2 TIMOTHI 4:5 - OTSAO BAIBEL (BSI)

⁵ Ikoxlechu nange tütue hex ma akumathum le thom angkya wüi changle; sikngün adukox, Kaxho Müikya apuk-apuakya mwot mokkox, ilaxle Zang da tuita ningle nang mwot pangwüi to thotha le tüikox.

2 TIMOTHI 4:5 ပူးပေါင်းရင်းမြစ်များ

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

1 PITAR 1:13

Idaile mok angkya hanpakma hünzom kün-mong achwonlax. Mik-hingle ngolax üntoxle Jisu Khrista ngaikya zuma hünzom ang fa angkya mohiman to hünzom ang monghomkya tüilax.

2 TIMOTHI 2:3

Kax ma laxle tüikya Khrista Jisu süpahi tuita ningle, nange sikngün ma wom ang thüikox.

KOLOSI 4:17

Üntoxle “Jowanpa ma nang ang fakya mwot tsuak ang ole thüilax”, le Arkipa ang thüikox.

1 TIMOTHI 4:12

Nang naosünsa changle le owawae nang to thajao le hu ang taxkox, ikoxle mongong mixbu zongto, nang zangwün ma, nang zanglom-saikha ma, nang mongkün ma, nang mongong ma ilaxle tsaothakya ma nang apyen angkya ang changkox.

WANGSHEMBU MWOT 21:8

Ofüi nyix kwom achexle Kaisaria to ngui. Ikhato kwom kaxho apukkya mix Filip hom to ngui, ilaxle chix hama zak. Chix a Jerusalem ma zünkya dekon anüt khama tuita changkya.

1 TIMOTHI 4:15

Ibu mok ang anole ngolax ilaxle nange ibu to mong koxlax, ikoxletix nang mwotthobu tsongle hüikyabu noke ngün ang kopüi.

1 THESALONIKA 5:6

Idaile kem mix khünakbu ningle jiple chingoüi; kem mik azangle tamchu tok-ngakya füi atsaile ngo angkya changle.

MIKNGÜN-OHÜN 3:2

Idaile zolax, üntoxle ija komkaile ziüi thoma chem nang ma tüipuix ija zongdong ang koxlax. Chemthüikoxle nange chem mokdaolaxpuix ija Zang miksho ma okho mangui le kue atakdaoa.

EFISIA 4:11

“Khünakbu ang hingho kox”, le thüikyachu chix changpu; chixe züizüi wangshembu ang, züizüi ajebu ang, mamabu a kaxho apuk angkyabu ang, mamabu a chunnyetmixbu ang üntoxle nwotmixbu angle kam.

IBRI 13:17

Hünzom lompabu kax ma laxlax üntoxle hwom kaxtombu apalax. Hwom mwot bama hwome Zang ang akiakkya kox angkya changkoxle, ojao chizak le hwome hünzom to hule nye ngole. Hünzome hwom kax ma laxle jangtüi thüikoxle, hwome hwom mwot mongmüimüile moküi; ile chichang thüiningle, hwome ibu mongma füi moküi, üntoxle ijae hünzom ang chem olüichu chifaüi.

2 TIMOTHI 2:10

ikhoma Zange zünle kopkya khünaknu kuxmale kue pangnu adu, ija a Khrista makhange ahüikya khosün hwomechu naxkoplax ang tamchu oshuk chitüikya fuazang apüi angkya hanpakma changle.

KAXHO MÜIKYA LUK 12:37

Opunu nguikya thoma zole achwonle nuikya dabu otukuxkya mongmüi! Kue hünzom ang thüipu, chixe nyi akhaküi, hwom athungüi, ilaxle chixe humele hwom ang asütüi.

MARK 13:37

Oja kue nang füi akaxpuix, ija kue noknusa füi akaxpu: Hunga ngolax!”

KOLOSI 1:25

Zang, owae hünzom fün amüi angkya kuxma, chixe tsün-tsün to khünaknu thüntho ma pyenle thomkya huxsa mwot ikoxle oja athax a chix khünaknu hato ngaile apukpuix,

ROM NOK HATO ZAKYA POL LAIZA 15:19

Idaile Jerusalem makhange Elirikam alople ahamkya bama lomjang fole, Khrista bama Kaxho Müikya komkaile apuk-apua daoa.

MARK 13:34

Ija a khünak tuita hom toxlaxle mixwün to paoüi ningle changpu. Chixe ma dabu ang mixhuak to ma mwot-mwot ahanle kox ilaxle hom nyet mix ang mik-hingle hule ngolaxo le tox.

EZEKEL 33:2

Chixe thüi: “Ziün angkya khünak, haxtok tuita hato kue ochax-ozan ahüi pongma chemle changpuix, ija bama nang khünakbu hama wünkox. Ija onok tokya khünakbue hwomkha angkya to hu-mix ang kam.

EZEKEL 3:17

Chixe thüi: “Ziün angkya khünak, kue nang a Israel nok to hu-mix ang zingpu. Kue nang ang fakya kaxkhün zangwünbu nange hwom hato taile ho angkya changle.

JEREMIA 6:17

Ifüima kaxkhün fakya nyazong zing to apa angkya hanpakma Jowanpae humixbu kam. Ikoxle hwome thüi: “Kwome ija to münapa.”

ISAIA 62:6

Jerusalem, nang katukbu ma, Kue nyetmixbu danle thomdaoa; Hwom a zangnak zangngai dangle ngo angkya münchang. Hwome Jowanpa hama chix kaxtsaobu wünle lüwüi ngoüi, Ilaxle chix ang ibu alakle asam ang müntomüi.

EZEKEL 33:7

“Ziün angkya khünak, athax kue nang a Israel nok hanpakma hu-mix ang zingpu. Kue fakya kaxkhün nange hwom hato taile kox angkya changpu.

EFISIA 4:12

Khrista tsangtsa zing angkya bama Zang khünakbu pangnu wüi khristan mwottho ma mok ang acha-achwon angkya kuxma chixe ija mok.

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.

MATHI 25:16

Ima wüi jat aga ngun kopkya mix pao; ija füi thalex, ilaxle mama hajat aga ngun alap.