2 TIMOTHI 4:8 - OTSAO BAIBEL (BSI)

⁸ Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

2 TIMOTHI 4:8 ပူးပေါင်းရင်းမြစ်များ

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

1 PITAR 5:4

Üntoxle Akhokya Chunnyetpa nguikya zuma, otuechu bile chima angkya nyankya khohom hünzome ataküi.

1 PITAR 1:4

ikhoma Zange chix khünaknu ang kox angle thomkya ahak-aluakya mohiman kop angkya to keme hule tanpu. Shanle chipao angkya chichangba chima angkya chichangba za le chipao angkya, ibu chixe hünzom hanpak ang zangkangting to thomle.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

1 KORIN 9:25

Zap ma zong apankyabue pangnuli lom towüi malailai to akumathum tsuak angkya azongle. Hwome ile male paoün angkya khohom kop ang mokpu, ikoxle keme ile mokkya a tamchu chima angkya khohom atak angkya hanpakma mokpu.

KOLOSI 1:5

Otue hünzome Kaxho Müikya bama otsingtsing kaxho pongwang ma atat laxpuix, hünzome ijae fakya monghombu bama atatpu. Idaile hünzom hanpakmale oja monghom zangkangting to sünle thomlaxpuix, ija hünzom monghom a hünzom mongong ilaxle mongkün chifün changle.

MÜNCHUAK-TSAI 31:19

Nang achuak-achenle tüikyabu hanpakma nange thomle tüikya oli, chemtukuxle ohünotün hex! Nang chemtukux müipuix ija noknusae awan ngopu, nang to mongong thomkyabu nange chemle ziakople kho-awa thompuix!

MIKNGÜN-OHÜN 1:7

Hulax, chix zangfwom ma nguile ngole! Noknusae chix ngünüi; Chix to pax füi tsunkyabuechu; Chaxwannu angkya khünak nok wüi, chix bama sopkya tüiüi. Ija ile changüi jao! Amen.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

2 TIMOTHI 2:5

Zik ma apankya khünak tuitae wanlombu tole chichang thüikoxle hingho kop ang chithoüi.

2 TIMOTHI 4:1

Zang üntoxle Jisu Khrista owae ozün hia omang kaxfün angkya hex, tamchu chix chongwangpa le apün-awang ang ngui angkya changkoxle, hwom thüntho ma kue hünzom ang,

1 TIMOTHI 6:19

Ilailaile tix hwome athax füichima ma hanpakma oja oshing mongkya chifün ang changüihex, ija tuina athün ang thoüi. Üntoxle hwome tsün oja otsingtsing tsün hex, ija kop ang thoüi.

1 KORIN 2:9

Ikoxlechu tix zale thomkya tüikya ningle, “Oja mike chingün tsuak, nae chiatat tsuak; Zange chix to künkyabu hanpakma, achwon thomkya; opupu mong tochu, ajangle lax ang chitho.”

MALAKI 3:17

Jowanpae thüi: “Hwom a ku khünaknu ang changüi. Chemtue kue moküihex, ija nyix a hwom ku mamixbu ang changüi. Ma thothale tüikya su-sa hwome honu-hopae chingchale tüikya ningle kue chu hwom to chingchakya tüiüi.

MIKNGÜN-OHÜN 22:20

Ibu pangwüi to chix bama kaxkhi fakya mixe thüi: “Ija changtomtale! Ku chwonle nguiüi!” Amen. Opunu Jisu, nguihüi!

MIKNGÜN-OHÜN 4:10

ipongma mixmüi tüichong hwom tsa ali chongwang tüntong ma thungle tüikya mix thüntho ma chikux athongle ilaxle owa oshuk tamchitüitox le ngopuix chix shwom; hwome chongwang tüntong thüntho ma hwom khohombu suk üntoxle tsai ngao:

MIKNGÜN-OHÜN 4:4

Ija chongwang tüntong akhople mama tüntongbuchu wüi tsa ali tüikya. Ibu ma tsa ali tüichong mixmüibu nyitse awunlaxle hun khohom asünsün le thungle tüikya.

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A

2 TIMOTHI 1:18

Ija nyix Jowanpa-e chix ang chix chingcha naxfa kox! Üntoxle Efisia ma tüipongmachu chixe ku hanpakma otukux mokdaopuix nange sümüile awan ngopu.

1 THESALONIKA 1:10

Tamchu hünzom mong chatkya a: chix Hosa Jisu Khrista, chixe owa zidaokya chatle azünpuix üntoxle hüile ngokya Zang mongtsik tokya kem owae azün laxpuix, ija chix Hosa zangkangting tokya chatüi tan angkya bamachu changle.

ROM NOK HATO ZAKYA POL LAIZA 8:23

Ikoxlechu Zang chakzing tata le münchang; kem opange pongwang angkya Zang hingho ningle Otsao Chasa koplaxle tüipuix, Zange kem chix susabu ang achang angkya ilaxle kem ozün abakle dan angkya tanle ngopongma kemechu kem mongsik ngünle akhongle.

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

MATHI 24:36

“Otu owan hia hanpak owaechu münawan, zangkangting tokya kaxtaimixbuechu chichangba Khünak Hosae ngaxchu münawan; Apa tatae awan wüi.

MATHI 7:22

Kaxfün nyix nguikya zuma, khünakbue ku ang thüiüi: ‘O Jowanpa, O Jowanpa! kwome nang mün ma münaje dai hia? Nang mün ma haxshix jwonle münapao dai hia?’ Nang mün ma kwome ohünotün mwotbu münmok dai hia?

WANWÜNKAX 4:9

She a nang zongto fuazangkya khohom ang changüi.”

MÜNCHUAK-TSAI 7:11

Zang a otsao kaxfünpa changle üntoxle othuithuima chichangchizangle tüikyabu thajao ang tomle.

1 THESALONIKA 5:4

Ikoxle tüinaohom, hünzom a zangnak to ngokya chichang, ilaxle Ija nyixe hünzom ahuxmixe kopkya ningle abütsünsün le chikopüi.

2 KORIN 5:2

Ija tsangtsa tsün ma ngopongma, kem ang mongmüi chitüi ilaxle zoshunpu, chemthüikoxle keme zangkangting tokhange hüikya mama tsangtsa kem ma nyizün ningle awundaose le texpu.

KAXHO MÜIKYA LUK 10:12

Kue hünzom ang thüipu, kaxfünkya nyix Zange ija tingnu füi Sodom nok hato wüi chingcha süchongle ahoüi!

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

1 KORIN 3:13

Khrista zanghan dongkya Nyix mixhuak nok mwot wüi ngün ang ataküi, chemthüikoxle ija nyix wün makhange noknusa mwot wüi angaile ahoüi; ile wün füi wanüi ilaxle ija chimüikya hia müikya oli otsingtsing ahoüi.

FILIPI 3:11

Ija a tamchu ku jao-jao chatle ozün hato chatle azangle zoüi lükya monghom ma.

2 THESALONIKA 2:8

Ifüima chisumüikya mix sün ahoüi, ikoxle Jowanpa Jisu nguikya zuma chix a zakmütle langüi üntoxle fale nyankya füi chix womkyae chix oli thuüi.

2 TIMOTHI 1:10

ikoxle athax ija a kem khosünpa, Khrista Jisu nguikya makhange kem hato angaile tüile. Chixe zi angkya zong ashuk ang koxdaoa üntoxle kaxho Müikya tokhange chizi angkya tsün ngaile ahole.

IBRI 12:11

Kem to akumathumkya tuk ma, kem zongma mongmüi chichangle mongma angkya oli tuita ningle tüitoxle. Ibachu, ofüima a, opang ija füi akumathum le hüipuix hwom hanpak ma otsao mongsom aziak ziakle.