2 TIMOTHI 3:10 - OTSAO BAIBEL (BSI)

¹⁰ Ikoxle nang tsün ma, ku hwon-nwot, ku zanglom, üntoxle ku mongtex tole hüidaoa; nange ku mongong, ku mongkün, ku adukya.

2 TIMOTHI 3:10 ပူးပေါင်းရင်းမြစ်များ

1 TIMOTHI 6:11

Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

TITA 2:7

Pangnu lom ma wüi nang a müikya zanglom saikha müile ahokya olom tuita ang chang angkya changpu. Nang hwon-nwot bama mongkoxkya tamchu khünzukya tüilax.

1 TIMOTHI 4:6

Nang kaxbu ilaxle nange man tole hüidaokya otsingtsing hwon-nwot füi chasa ma nang tuxle ngopongma, tüinaohom hato nange ibu adangle jangfaba, nang a tuita Jisu Khrista da müikya mix ang changüi.

FILIPI 2:22

Kukhi hopa tuta sasünnyi ningle, Kaxho Müikya kuxma motomle saxmokle hüilaxle, chix tuita sukya mix changle le ahokya hünzome jao awanle hüipu.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

2 PITAR 3:11

Ibu pangnu li ilailaile amüt angkya changkoxle, hünzom chemningkya khünakbu ang changse dai? Hünzom tsün a otsao tamchu Zang hanpak ang atsaole thomkya tsün ang ngo angkya oli changle;

2 TIMOTHI 4:3

Khünaknue changkya anwot-anokya to na chitha angkya hanpak hüiüi, ikoxle ma küntsu monglua lom to leüi ilaxle hwom mongto apase le bule tüikyabu mo wün angkya nwotmixbu hwome süchongchongle asüiüi.

2 TIMOTHI 2:22

Khüse pongma mongzok füi atsaile ngolax, ilaxle sukya, mongong, mongkün, tamchu mongsom hanpakma mong tsaokya tokhange fong angkya hanpakma Jowanpa ahyenkyabu füi tomle azonglax.

1 THESALONIKA 1:5

Chemthüikoxle kwome hünzom hato Kaxho Müikya apüipu, kax tata ma chichang, ikoxle tsakzong ilaxle Otsao Chasa makhange, tamchu ija otsingtsing komle angaikya makhange apüipu. Kwom hünzom füi ngotanto chemle ngokya hex ija hünzome awanpu; ija a hünzom fün amüi angkya kuxma changkya.

2 KORIN 1:17

Ija mongkat azuakya bama ku ang mong münajing le fe angkya chichang. Jangchang thüiba, kue ija mongkat azuakya zuma chaxwannu khünak ningle “jo, jo” thüilaxle lebama wüi “Müno”, le achat ang, ma zongma amüimüi ma lax ang zingkya hia?

ROM NOK HATO ZAKYA POL LAIZA 16:17

Kutüi kunaohom, kue hünzom zongsaipu; ahak ahan angkya mix hia mongong ma khünaknu chikho asua ang kox angkya mix, owa hünzome pongle kopdaokya hwon-nwot zongto opüima tüipuix, ibu hanpakma mik-hingle ngolax; hwom füi atsaile ngolax.

WANGSHEMBU MWOT 26:4

“Jehudi khünak noke wüi ku naosom tokhange chemle ngole hüikya hex komle awan ngopu. Owang tokhange wüi ku tsün kwom chaxwan to hia Jerusalem ma chemle ngole hüipuix hwome awanle ngopu.

WANGSHEMBU MWOT 20:18

Hwome ikha alopkya zuma, chixe hwom ang thüi: “Asia haxtok to ku onguiwang nyix makhange hünzom füi ku chemle ngole hüidaopuix hünzome awan ngopu.

WANGSHEMBU MWOT 2:42

Üntoxle hwom a wangshembue anwot-anokya hia notom wonmüikya ma, üntoxle tomle saxlaxkya hia zangjop ma womle hwom shingmongle ngo.

KAXHO MÜIKYA LUK 1:3

Ija khoma, O! nang alixachong! Ija tsai-kax owang tokhange wüi müile azut ajang laxle, nang hanpakmale thutle tüzakoxwüi müiüile kue texle atakle.

1 TIMOTHI 1:3

Ku Mesidonia to kaüi lom to kue nang füi akaxkya ningle, kue nang a Efisia ma nuikoxle müisele texpu. Ikhato züizüie othai hwon-nwot apukle ngole, nange hwom ang dang angkya kax kox angkya changle.

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

DANEL 1:8

Wanghom khwa angkya chitsaokya sütlingbu saxling üntoxle Danel-e chix chitsaokya khünak tuita ang münachangüile mongzangwünle tsuak, ikhoma chixe Ashpenaz ang chix to süfonghüile akax.

FILIPI 2:20

Ku mongjang atom-ahanle laxkya hia hünzom hanpakma otsing tomtata ma tuitex füi tüikya mix chix tata wüi changle.

2 TIMOTHI 4:2

kaxho apuk-apua angkya, (asukhakkya hanpak chichanglax changlax) Ija apuk-apua ang mongto zwomkya, anom-anai angkya, sa angkya ilaxle mong achen angkya, ibu nange adukya füi anwot-ano angkya bama kue nang ang mongtsukya tüihüi thüipu.

2 TIMOTHI 4:7

Zik ma otsuaktsuak ma azongle hüidaoa, oshuk to nguile ku zikdaoa, ilaxle kue mongong thomle hüidaoa.