AMOS 1:2 - OTSAO BAIBEL (BSI)

² Amos-e thüi: “Zaion Haxnu makhange Jowanpa ahungle; chix ding-zak Jerusalem makhange atsak-adungle. Müitsüt fum zanle zile, ilaxle Karmel haxnu angkya fumchui khuitungle achang paole.”

AMOS 1:2 ပူးပေါင်းရင်းမြစ်များ

JOEL 3:16

Zaion Haxnu makhange Jowanpa akhongle; Jerusalem makhange chix kaxzing atsak-adungle; zangding hia chaxwannu abünle. Ikoxlechu chixe chix khünaknu kho awaüi.

JEREMIA 25:30

“Jeremia, nange kue akaxkax pangwüi apuk angkya changpu. Nang ibu khünaknu hama ija kax akax angkya wüi: “‘Jowanpae zangding tokhange tseüi ilaxle zangkho tokhange zang atsaküi. Chixe chix khünaknu zan to kale tseüi; chix a grep ziak fyetkya khünak ngaokya ningle akhongüi. Chaxwannu angkya noknusae chix zing atatüi,

AMOS 9:3

Hwom a Karmel Haxnukho to khünle ngokoxchu, kue hwom lomle ataküi ilaxle kopüi. Kotho to hwom tinu othong to khünle changkoxchu, kue tinu khatokya müinu-nyaxpa ang hwom to tsüt ang tomüi.

JEREMIA 12:4

Kem haxtok a chemtukux zuale zan-ngoüi, ilaxle haxsha angkya hingzang pangwüi azanle aziküi? Müi hia osabu a zingole ija a kem khünaknu chichangchizangle tüikya khoma changle. Khünak ibue thüile, ‘Keme mokkya mwot Zang-e münngün.’”

ISAIA 42:13

Jowanpaa naomüipa tuita ningle azan ang kale; zanhok ma apong ang chix achwonle tamchu mongtsule tüile. Chixe tinglyetle, ilaxle zan-o zan-ole akhongle; chix zanpabu hato chixe chix tsak-zong ahole.

NAHUM 1:4

Chixe Molo-Tinu ang kaxtom kox, ikoxle ija ti zople zan! Chixe shuajenbu zople zan ang tom. Bashan angkya manzai haxtok zanle pao, Karmel Haxhua khuifople achang, ilaxle Lebanon angkya maipuabu hüile pao.

JOEL 2:11

Jowanpa zangtsak-zangdunge chix süpahibu ang kaxtom kox. Chix kax ma laxle tüikya zankat naomüibu huanuma tamchu tsak-zongle tüikya. Jowanpa Hanpak-zanghan a chemtukux zadünkya hex! Ija thoto owa paole azan thoüi?

HOSIA 13:8

Hosabu asam daokya chepnu tuitae shingpupule kue hünzom to shingüi, ilaxle kue hünzom fexle chaoüi. Mailangpae saxkya ningle kue hünzom onui ma wüi saxle awütüi. Kue faomüibue ashikle akhix kya ningle kue hünzom ashikle akhixüi.

JEREMIA 50:19

Kue Israel khünaknu a hwom chaxwan to chatle ngui ang tomüi. Karmel Haxnu hia Bashan wankam ma münkya puamün hwome saxüi, ilaxle Efraim hia Gilid haxsüt angkya hwome saxse tsukya süt puamün hwome saxüi.

JEREMIA 14:2

Judah a mang sople ngole; ija angkya tingnubu a zingole, ija angkya khünaknu a mongmaxle hax to jiple ngole, Jerusalem a fongmix lomle akhong ngole.

ISAIA 35:2

Mongmüi atungle sak-haxe tsai ngaole akhongüi; ija a Lebanon Haxnu tukuxle osün müiüi Karmel hia Sharon nyi haxtok ningle haxzao füi tüiüi. Jowanpa ahak-aluakya noknusae ngünle laxüi, chix chuak-chongkya hia tsak-zong ngünle laxüi.

ISAIA 33:9

Haxtok a owachu chingole ngat-to dantoxdaoa. Lebanon angkya faonu kohwon ang changdaoa. Haxzao füikya Sharon haxsha a sak-hax ang changdaoa, ilaxle Bashan ma tamchu Karmel Haxnu ma pün ang pünchakbu dütle.

WANWÜNKAX 20:2

Tse le ngokya mailangpa thua zakya ningle mongtsik ngokya wanghompa thua zalax; chix mongtsik ang tomkya a tuita pakfün-shalo changpu.

1 SAMUEL 25:2

Ikhato Kaleb homjen Nabal le amünkya mixsün tuita tüikya. Chix a Maon tingnu angkya khünak ilaxle Karmel tingnu zui ma chix ang haxtok kople tüikya. Chix a tüle hakpa sün tuita changkya. Chix ang chun 3000 tüikya tamchu zwon 1000 tüikya. Chix sheko Abigail a osün müikya mixcha tamchu jetüi-hwonlangkya sheko tuita changkya, ikoxle chix kakopa a huanuma küntsik-mongtsik füikya mixsün tuita changkya. Nabal a Karmel faonu mongto chix chun-munbu zütle

MÜNCHUAK-TSAI 46:6

Jat-libu a abüt-abanle, wangtingbu a abünle; Zang atsak-adung, ilaxle chaxwannu achuk.

JEREMIA 28:8

Ku hanpak hia nang hanpak hüiüi thoto wüi ajebue jat-libu hia tsak-zongle tüikya wangtingbu hato hüi angkya ochax-ozan, woknuak-tilan hia okak-olakbu bama ajele thom.

HOSIA 11:10

“Kue hwom zanpabu to mailang ngao ma ngaole achua pongma ku khünaknu a ku füima azüi angkya changle. Hwom a hannop chitokya ku hato nonokhaile nguiüi.

JOEL 1:19

Jowanpa, kue nang to nyakpu, chemthüikoxle fum-sui hia pünzua komle zandaoa, wün to shunpupu le zanle zidaoa.

MÜNCHUAK-TSAI 29:4

Pangnu to lütle tamchu chongwangpale Jowanpa kaxzing zangle atat ang kop.