2 TIMOTHI 3:1 - OTSAO BAIBEL (BSI)

¹ Oshuk hanpakbu ngui ningle sikngün hanpak tüi angkya le mong ma koplax.

2 TIMOTHI 3:1 ပူးပေါင်းရင်းမြစ်များ

2 PITAR 3:3

Hanpak oshuk ma mikza lokya lom ma ma tsün ngole hüikyabu ngaiüi, pongwang ma hünzome ija awanle koplax.

2 TIMOTHI 4:3

Khünaknue changkya anwot-anokya to na chitha angkya hanpak hüiüi, ikoxle ma küntsu monglua lom to leüi ilaxle hwom mongto apase le bule tüikyabu mo wün angkya nwotmixbu hwome süchongchongle asüiüi.

1 JUHAN 2:18

Kusu kusahom, oshuk a nguile hüile! Khrista zongto zan hüi angkya bama hünzom hama wündaopu; üntoxle athax Khrista zongto zanbu obiobi laihuüna, idaile oshuk nguile hüile le keme awan ang kople.

JUD LAIZA 1:17

Kutüi kunaohom, ami ledaokya ma hünzom füi kem Jowanpa Jisu Khrista wangshembue chemle wündao laxpuix, ibu mong ma koplax.

MIKA 4:1

Athax füichi ma Zangshwom-Hom ajongle tüikya haxnu a pangnu füi sütsuakya ang changüi, haxhuabu pangnu to kaikya homthün a. Jat-libu tüle-tüle ija hato abünle nguiüi,

ISAIA 2:2

Athax füichi ma Zangshwom-Hom ajongle tüikya haxhua haxhua pangnusa füi süchuakle tüiüi, haxhuabu pangnusa to ijae tuküi. Abünle zakya füi jat-libu ija haxhua hato nguiüi,

DANEL 12:11

“Nyixfokya to koxle ngokya töbu koxkya zakkya makhange, ija a Nushix dongkya Oma, 1,290 nyix kaile lekya füima changüi.

JEREMIA 49:39

Ikoxlechu ofüima kue Elam nok a tamchatle ahak-aluale chang ang tomüi. Ku, Jowanpae ija akaxdaoa.”

EZEKEL 38:16

Chaxwan alyem le zangchei zangwat hüikya ningle nange ku khünaknu Israel nok to singüi. Chemtue ija hanpak nguipuix, ipongma kue nang a, chaxwannu nok hato ku owahex ija aho angkya hanpakma ku haxtok to sing ang apaoüi, ilaxle ku otsao ngaile aho angkya hanpakma nang makhange kue mwot moküi.

DANEL 12:7

Ija kaxtaimixe pangnyi chak zangkho chito ajong ilaxle oshuk chitüikya Zang mün ma tsaosaxle akaxkya kue atat. Chixe thüi: “Ija a zanglao azom lyet azok changüi. Chemtue Zang khünaknu to zothupkya ashukle changüihex, ibu pangnusa ile achangle hüidaoüi.”

DANEL 11:36

“Siria nok wanghompa-e chix mongtextex ma moküi. Chix a baozang pangnu füi chix wüi achongkya changpu, Khüthak Zang füi ngaxchu chix wüi achongkya le angam.

DANEL 10:14

Athax füichi ma hünzom khünakbu to chempangle chang angkya hex ija nang hama apuale fa angkya hanpakmale ku nguikya changpu. Ija a athax füichi hanpak mikngün-ohün changpu.”

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

DANEL 7:8

Kue hule ngopongma, ibu ozongbu obama mama zongzün tuita dongle hüikya kue ngün. Ijae laile ngoünkya ozong azom butle adüt. Ija müizong ma khünak mik hia tun tuita tüikya, ija tun makhange kax achongchong akax.

JEREMIA 48:47

Ikoxlechu athax füichima Moab nok a Jowanpae tamchatle ahak-alua ang tomüi. Ibu chempang Jowanpae akaxle changdaopuix, ibu pangwüi Moab noke apongle hüi angkya changpu.

PONGWANG LAIPEX 49:1

Jakop-e sasün hwom selaxle thüi: “Ku hama asoxhüi; athax füichi ma hünzom to chempangle changüihex ija kue wünfang:

JUD LAIZA 1:18

Athax hanpak oshuk ma hünzom thajao wünhai angkya tamchu texle chiatakkya hwom mongtex füito azuikya khünakbu lai angkya kax hwome hünzom hama akaxdaoa.