2 TIMOTHI 3:3 - OTSAO BAIBEL (BSI)

³ akak akünkya chitüi, chingchajaja chitüi, mix zia ama ang tungkyabu, shixle zochongkyabu, ilaxle za-adünkya, ibu hwom ma tüiüi; hwome müikya thua anuüi;

2 TIMOTHI 3:3 ပူးပေါင်းရင်းမြစ်များ

JUD LAIZA 1:18

Athax hanpak oshuk ma hünzom thajao wünhai angkya tamchu texle chiatakkya hwom mongtex füito azuikya khünakbu lai angkya kax hwome hünzom hama akaxdaoa.

ROM NOK HATO ZAKYA POL LAIZA 1:31

hwom a ongatbu, mongong chitüikyabu, küntex mong chizaikyabu, tamchu chingchajaja chitüikyabu.

MATHI 10:21

“Hotüie honao, hopae sasün lang angkya hanpakma owüiole koxüi; tamchu sasün hwome honu hia hopa hwom füi alünle ajong laxle hwom lang ang owüiole kox angkya changle.

2 PITAR 2:14

Hwome chem tochu münhu ikoxle chinunchakkai angkya ziasyen to huwüi; ochax lyensale sungkya hwom mongsung mongtex ma tam münngui tox. Shonaikya khünakbu hwome tsünle amanle. Hwom kün-mongbu a osing nüfux tüi angkya bama anwot-anole thomdaoa. Hwom a Zang thuakzom fangma tüile!

1 TIMOTHI 3:11

Hwom kakonubuchu wüi müikya zanglom saikha füi tüi angkya ilaxle zaman mix chichang angkya changle; hwom a tok-ngakyabu füi atsaile ngo angkya üntoxle pangnuli towüi mongao chitüi le chang angkya oli.

MATHI 4:1

Ifüima thwontsing angkya hanpakma Chasae chix faokha to pao.

DANEL 8:23

“Chemtue wangting ibu ashuk angkya otu nguile hüipuix, ilaxle sikngün koptangle chemtue hwom chichangchizangle changpuix, ipongma küntsak-mongtsak le changkya tüle huxtsing-loptsang füikya wanghom tuita laiüi.

MIKNGÜN-OHÜN 17:6

Ija mixcha a Zang khünaknu aji hia Jisu kax ma laxle tüikyabu langkya ajibu ling laxle tokkya kue ngün. Otue kue she ngünpuix, ku ang tüle jepa.

MIKNGÜN-OHÜN 16:6

Hwome Zang khünaknu hia ajebu, aji thokdao koxle nange hwom ang, aji ling ang koxpu. Hwome chem kopse hex, hwome ija koppu!”

MIKNGÜN-OHÜN 13:17

Ija müi mün chichangba chix lüix to tüikya huake chilaxle tüikya owaechu shak ang hia hang ang müntsuaküi.

MIKNGÜN-OHÜN 13:15

Pongwang angkya müi chapa zingle tüikya to, ija chapa akax ang tsuak tamchu chix tong chishwomkyabu pangwüi lang ang tsuak le tüikya hanpakma, anyi lükya müi ang ija chapa to khüzün fakya zake müt ang tom.

JUD LAIZA 1:16

Ibu khünakbu a jento kax ma alatlanle tamchu mixmo omale wünkyabu changle; hwom a ma ochax küntsu monglua füito azuile; hwome ma bama alüile tsaichong-kaxbongle tüile; ilaxle hwome ma lomtang kop angkya kuxma mix loplüi füt ang tomle.

2 PITAR 3:3

Hanpak oshuk ma mikza lokya lom ma ma tsün ngole hüikyabu ngaiüi, pongwang ma hünzome ija awanle koplax.

JAKOP 2:6

Hünzome ibu zasabu wün ahaipu! Ikoxle hünzom to zothupkya tamchu kaxfün mixbu thüntho to hünzom linle apüikya; ibu a hakpa luapabu münchang hia?

TITA 2:3

Azunubu hama, otsao tsün ngokya mixnu tuita chemle ngose hex ile ngo angkya adangle laxkox. Hwom a khualop cha tamchu ju danubu ang chingoüi.

TITA 1:8

Chix a mix wünpwon mankya hia chem müipuix ija to künkya mix chang angkya oli. Chixe ma alüile akumathum angkya, otang ma ajangkya mix, tsaokya mix tamchu zanglom saikha müikya khünak changkoxle müiüi.

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

1 KORIN 7:9

Ikoxlechu hwome ma akumathum ang chitho thüikoxle, hwome kako tan angkya wüi changle. Chemthüikoxle mongzok le kham ngokya füi kako tanle adangkya wüi amüikya changle.

1 KORIN 7:5

Hünkhie noxta bama zangjop hanpak laxhaxle wünle tsuakle lüwüi chichang thüiba, tata zongto taxakhex; ikoxlechu ifüima chatle wüi kakonu kakopa le notomün. Ile chichang thüiningle ma akumathumkya chitüikya tokhange baoe hünkhi thwontsing to adüt ang tsuak.

JUHAN 6:70

Jisu-e hwom kax to lan: “Hünzom bün anyi kue kamle kopkya münchang dai hia? Ikoxlechu hünzom khama tuita a haxshix changle.”

KAXHO MÜIKYA LUK 16:14

Otue farisibue ijabu kax atat, hwome Jisu ajao, chemthüikoxle hwome ngun towüi kün.

KAXHO MÜIKYA LUK 10:16

Jisu-e chix wangshembu ang thüi: “Owae hünzom kax apapuix hwome ku kax apapu; ilaxle opange hünzom pongle chikop puix hwome ku pongle chikoppu; üntoxle owae ku pongle chikop laxpuix, chixe ku tsankya mix pongle chikopkya changpu.”

ISAIA 60:14

Hünzom to zothuple ngokya putong hwom nguiüi Ilaxle chathua zakya ahole hwom akhuxüi. Tam-a hünzom adix-adale changdaokyabue hünzom chitong ma shwomüi. Hwome hünzom ang ‘Zaion, Israel nok Otsao Zang Jowanpa tingnu’, le nyaküi,

ISAIA 53:3

Kwome chix ajao ilaxle chilaxle awüt; chixe sikngünkya hia tsütle kakkya adu. Owaechu chix thün to hu ang chitho — chix chemchu chichangkya ningle keme chix ahai.

MÜNCHUAK-TSAI 22:6

Ikoxle khünaknue thüi: “Chix a khünak münchang, ikoxle chong changle.” Khünaknue ku chie-chise üntoxle pangnusae awütpu!

PONGWANG LAIPEX 49:7

Za-adünkya hwom mongtsik to othuak-ozom naxtüikox, üntoxlechu hwom mongtsik to. Kue hwom Israel haxtok awangle chiakle sam ang tomüi. Hwom kue hwom khünakbu khato paole sam ang tomüi.

2 PITAR 2:19

Ma alüile omüt da ang achangle ngo, üntoxle ibue hwom ang khangkho zang angaikox angkya tsaole; ikoxle kem to cheme lüt ang tompuix ija chak to kem dahaibu ang ngotüi.

MÜNCHUAK-TSAI 15:4

Zang-e chilaxle awütkyabu to hwome e-sekya chitüi, ikoxle opange Jowanpa kax ma laxle tüipuix ibu achuak-achen. Ija mok ang otha tüle ngamkoxlechu Hwome tsaodaokya othuithuima hwome mokle.

ROM NOK HATO ZAKYA POL LAIZA 1:29

Hwom a. Oma, nüfux, ilaxle tata zongto tüikya, iningkya chichang-chizangkyabue awang; miktsak khangsyen, alang ahuak, achax-azan, dyen-ngan, üntoxle mix fün amakyabue amün laxle hwom ngo.