AMOS 1:3 - OTSAO BAIBEL (BSI)

³ Jowanpae thüile: “Damaska angkya khünaknue chatchatnaole ochax lyenle hüile, ilaxle ija khokho ma kue hwom to sikangün angkya changle. Gilid angkya khünakbu to hwome mongtsik abakle hwonle.

AMOS 1:3 ပူးပေါင်းရင်းမြစ်များ

AMOS 2:6

Jowanpae thüi: “Israel khünaknue chatchatnaole ochax lyenle hüidaoa, ikhokho ma kue hwom to sikangünüi jao. Chem-machu chithaikya khünakbu, opange hwom thashe achatle kox ang chithopuix tamchu chitüichinangkyabu opange ma chisox shem tuita mün kox ang ngaxchu chithole maxpuix, ibu hwome da ang hangle apaodaoa.

AMOS 1:9

Jowanpae thüile: “Tair angkya khünakbue chatchatnaole ochax lyenle hüidaoa, ikhokho ma kue hwom to sikangün angkya changpu. Edom nok to hwome onok angkhange komle zanda ang kople paole, ilaxle hwome tsaotsütle muamüi zangwün tsuakdaokya amale.

ISAIA 8:4

Naosa ‘Anu’ hia ‘Apa’, le nyaktang matsongba, Damaska angkya tuina pangwüi tamchu Samaria angkya tsuikya mwot-kat pangwüi Asiria nok wanghompa-e tswonle paodao angkya changle.”

2 WANGHOMBU 8:12

Hazael-e atüi: “Alixachong, nang a büthüikoxle soppu?” Elisha-e lan: “Chemthüikoxle nange Israel nok zongto chichang-chizangle hwon angkya kue awanle. Nange hwom zanhunuibu to wünlangüi, hwom chamüi-sünmüibu dingsomle changüi, hwom naosombu to nutle akhixle mik max ang tomüi, ilaxle hwom naowokbu oti-okuak amale awütüi.”

AMOS 2:4

Jowanpae thüi: “Judah noke chatchatnaole ochax lyenle hüidaoa, ija khoma kue hwom to sik chiangün homle müntoxüi. Hwome ku hwon-nwot ajao ilaxle ku kaxtombu chilaxle changdaoa. Hwom, a hwompu-hwompa hwome opang thothale hüikya hex, ibu baozangbue lomchei to zunle paodaoa.

AMOS 2:1

Jowanpae thüi: “Moab angkya khünakbue chatchatnaole ochax lyenle changdaoa, ilaxle ija khoma kue hwom to sikangün angkya wüi changpu. Hwome Edom nok wanghompa mang zokle ashunle wünjuak ang achang laxle thajao ang tomdaoa.

AMOS 1:13

Jowanpae thüile: “Amon noke ochax chatchatnaole lyendaoa, ikhoma kue hwom to sikngün ang tom angkya changle. Hwom zan to kale changpongma, hwom haxsüt achen angkya hanpakma, ojongjong Gilid tingnok to hwome sütok-naowokbu to ngaxchu chakmokle.

AMOS 1:6

Jowanpae thüile: “Gaza angkya khünakbue chatchatnaole ochax lyendaoa, ilaxle ikhokho ma kue hwom to sikangün angkya changle. Hwome onok angkhange tsui paolaxle Edom nok ang da ang hangle koxpao le.

ZEKARIA 9:1

Ija a Jowanpa kaxho changle: Hadrak chaxwan hia Damaska tingnu bama chixe sikngün ang tom angkya kaxfün tsuakdaoa. Israel nok homjenbu tata le chichangle Siria angkya pongwün tingnu ngaxchu Jowanpa kux changpu.

AMOS 1:11

Jowanpae thüile: “Edom noke chatchatnaole ochax lyenle hüidaoa, ikhokho ma kue hwom to sikangün angkya changle. Hwome ma haxnu homsabu Israel nok to müihap nyaxlom pupu le to-zile changdaoa, ilaxle hwom hato oja chingcha ahokya chitüi. Hwom mongtsik ma chem thathüt chitüi, ilaxle hwome ija dangle pao ang chitom.

ISAIA 41:15

Kue hünzom a tsaxnakkya oling-olak ang achangüi, owa anaxkya hia ozün füikya a. Hünzome haxnu to nakle akhixüi ilaxle ibu pangwüi amaüi; haxhuabu a haxbu ang achangle nakle asumüi.

ISAIA 7:8

Büthüikoxle? Chemthüikoxle Siria a Damaska tukux tsak-zongle chitüi. Damaska a ija pongwün tingnu changkya. Damaska a wanghom Rezin tukux tsak-zongle chitüi. Ikoxle Israel nok hanpakma a, zanglao 65 mong ma, tuita jat-lile ngo angkya chifün chitüile maxdao angkya changle.

HWON-NWOT-JAONO 11:2

Nange ngun-syen malom-malom to danlax—chemthüikoxle ija chaxwannu ma nange chemningkya osho-jowan apongüihex müntik.

WANWÜNKAX 6:16

Jowanpae adu ang chithole anukya a oli anüt tüile: Mongngam mik-hu-thünza, atsekya le, chemngax chichangkyabu mik-amütkya chak, chichangchizang mwottho zingle alaikya khangka, chichang-chizangkya mwot mok ang momle zikkya cha, tuita füima tuitale mikngün kaxngai othai koxkya, ilaxle zuikhui bato tucheile amakya.

JOB LAIPEX 19:3

Hünzome janbaba ma chithaile, thünzak ojao chitüile ku adix-adale changtüi.

JOB LAIPEX 5:19

Nyixfo to thomzün-maklax chak tokya chixe nang azün;

2 WANGHOMBU 13:7

Mankho ma azankya süpahibu 50, man-kanlin 10, ilaxle cha ma azankya süpahi 10, 000--ibobo ma Jehu ang chang-pax füikya süpahi ota chitox, chemthüikoxle Siria nok wanghome pangwüi amüt ilaxle haxbu ang achangle nakle akhix.

2 WANGHOMBU 13:3

Ikhoma Israel nok füi Jowanpa ang mongma, ikhoma Siria nok wanghompa Hazael hia chix sasün Benhadad nyie Israel nok to chat-chat-naole lüt ang tom.

1 WANGHOMBU 19:17

Hazael chak tokya chilangle opang azangle tsuaklaxpuix Jehu-e langüi, ilaxle Jehu chak tokya chilangle opang azangle tüilaxpuix Elisha-e langüi.

2 WANGHOMBU 16:9

Ahaz-e tsaiju-kaxjule changkya ningle Tiglath Piresar a chix süpahibu koplaxle Damaska tingtak ang ka, ija kop, wanghompa Rezin lang, ilaxle khünakbu Kir nok to kun ma thom ang pao.

ISAIA 7:16

Ija hanpak nguile hüiüi thoto wüi, opange hünzom aza-anale changpuix, ija haxtok anyi a laxli chitüikya haxtok ang achangle awüt angkya changle.

ISAIA 28:27

Chixe dill hia chumin tsangbu to fit ang kiatua lixkya münlax; ikoxle chixe asukhakkya kiatua twonle.

ZEKARIA 9:2

Hadrak longzipong angkya Hamath ngaxchu chix kux wüi changpu. Ija lailaile Tair hia Sidon tingnubu tamchu ima tüikya mwot mankya khünakbu pangwüi chix kux changpu.