüi. Kue Ekron tingnu to sikangünüi, ilaxle ota toxle tüikya Filistia nok pangwüi zi ang tomüi.”