AMOS 1:5 - OTSAO BAIBEL (BSI)

⁵ Kue Damaska tingnu angkya panbu atsunüi ilaxle Awen Haxsha ma ngokyabu hia Betheden apün-awangle ngokya mix apaoüi. Siria nokbu a Kir nok to zanda ang kople paoüi.”

AMOS 1:5 ပူးပေါင်းရင်းမြစ်များ

2 WANGHOMBU 16:9

Ahaz-e tsaiju-kaxjule changkya ningle Tiglath Piresar a chix süpahibu koplaxle Damaska tingtak ang ka, ija kop, wanghompa Rezin lang, ilaxle khünakbu Kir nok to kun ma thom ang pao.

AMOS 9:7

Jowanpae thüi: “Israel khünaknu, kue hünzom hanpakma mok pongma Etheopia nok hanpakma ajangkya tukuxle ajangpu. Kue hünzom chemle Ijip nok tokya apüipuix, ija ningle Kret, Siria hia Kir, ibu nok tokya Filistia nokbu kue apüipu.

JEREMIA 51:30

Babilon nok lompabue azankya zak ilaxle hwom zanhunuibu ma ngole homle. Hwome ang monghixdaoa ilaxle khosam ashukle tüile. Tingnu zünkaibu a pünle adütdaoa, ilaxle homhaxbu a wünkha towüi.

MANGSOP 2:9

Zünkaibu to pan-katuk tsunkyae sheple kop, ibu luapoxbu thuple akhix awüt. Wanghom hia pünlix-wangchong hwom a zanda ang koplaxle paole tüi. Wanlom anwot-anokya athax chitüi, ilaxle ajebu angJowanpa tokhange kaxho hüikya chitüi.

NAHUM 3:13

Hünzom süpahibu a chingcha ashukle, ilaxle hünzom chaxwan a zanpabu tunthoma ziakopkya chemchu chitüile ajong. Hünzom zünbu akaile wüne panbu komkaile zokle ashunüi.

JEREMIA 50:36

Ima othai ajepabu hato mikmüt— hwom chemtukuxkya ongatbu changpuix! Ija angkya süpahibu hato mikmüt— hwom chemtukux khomtsi ünpuix!

ISAIA 43:14

Israel nok otsao Zang, Jowanpa owae hünzom sünle koppuix, chixe thüile: “Hünzom khosün ang, kue Babilon nok hato süpahibu ahüiüi; kue tingnu panbu atsunüi, ilaxle she khünakbu akhongkya a sopkya ang achangüi.

ISAIA 22:6

Elam angkya süpahibu mankho ma ngalaxle hüingole; hwom a hap hia sanbu füi akhyep-adi laxle tüile. Kir haxtok angkya süpahibue hwom dibu achwon laxle tüile.

EZEKEL 27:23

Haran, Kaneh, ilaxle Eden tingnubu, Sheba angkya thalex mixbu, Ashur hia Kilmad tingnubu—ibu pangnusae nang füi thalex-juatai le chang.

2 WANGHOMBU 14:28

Jeroboam II e mokkya pangwüi, chix mongchen füi achax-azanle hüikyabu, tamchu chixe Damaska hia Hamath Israel nok ang chemle achatle koxtsuak puix, ibu pangwüi Israel nok Wanghombu Pukax Laipex ma zale tüile.

ISAIA 8:4

Naosa ‘Anu’ hia ‘Apa’, le nyaktang matsongba, Damaska angkya tuina pangwüi tamchu Samaria angkya tsuikya mwot-kat pangwüi Asiria nok wanghompa-e tswonle paodao angkya changle.”

EZEKEL 30:17

Heliopolis hia Bubastis tingnu angkya naosünbu a zanhok ma maxüi, ilaxle khünak mamabu a zanda ang koplaxle paoüi.

HOSIA 10:8

Awen angkya haxhua ma zaile tüikya baozang to shwomkya otsao nui, ojongkha ma Israel khünakbue chapabu to shwompuix, ija a amaüi. Hwom tö-tsap ding ma hingzang hia kongbüi-zu nyemüi. Khünaknue haxnubu nyaklaxle: “Kwom khomhüi!” tamchu haxhuabu nyaklaxle “Kwom to chwop-hüi!”, le thüiüi.

AMOS 5:5

Zangshwom ang Bersheba to taxka. Bethel ma ku lomle atak ang taxazong—Bethel a muato maxdao angkya changle. Gilgal to taxka—she ma tüikya khünaknu a zanda ang apaole asam angkya changle.”