2 TIMOTHI 4:7 - OTSAO BAIBEL (BSI)

⁷ Zik ma otsuaktsuak ma azongle hüidaoa, oshuk to nguile ku zikdaoa, ilaxle kue mongong thomle hüidaoa.

2 TIMOTHI 4:7 ပူးပေါင်းရင်းမြစ်များ

1 TIMOTHI 6:12

Mongong zik ma apanle zikkox, ilaxle nang hanpakma oshuk chitüikya khüzün tsün kopkox; chemthüikoxle khünaknu thüntho ma nange shingmongle nang mongong ngaikya zuma Zange nang ija tsün hato nyakkya changle.

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

JUHAN 4:34

Jisu-e lanle hwom ang thüi: “Owae ku tsanle apaopuix, chix mongtex mwot mok angkya tamchu chix mwot ashuk angkya a ku süt changpu.

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

MIKNGÜN-OHÜN 3:8

Nange chem mokpuix kue awan ngole; nang ma zong hidaole wüi tüikya kue awan ngopu; nange ku hwon-nwot man to ilaxle ku to mongong tüile hüi. Owaechu hak ang chithokya nang thüntho ma kue tuita ka daple fadaoa.

MIKNGÜN-OHÜN 3:10

Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

KAXHO MÜIKYA LUK 8:15

Haxwan Müikya khato dütkya tsaxtsang a; Zang Kaxho atatlaxle, ija kax ma laxle mongtsang ma athünle thom, ilaxle oziak opua mamün-mamünle adu ngokyabu changpu.

1 TIMOTHI 6:20

Timothi, nange hume ang kople thomkya nange sünle thomlax. Üntoxle züizüi khünake othai to “tsingwankya”, le nyakkya adix-adakya zangwün hia ongat ningle kax ma alankya nange tsiakle toxlax.

2 TIMOTHI 1:14

Otsao Chasa owa kem ma ngopuix, chix tsakzong makhange, nang ang fale tüikya amüikya oli chiamütle thomlax.

1 TIMOTHI 1:18

Kusa Timothi, ija kaxtom kue nang ang fapu: Nang ile chang angkya hexo le Jowanpa-e kem füi chix ajebu makhange akaxle thom daokya lailaile, Jowanpa zanhok ma nang amüile azankox.

JUHAN 17:6

“Chaxwannu angkya khünak nange ku ang opang koxdao laxpuix, hwom hama kue nang tsing ang koxdaoa. Hwom a nang kux changkya, ikoxle nange ku ang koxpu; hwome nang Kax pongle kopdaoa.

WANWÜNKAX 23:23

Otsingtsing, je-hwon, awan-atsingkya, ilaxle müikya:ibu hanpakma otha koxkoxchu asupu, ikoxle ija nang zongto hangle chiawüt angkya thanu-juapa changle.

WANGSHEMBU MWOT 13:25

Üntoxle Juhan-e chix mwottho ashuk hax khakha ma, chixe khünaknu ma atüi, ‘Hünzome ku ang owa le texpu? Ku a hünzome hule tan ngokya mix münchang. Ikoxle hulax! Chix a ku füi füima hüile tüile, ilaxle ku a chix cha angkya chisox sukle fa ang ngaxchu münasu.’

GALATIA 2:2

Zange ku hama pao angkya wüi changle le ahokya khoma ku ikhato paopu. Lompabu füi huxsa tusox ma kue mixnokbu hato Kaxho Müikya apuk-apuakya bama wünle kox. Ledaokya machu ilaxle athaxchu wüi kue thothojole mokse chitsu.

FILIPI 1:30

Athax a hünzomchu ku füi tomle zantho ma ajong ang tsuaküi. Ija a amiba wüi hünzome ku azanle ngokya ngünle hüikya zantho changle; ilaxle hünzome atatle hüipu, athaxchu ku ija füi azanle wüi ngopu.

2 TIMOTHI 3:10

Ikoxle nang tsün ma, ku hwon-nwot, ku zanglom, üntoxle ku mongtex tole hüidaoa; nange ku mongong, ku mongkün, ku adukya.

MIKNGÜN-OHÜN 6:11

Hwom pangnu ang wüi tsekya nyiza tupong kox, üntoxle zuikhui thothat mixbu üntoxlechu hwom tüinaohom hwom ningle lang angkya hwom mixhuak akiak angkya okho mangui-manguile noxtasa dangjajale ngo angkya hwom füi akax.

HUAKE LAIPEX 8:25

ilaxle zanglao punyi-bün nguikya zuma chix mwot zakle changüi.

KAXFÜNPA-HWOM 3:2

Israel nok, tamnüile chu ojao zan to kale mawankya tsünthombu hanpakma achax-azankya olom anwot-anole fakya olom tuita ang naxchangle tsünthom pangnu hanpak ang chixe ile mok.