2 TIMOTHI 3:8 - OTSAO BAIBEL (BSI)

⁸ Jani hia Jambri nyie Mosa füi apüile laikya ningle ibu khünakbuechu otsingtsing zan to kale. Ibu khünakbu a khüzi füi mwot chimokkyabu ilaxle ma mongong ma tho chilünkyabu changle.

2 TIMOTHI 3:8 ပူးပေါင်းရင်းမြစ်များ

MIKNGÜN-OHÜN 2:20

Ikoxlechu kue nang füi ija akaxpu: Owae ma alüile Zang kaxho mix changpu le thüipuix, ija mixcha Jezebel füi nange adu. Ku dabue chinunchakkai mwot mokkya tamchu chapabu ang koxdaokya süt saxkya a she hwon-nwot changle.

1 TIMOTHI 6:5

üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

LAIPAO 7:11

Ifüima wanghompa-e chix khünak hing twonmixbu nyak; ibue chuwüi hwom chajik-muashem tsak-zong makhange ija lailaile mokle aho.

TITA 1:16

Hwome Zang tsingle le thüitüia, ikoxlechu hwom mwot makhange chitsing khato le ahole. Hwom a, müikya mwotli tuitachu mok ang chiasukya miktsak füikya hia kax ma chilaxkyabu changle.

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

2 PITAR 2:14

Hwome chem tochu münhu ikoxle chinunchakkai angkya ziasyen to huwüi; ochax lyensale sungkya hwom mongsung mongtex ma tam münngui tox. Shonaikya khünakbu hwome tsünle amanle. Hwom kün-mongbu a osing nüfux tüi angkya bama anwot-anole thomdaoa. Hwom a Zang thuakzom fangma tüile!

2 TIMOTHI 4:15

Chix hanpakma nangchu wüi müile khünzailax, chemthüikoxle chix a kem kaxho zongto tüle-tüle shixkya mix changle.

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

1 TIMOTHI 4:2

Ija ningkya hwon-nwot a atsele dyen-ngankyabu, opang khangka jankhik füi akhamkya ningle omang ma tüilaxpuix, hwome apuküi.

1 TIMOTHI 1:19

Nang mongong shingmongle thomkox ilaxle khangka tsaotha le tüikox. Züizüi khünake hwom khangka kax ma chilax homtoxle hwom mongong oli thu ang koxle.

ROM NOK HATO ZAKYA POL LAIZA 16:18

Iningle mokkyabue kem Jowanpa Jisu Khrista mwottho thakya münchang, ikoxle hwom wok hanpakma mokwüi. Hwome kaxmüi makhange tamchu tsaisong kaxnong makhange künlan-monglan ma ngokya khünakbu dyenle.

MIKNGÜN-OHÜN 2:6

Nikola hwom mwot to kue anukya tukuxle nangechu anu angkya kax a tüile.

1 JUHAN 2:18

Kusu kusahom, oshuk a nguile hüile! Khrista zongto zan hüi angkya bama hünzom hama wündaopu; üntoxle athax Khrista zongto zanbu obiobi laihuüna, idaile oshuk nguile hüile le keme awan ang kople.

TITA 1:10

Chemthüikoxle hwom tsaingat kaxngui füi mix dyen ang hia alünle ajong angkya, onüi angchu Jehudi nok zanglom tokhange mong alüixle hüikyabu tüihu le.

LAIPAO 8:18

Hing twonmixbue hwom chajik-muashem tsak-zong füi hitsik alai ang azong ikoxlechu chitho. Athaxpi pangnu khato hitsike awang.

LAIPAO 7:22

Ifüima wanghompa hingtwon mixbuechu hwom chajik-muashem tsak-zong makhange ile wüi mokle aho. Ija ngünlaxle wanghompa ang mongtsakle pao. Ija a Jowanpae, wanghompa Mosa hia Arun nyi kax ma chilaxle tüi angkya akaxkya ningle chang.

ROM NOK HATO ZAKYA POL LAIZA 1:28

Hwome Zang bama tsingwankya otsingtsing mong ma kop ang angamkya khoma Zange hwom oma mong chak to dan, ikhoma chem chimokse hex ija hwome mok.

WANGSHEMBU MWOT 15:24

Kwomkha angkya züizüi nguilaxle hünzom to tingtui adünkya hia mong amale zangwünkya kwome atatdaoa; ibachutix hwom ang ile moklaxo le kwome anwot-anokya münchang.

LAIPAO 8:7

Hing twonkya khünakbuechu hwom chajik-muashem tsak-zong makhange Ijip haxtok awangle luk alai.