2 TIMOTHI 3:5 - OTSAO BAIBEL (BSI)

⁵ otok to ngün ang kopkya tata twonlaxle zanglom tokya ahole hwome ija ma tüikya otsingtsing zong tomtata a chilaxle ahaiüi. Iningkyabu füi atsaile ngolax.

2 TIMOTHI 3:5 ပူးပေါင်းရင်းမြစ်များ

ISAIA 29:13

Jowanpa-e thüile: “Ibu khünake ku to shwomle le wüntüia, ikoxle hwom kaxfa ma lax angkya chemchu müntüi, ilaxle hwom kün-mong chu ojongjong towüi. Hwom zanglom a chemchu münchang ikoxle hwome mong ma kople thomkya khünake zingle alaikya wanlom hia mokle hüikya olom lanlan.

TITA 1:16

Hwome Zang tsingle le thüitüia, ikoxlechu hwom mwot makhange chitsing khato le ahole. Hwom a, müikya mwotli tuitachu mok ang chiasukya miktsak füikya hia kax ma chilaxkyabu changle.

1 TIMOTHI 5:8

Ikoxle ma tomzi mo ojao chiwünkya mix owawa jangtüi thüiba, tamsüilechu kako ma, chixe mongong tha ajao daoa ilaxle chix a mix mik amütkya mix füi ngaxchu sümakya changle.

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

TITA 3:10

Ahak ahankya alaikya mix ang othom anyi tukux ma kaxkhün laxkox, ifüima chix füi saxmok angkya mwot chemchu müntüi.

2 TIMOTHI 2:16

Ongat hia adix-adakya zangwünbu füi atsaile ngolax, chemthüikoxle ijae khünaknu Zang ha angkya atsaile jwonle apaole.

2 TIMOTHI 2:23

Ikoxlechu ongat hia chitsing chiwan zangwün füi atsaile ngolax; nange awan ngopu ibu a hyet ma shuüi.

1 TIMOTHI 6:5

üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

2 THESALONIKA 3:6

Kwom tüinaohom, kwome hwom ang adangle fadaokya olom chitokyabu tamchu zaxkak-fanale ngokya tüinaobu füi atsaile ngo angkya bama kem Jowanpa Jisu Khrista mün ma kwome hünzom ang kaxtom fapu.

2 THESALONIKA 3:14

Kwome ija laiza makhange hünzom hato akatkya kaxho to chiong angkya mixchu tix tüikoxlax. Ile jangchang thüiba, chix to hule koplax, ifüima chix füi asax amokkya chemchu taxtüi, ikoxletix chixe thünzak kopüi.

1 TIMOTHI 4:7

Ikoxlechu wün ang thakho chinguikya ibu Zang chitüikyabu pupa zangwün füi atsaile ngolax. Zang womle tsün ngo ang mokkya olom ma nange hanpak hia zong ashixlax.

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.