2 TIMOTHI 2:8 - OTSAO BAIBEL (BSI)

⁸ Jisu Khrista owa zidaokya chatle azangle zopuix, owa Dawid sixli changkya hex, Kaxho Müikya apuk-apua pongma kue anwot-anokya lailaile chemle changpuix, chix texle ataklax.

2 TIMOTHI 2:8 ပူးပေါင်းရင်းမြစ်များ

WANGSHEMBU MWOT 2:24

Ikoxlechu zidaokya chix Zange chatle azangle zo ang tom; chixe chix zikya sikngün chak tokya da, chemthüikoxle zike chix hakle thom ang tho angkya oli chichang.

ROM NOK HATO ZAKYA POL LAIZA 2:16

Üntoxle kue apuk-apuakya Kaxho Müikya olom machu, Jisu Khrista makhange, khünak angkya huxsa mongjang bama Zange kaxfünkya nyixchu wanlom ma tüikya ningle mokkya mixtix sukya ang achangüi.

2 THESALONIKA 2:14

Kwome apukkya Kaxho Müikya tokhange ija hato Zange hünzom nyakkya changle; kem Jowanpa Jisu Khrista fuazang ma hünzom süntom tswonle kop angkya chixe hünzom nyakkya changle.

MATHI 1:1

Ija a Abraham sasün Dawid, Dawid sasün Jisu Khrista zu-jem pukax changpu.

1 TIMOTHI 2:7

üntoxle ikhoma ku mixnokbu hato mongong hia otsingtsing bama kaxho apuk ang wangshem tuita tamchu anwot-ano ang tsanle apaokya mix changle!

1 KORIN 15:4

Otsao Lai ma zale tüikya ningle chix akhün füima nyix azom lükya to chatle azangle zopu;

MIKNGÜN-OHÜN 5:5

Ipongma tüichong mixmüi tuitae ku ang thüi: “Taxsop, hulax! Juda homjen angkya mailang tuita, owa Dawid sixli akhokya changpuix, chixe zan to anao daoa, ilaxle chixe shin anüt topkyabu dalaxle ija laitün sha ang thoüi.”

1 TIMOTHI 1:11

Mohiman hia fuazangkya Zang tokhange kopkya Kaxho müikya oja apuk-apua angkya ku ang koxle thompuix, ija Kaxho Müikya ma ija hwon-nwot tüile.

1 KORIN 15:1

Oja hünzome pongle kop ilaxle oja ma hünzom mongong shingmongle ajongle ngopuix, kue hünzom hato apukkya Kaxho Müikya ija bama, tüinaohom, kue hünzom hama tamchatle wünse texpu.

ROM NOK HATO ZAKYA POL LAIZA 16:25

Zang ang fuazangkya koxhax! Khrista bama kue apukkya Kaxho Müikya ningle, üntoxle kaile pupa tsün tokhange wüi pyenle thomkya otsao otsingtsing ngaile ahokya ningle, chixe nang mongong ma shingmongle ajong ang koxtsuak le.

WANGSHEMBU MWOT 13:23

Chix kaxtsao ningle Zange Israel khosün mix ang achang angkya, Dawid homjen makhange hüi angkya mix a ija Jisu changkya.

WANGSHEMBU MWOT 2:30

Chix a ajepa changkya, ilaxle Zange chix füi tsaosaxkya kax chixe awanle ngo: Dawid lailaile, Dawid sixli kha angkya wanghom ang mixhuak tuita zingle alai angkya Zange tsao.

KAXHO MÜIKYA LUK 24:46

Üntoxle chixe hwom ang thüi: “Khrista sikngün zolit angkya oli changle, üntoxle nyix azom lekya to chatle azangle zoüi,

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

2 TIMOTHI 2:7

Kue chempang akaxpuix ibu bama ajanglax, chemthüikoxle Jowanpa-e nang ang ibu pangnu awan tsuak angkya koxüi.