2 TIMOTHI 2:3 - OTSAO BAIBEL (BSI)

³ Kax ma laxle tüikya Khrista Jisu süpahi tuita ningle, nange sikngün ma wom ang thüikox.

2 TIMOTHI 2:3 ပူးပေါင်းရင်းမြစ်များ

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

2 TIMOTHI 4:5

Ikoxlechu nange tütue hex ma akumathum le thom angkya wüi changle; sikngün adukox, Kaxho Müikya apuk-apuakya mwot mokkox, ilaxle Zang da tuita ningle nang mwot pangwüi to thotha le tüikox.

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

IBRI 10:32

Tho to hünzom füi chemle changdao laxpuix texle ataklax. Itukwane, Zang wünyane hünzom to nyan füima, olom-olom ma hünzome sikngün apong hupu, ikoxlechu ibu chax-zane hünzom to lüt ang chitho.

2 TIMOTHI 2:10

ikhoma Zange zünle kopkya khünaknu kuxmale kue pangnu adu, ija a Khrista makhange ahüikya khosün hwomechu naxkoplax ang tamchu oshuk chitüikya fuazang apüi angkya hanpakma changle.

1 TIMOTHI 1:18

Kusa Timothi, ija kaxtom kue nang ang fapu: Nang ile chang angkya hexo le Jowanpa-e kem füi chix ajebu makhange akaxle thom daokya lailaile, Jowanpa zanhok ma nang amüile azankox.

2 TIMOTHI 3:11

Ku zothupkya ilaxle ku sikngünkyabu ngünle laxdaoa. Antiok, Ikoniam hia Lastrabu to kue adule hüikya zothup pangwüi nange awanpu! Ikoxlechu ibu chak tokya Jowanpa-e ku khosünle koppu.

2 KORIN 1:6

Kwom sikngünkya a hünzom to fongkya tamchu khosün hanpak changle. Sikngün pongma Zange kwom adu ang tomkya hünzom hanpak wüi changle. Füichima kwome apongkya sikngün hünzome apongkya zuma adutsuak angkya kuxma ija a hünzom zong changle.

IBRI 11:27

Wanghom küntsik mongma thua ojao chizale, mongong makhange Mosa-e Ijip chaxwan danle tox. Mike chingüntsuakkya Zang ngünle laxdaokya tukuxle tamchat mong chidong le chix adu.

IBRI 6:15

Abraham ma monglomkya tüi, ikhoma Zange chem tsaosüt thomlaxpuix ija chixe kop.

1 KORIN 13:7

Mongküne otuechu danle müntox; ilaxle mongkün ma tüikya mongong, monghom tamchu adukya thaile nuiüi le münchang.

1 KORIN 9:7

Masüt-maling füi süpahi ang achang ngokya owa tüi? Grep haxtok manzai laxle ikha angkya oziak chisaxkya mix owa tüi? Tsomti chiling homtoxle chun nyele ngokya nyetmix owa tüi?

2 TIMOTHI 1:1

Zang mongtex makhange Jisu Khrista wangshem tuita, owae kem Khrista Jisu füikya notom ma tsaole thomkya tsün khüzün bama apuk ang tsanle apaopuix, ija Pol tokhange:

2 TIMOTHI 2:9

Kaxho Müikya apukkya khoma, kue sikngün apong ilaxle mütkop daokya mix tukuxle ku khale thom. Ikoxchu Zang kax a kople chithom,

FILEMON 1:2

ilaxle nang hom ma asoxkya müimüithom tamchu kwom nanao Afia hia kwom füi tomwüi süpahi Arkipa hwom hato:

KAXFÜNPA-HWOM 3:2

Israel nok, tamnüile chu ojao zan to kale mawankya tsünthombu hanpakma achax-azankya olom anwot-anole fakya olom tuita ang naxchangle tsünthom pangnu hanpak ang chixe ile mok.

WANGSHEMBU MWOT 23:31

Süpahibue ija kaxtom apa. Ija jaja wüi hwome Pol Antipatris alople laxlax tox.