AMOS 1:6 - OTSAO BAIBEL (BSI)

⁶ Jowanpae thüile: “Gaza angkya khünakbue chatchatnaole ochax lyendaoa, ilaxle ikhokho ma kue hwom to sikangün angkya changle. Hwome onok angkhange tsui paolaxle Edom nok ang da ang hangle koxpao le.

AMOS 1:6 ပူးပေါင်းရင်းမြစ်များ

AMOS 1:11

Jowanpae thüile: “Edom noke chatchatnaole ochax lyenle hüidaoa, ikhokho ma kue hwom to sikangün angkya changle. Hwome ma haxnu homsabu Israel nok to müihap nyaxlom pupu le to-zile changdaoa, ilaxle hwom hato oja chingcha ahokya chitüi. Hwom mongtsik ma chem thathüt chitüi, ilaxle hwome ija dangle pao ang chitom.

2 PUKAX-PANGAO 28:18

Ipongponge wüi Filistia nokbue hannopchi haxchithong tokya tinglongbu hia shuathongchi Judah tingtakle chang. Hwome Beth Shemesh, Aijalon, ilaxle Gederoth, ilaxle Soko tingnubu, Timnah, ilaxle Gimzo, ibu hia hwom tingkhuabu hwople kop ilaxle ikhato onyem ang tingtan nokzing laxle ngo.

OBADIA 1:11

Ija nyix nang a kaochima ajong zanpabue hwom panbu atsunle dongkya nyix a. Nang a, Jerusalem angkya tuina tsui laxle tom-hanle laxkya zanpabu füi tomwüi oma changkya.

AMOS 1:9

Jowanpae thüile: “Tair angkya khünakbue chatchatnaole ochax lyenle hüidaoa, ikhokho ma kue hwom to sikangün angkya changpu. Edom nok to hwome onok angkhange komle zanda ang kople paole, ilaxle hwome tsaotsütle muamüi zangwün tsuakdaokya amale.

1 SAMUEL 6:17

Filistia noke ija hun füi zingkya haknüi laikya kak aga hwom ochax hanpakma tsangthom tuita ningle Jowanpa ang koxle akatkya changpu. Ashdod, Gaza, Ashkelon, Gath hia Ekron hwom tingnubu hanpak ang ma hinghoho ningle koxle apao.

JOEL 3:6

Hünzome Judah hia Jerusalem angkya khünaknu tsui paolaxle ochu tokya Grik nokbu ang hwom hangdaoa.

EZEKEL 35:5

“Othuithuima nang a Israel nok zongto zan ang ngole hüipu, ilaxle hwom zothup okia ma Israel khünaknu a changlo janzüi chak to kox.

ZEKARIA 9:5

Ashkelon tingnue ija ngünle laxüi ilaxle tüle zaüi. Gaza tingnue ija ngünle laxüi ilaxle huanuma mongto kakle changüi. Ija ningle Ekron-e chuwüi, ilaxle she mongtex athole changüi. Gaza-e she wanghom amütüi, ilaxle Ashkelon a khünak owachu chingole dantoxüi.

AMOS 1:3

Jowanpae thüile: “Damaska angkya khünaknue chatchatnaole ochax lyenle hüile, ilaxle ija khokho ma kue hwom to sikangün angkya changle. Gilid angkya khünakbu to hwome mongtsik abakle hwonle.

JEREMIA 47:1

Ijip nok wanghome Gaza to singüi thoma, Filistia makhange Jowanpae ku füi akax.

WANGSHEMBU MWOT 8:26

Jowanpa kaxtaimixe Filip füi akax: “Nang achwonlax üntoxle Jerusalem tokhange Gaza to lekya lom shuathongchi lom ma lelax.” (Ija lom a awütle thomdaokya lom changkya).

JOEL 3:4

“Tair, Sidon, ilaxle Filistia nokbu, hünzome ku to chempang mok ang azong ngopu? Tütali bama hünzome ku to olüix achatle kox ang azong ngopia? Hünzome ile azong ngokya jangchang, kue lebama müi achatle koxüi!

AMOS 1:7

Ikhoma kue Gaza tingnu hato wün ajoüi ilaxle ijama tüikya zanhunuibu zokle ashunüi.