AMOS 1:11 - OTSAO BAIBEL (BSI)

¹¹ Jowanpae thüile: “Edom noke chatchatnaole ochax lyenle hüidaoa, ikhokho ma kue hwom to sikangün angkya changle. Hwome ma haxnu homsabu Israel nok to müihap nyaxlom pupu le to-zile changdaoa, ilaxle hwom hato oja chingcha ahokya chitüi. Hwom mongtsik ma chem thathüt chitüi, ilaxle hwome ija dangle pao ang chitom.

AMOS 1:11 ပူးပေါင်းရင်းမြစ်များ

MALAKI 1:4

“Kwom tingnubu a amadaokya changpu, ikoxlechu ibu kwome zingle laxüi”, le Esau sixli Edom noke jang akax, Jowanpae hwom kax to lanüi: “Hwome ibu tamchatlechu naxzingkox--kue ibu anaole chuwüi pünle ama angkya changle. Khünaknue hwom ang ‘Othuithuima hwom füi Jowanpa ang mongtsikle ngokya ochax chaxwan’ le nyaküi.”

JOEL 3:19

“Ijip nok a sak haxtok ang achangüi, ilaxle Edom nok a laxli chitüile oma ang changüi, chemthüikoxle hwome Judah nok tingtak ilaxle ikha angkya chemmün-chitsingkya khünakbu langle awüt.

MÜNCHUAK-TSAI 137:7

Jerusalem kopkya nyix Edom noke chemle mokpuix, ija texle ataklax, O Jowanpa. “Ija pünle atsundao!”, le hwome akax ngokya texle ataklax.

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

HWON-NWOT-JAONO 7:9

Nang mongtsik akumathum thomlax; mongtsik ang nui-ting koxkya a ongat.

TSAITONG-KAXTONG 23:7

“Edom nok wünhaile taxchang; hwom a hünzom haxnu-homsabu changle. Anaole Ijip nok thachu taxajao; hanpak tuita ma hünzom a hwom haxtok to ngodaokya changle.

EFISIA 5:1

Hünzom a Zange mongkünkya chix susabu daile, hünzom a chix lailai le ngo ang azong angkya changle.

MALAKI 1:2

Jowanpae chix khünaknu füi akax: “Kue hünzom to othuithuima mongkün daoa.” Ikoxle hwome lan: “Nange kwom tokya nang mongkün chemle aho daopu?” Jowanpae lan: “Esau hia Jakop nyi a tüi-hi-nao nyi changkya, ikoxlechu kue Jakop hia chix sixli hwom to mongkünpu,

ISAIA 57:16

Kue ku khünakbu ang khüzün koxpu, ilaxle kue hwom ma tsaitox-kaxfele münngoüi chichangba othuithuima hwom füi mongmale münngoüi.

MÜNCHUAK-TSAI 85:5

Nang kwom füi jento mongtsikle ngoüi hia? Nang mongtsik tam Münzaktoxüi hia?

ZEKARIA 1:15

dangjajale hia somdangle ngo angkya kopkya jat-libu füi ku ang tüle mongtsikle. Chemthüikoxle kue ku khünaknu füikya ku mongtsik abaxle thompongma, ibu khünaknue ku khünakbu sikngün sisi ziamale chang ang tom.

2 PUKAX-PANGAO 20:10

“Ikoxle athax a Amon nok, Moab nok tamchu Edom nok, ibue kwom to single ngotüi. Ijip haxtok tokya kwom pupa hwom nguile ngopongma, nange ibu haxtok akaile le ang chitsan, ikhoma kwom pupa hwom a ibu chamtua atsyenle le ilaxle hwom to chemchu chithüile danle toxpu.

2 PUKAX-PANGAO 20:11

Ikoxle hwome kwom to jannong ile alüile: nange kwom ang koxkya haxtok angkya kwom jwonle apao angkya hanpakma hwom nguile.

HOSIA 8:3

chem müipuix ija hwome awütdaoa. Ija khokho ma hwom zanpabue hwom to achua angkya changle.