2 TIMOTHI 3:16 - OTSAO BAIBEL (BSI)

¹⁶ Otsao Lai kax pangwüi Zang zakmüt changpu; ibu a otsingtsing anwot-ano ang, thaikya to sa ang, achaxkya achang ang ilaxle sukya tsün ngo angkya bama adangle fakya, ibu hanpakma laxli changle;

2 TIMOTHI 3:16 ပူးပေါင်းရင်းမြစ်များ

ROM NOK HATO ZAKYA POL LAIZA 15:4

Otsao Lai kaxe fakya zongdün hia adukya makhange kem ang monghom tüi angkya bama, Otsao Lai ma chem zalaxpuix, pangnu wüi kem hama anwot-ano ang zapu.

IBRI 4:12

Zang kax a ozün ma üntoxle mwot mokle, pangnyichi anaxkya changlo füi ngaxchu sütsexle tüile. Ijae chamua hia chasa apongkya kha, chizit chakzit hia zizao apongkya kha, ibu pangnu apatle hütle. Ijae khünak tutex hia mongjang bama kaxfün fale.

MARK 12:24

Jisu-e hwom ang thüi: “Otsao Lai tamchu Zang tsakzong chitsing kox khato hünzom oma chithai haxkux.

MÜNCHUAK-TSAI 119:9

Khüse-naochabue ma tsün atsaole chemle thomüi? Nang kaxtombu kax ma laxle tüikya füitix.

WANWÜNKAX 6:23

Adangle fakya ibu a wünnyan changle; achangle fakya ibue nang chemle ngokox müiüi ija anwot-anole fa ang tsuak.

2 TIMOTHI 4:2

kaxho apuk-apua angkya, (asukhakkya hanpak chichanglax changlax) Ija apuk-apua ang mongto zwomkya, anom-anai angkya, sa angkya ilaxle mong achen angkya, ibu nange adukya füi anwot-ano angkya bama kue nang ang mongtsukya tüihüi thüipu.

MÜNCHUAK-TSAI 119:11

Kue nang zongto ochax chilyen angkya hanpakma kue nang wanlom ku mongkha ma thompu.

MÜNCHUAK-TSAI 119:130

Nang hwon-nwot akhix-akhanle wünkyae zangngai fale.

2 SAMUEL 23:2

Jowanpa chasae ku makhange akax; chix kaxho ku tunpün ma tüile.

WANWÜNKAX 15:31

Nang to achangle fa pongma nange apale jangchang, nang a jetüi-hwonlangkya mix changpu.

2 TIMOTHI 2:25

Ma zongto tüikya mix achangle fa ang chix a puinai le tüi angkya oli changpu, chemthüikoxle ile changkya makhange hwom ang mong alüix angkya hia otsingtsing awankya hato chat ang Zange sho amüile faüi.

TSAITONG-KAXTONG 4:36

Chixe hünzom ang zangkangting tokya chix zing atat ang tom ikoxtix chixe hünzom ang jali adangle fa ang tsuakpu; ilaxle ija chaxwan tokma chixe hünzom ang chix otsao wün ngün ang tom, ilaxle imakhange chixe hünzom füi zangwün.

WANGSHEMBU MWOT 20:20

Hünzom hato noktu ma hia kako ma apuk apuale tamchu anwot-ano le hüipongma hünzom to fongse a lükya olom ma kue otuechu hulanle chitoxkya hünzome awan ngopu.

JUHAN 3:20

Chemthüikoxle opange ochax mwot mokpuix hwome zangngai thua anule ilaxle chix mwotbu ngaiüi daile zangngai to münlai.

MATHI 13:52

Idaile chixe hwom ang thüi: “Idaile wanlom nwotmixbu opang Zang Wangting füizuimix ang achangün laxpuix, hwom a ma pung angkya bwotba hozün hozang pangnu alaikya hopunu tuita ningle changpu.”

WANGSHEMBU MWOT 18:25

Jowanpa lomtang chixe müile awanle kop, üntoxle Jisu bama otsing tomtata ma ojao chithai le zangwün ilaxle apua. Bachutix chixe Juhan baptikya olom tata awan.

ROM NOK HATO ZAKYA POL LAIZA 2:20

ongkya khünakbu hanpakma adangle fakya mix, üntoxle naohom hanpakma anwot-ano le fakya mix changpu le nang ma monghomkya tüi. Tsingwankya hia otsingtsing komle wanlom ma tüingoüna le nange laxle.

NEHEMIA 9:20

Nang künmüi-mongmakya füi nange hwom ang, hwome chem mok angkya olom hex ija apuale kox; nange hwom manna füi tux ilaxle ling angkya ti alaile kox.

GALATIA 3:8

Mongong makhange Zange mixnokbu sukya ang lax angkya bama Otsao Lai-e achale wüi akaxle thomkya changle. Ilaxle Otsao Lai-e ikhoma Abraham hato Kaxho Müikya tsingang kox: “Nang makhange Zange khünaknüsa to mohimanüi.”

IBRI 3:7

Ikhoma Otsao Chasae akaxkya ningle: “Hünzome anyix Zang kax jangatat thüiba,

1 KORIN 12:7

Nok füi müi angkya hanpakma mixhuak pangnu ang wüi Chasa mwottho mali-mali angaile aho ang koxle.

WANGSHEMBU MWOT 20:27

Chemthüikoxle kue Zang tutex pangnu hünzom hama chingai homle chitox.

WANWÜNKAX 15:10

Nange chem thaipuix ija jangmok thüiningle, nang a huanuma sikngün ang tomüi; nang alüile achangle zingle chihüi thüiningle nang ziüi.

JUHAN 10:35

Otsao Lai kax a othuithuima otsingtsing changpu; ilaxle chix kaxho fadaokyabu ang Zange zangbu changle le akaxle.

MATHI 26:56

Ikoxlechu ibu pangnu a Otsao Lai ma ajele zale thomdaokya kax changle kotok to ngai angkya hanpakma ile changpu.” Ifüima wangshembu chix danle toxlaxle afale pao.

WANGSHEMBU MWOT 1:16

“Kutüi kunaohom, Jisu kopkya lomwan-mix ang achangkya Juda owa chemle chang angkya hex, ija bama Otsao Chasa tokhange Dawid hama acha lüwüi akax thomdaokya ningle ija Otsao Laikax otok to ngaile hüi angkya oli changle.

MATHI 21:42

Jisu-e hwom ang thüi: “Homzing mixbue chilaxle, awüt thomkya long; homkom-longnu ta ang achangüi”, le thüikya kha Otsao Lai hünzome ele maano hia? Ija a Jowanpa-e mok ang tho angkya ikoxlechu mikngün ma chemtukuxkya ohünotün hex!

ROM NOK HATO ZAKYA POL LAIZA 4:23

“Chix atsaole lax”, le thüikya kaxhuakbu chix huak tata bama zakya chichang.

IBRI 11:1

Mongong a keme monghom le texkya oli bama atsingsho angkya, tamchu keme mike chingünkya oli bama mongao chitüi angkya hanpakma changle.

ROM NOK HATO ZAKYA POL LAIZA 3:2

Huanuma wüi, changjao changle, olom pangnusa ma wüi! Owang ole, Zange chix Otsao Lai kax (müile twon angkya hanpakma) Jehudi khünakbu ang koxle.

WANGSHEMBU MWOT 28:25

Otue hwom kaxno chitomle changpuix, hwom fan ang ajong; ilaxle fanüi khakha ma hwom füi Pol-e ija kax akax: “Hünzom putong hwom füi ajebu makhange Otsao Chasae akaxkya kax ija otsing tomtata wüi changkoxa.”

MARK 12:36

Dawid füi Otsao Chasa akax: ‘Jowanpa-e ku Jowanpa ang thüi; Kue nang zanbu, nang chifa fang to mathom tanto; nang ku tsaxchi ma thung lax.’

MIKA 2:7

Hünzome Israel khünaknu a othuak-ozom ma ngole le thütpia? Jowanpae adukya amütdaopia? Otsing tomtata ma chixe iningkya mwot mok ang chami? Chixe sukya mwot mokkyabu füi chingcha ma zang münwün hexnyi?”

MATHI 26:54

Ikoxle ile jangchang thüikoxle ile chang angkya hexo lekya Otsao Lai kax chemle kotok to ngaiüi?”

MATHI 22:43

Jisu-e atüi: “Jangchangba chem bama Chasae Dawid füi, chix ang Jowanpa le nyakle akax? Chemthüikoxle Dawid-e thüi:

TSAITONG-KAXTONG 29:29

“Kem Jowanpae pyenle thomkya tütali tütüile; ikoxle chu chixe chix Wanlom ngaile ahodaoa, ilaxle kem tamchu kem su-sa hwome ija kax ma jento laxle ngo angkya wüi changpu.

ZEFANIA 3:2

Ijae Jowanpa kax to najao chitha ilaxle chix wanlombu pongle chikop. Ijae Jowanpa to mongong chalomkya chitüi chichangba chix ang asunhüile chithüi.