2 TIMOTHI 2:24 - OTSAO BAIBEL (BSI)

²⁴ Jowanpa da otuechu chiaheüi. Chix nok zongto wüi chingcha füi, tamchu müikya hia adukya füi tüi angkya oli changle.

2 TIMOTHI 2:24 ပူးပေါင်းရင်းမြစ်များ

TITA 3:2

Owa angchu omale kax chithüi angkya, ikoxle mongsom hia zuikop manle tüi angkya ilaxle pangnu zongto wüi othuithuima jonai le tüi angkya hwom hama wünkox.

TITA 1:7

Ile müimüithom lompa tuita a Zang mwot mok angkya ajepa tuita changkya daile, chix a ofwot chizaile changkoxle müiüi. Chix a makax kax ma wüi laxhüi le chichangba amuaküsa to mongtsik dongkya mix chichangüi, chichangba jutok saxngakya mix, hyetlom mix, ngun to asingkya mix, iningkyabu chichangüi.

1 THESALONIKA 2:7

Khrista wangshembu ningle kwome hünzom atsang ang those, ikoxle kwome ija chilom. Ikoxle kwom hünzom füi ngotanto, nao honu tuitae naosa akox-akomkya ningle, kwom a somdangle tüikya.

1 TIMOTHI 6:11

Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

KOLOSI 3:13

Tata füi adule tüilax üntoxle hünzome owawa füi chisumüikya zangwün tüipongma tata ang thailak laxkox. Jowanpa-e hünzom ang thailak fadaokya ningle hünzomechu tata ang thailak fa angkya changle.

FILIPI 2:14

Jali lom to apüikya hia kax ma alankya chitüi homle mokkox,

FILIPI 2:3

Ma fün müi angkya tata thütlaxle chichangba mixtha naxjao le chemchu taxmok, ikoxle ma füi mix wüi si le thütlaxle tata zongto puinai le tüikox.

EFISIA 4:2

Othuithuima puinaikya, somdangkya, ilaxle adukya tüikox. Tata füi adukya tokhange hünzome künkak mongkün ahokox.

1 PITAR 3:8

Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

TITA 1:9

Lai kax otong füi notomkya mongong tangkya kaxho to chixe mongle kop angkya changle. Iningle chixe otsingtsing hwon-nwot makhange mix ang zong adün ang thoüi ilaxlechu ija füi opüima tüikyabu hama hwom thaikya kha aho ang thoüi.

2 KORIN 10:1

Pol ku jaoe hünzom füi akaxpu, hünzom hama tüipongma ku a zakhut mix ang achang, ikoxle hünzom ha angkya atsaikya zuma ku ang mongchongle le khünakbue akaxle. Khrista ningle ku somdangle tüise texpu.

WANGSHEMBU MWOT 7:26

Ofüinyix chixe Israel khünak mixsün anyi ahele ngokya ngün, ijama chixe hokhi hyet abaxle tu amüi ang azong. Chixe thüi: ‘Hünkhie tam apahüi; hünkhi a hotüi-honao changle; büthüikoxle tata füi ahepu?’

MATHI 12:19

Chix kax ma chialan, chiakhong, chichangba tingjang lomnu to, kaxza zongle chiakax;

JAKOP 4:2

Hünzome lomkya oli hünzome kop ang chitho, ikhoma hünzom mik amüt ang atha-anyem; hünzome mong ma tületüle laxse tsu, ibu kop ang chitho, ikhoma hünzom azan tamchu ahe. Hünzome laxse tsukya hünzome kop ang chitho chemthüikoxle ibu hünzome Zang ma chiju.

JAKOP 1:1

Zang tamchu Jowanpa Jisu Khrista da Jakop tokhange: Chaxwan tok ma chiakle tüikya Zang khünaknu nok hato salam.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

JUD LAIZA 1:3

Ku mongkün tüinaohom, kue hünzom hato kem tom khosün bama zasele tüle mongtsule ngopongma, mongong oja tamfangma owüiole otsaobu ang koxdao laxpuix, ija mongong hanpakma hünzome zongbakle azong angkya kue hünzom hato zongsaile za angkya laile.

WANGSHEMBU MWOT 23:9

Hwom süzong süzongle akhong, ilaxle wanlom awankyabu khama züizüi farisi othomkha angkyabu ajong ilaxle kaxza zongle akax: “Kwome ija mixsün ma thaikya kha ojao münatak! Owatsing, chasa chichangba kaxtaimixe chix füi akaxdao koxtüi!”

DANEL 6:20

Chemtue chixe ijakha aloppuix, chixe künsum-mongtui le nyak: “Ozün ma tüikya Zang dapa, Danel! Mailangbu chak tokya nang, nange mongbakle koxle shwomle ngokya Zang-e nang khosünle tüilaxma?”

TITA 1:1

Zang da tamchu Khrista wangshem Pol tokhange: Zange zün le kopkya khünaknu to fong ang ilaxle oshuk chitüikya khosün monghom chifün ang laxlaxle ngokya kem zanglome anwot-anokya otsingtsing hato hwom zun le apüi ang ku zün le koplax le tsanle apaokya changpu.

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

2 KORIN 10:4

Kwome achax-azan ang twonkya chang-pax a chaxwannu chang-pax münchang ikoxle Zang tsakzong chang-pax changle. Kwome ibu oshing mongle ziakop laxle ngokya tha ama ang twonle. Chichang khato kaxma ma alatkya pangnu tha kwome amale.

WANGSHEMBU MWOT 15:2

Pol hia Barnaba nyie hwom füi khünzule kax ma alat üntoxle Ija bama ala; idaile Pol hia Barnaba nyi füi tomle Antiok angkyachu khünak züita zünle koplaxle wangshembu hia tüichong mixmüibu füi apongle zangwün azut ang Jerusalem to pao angkya oli changle le zangwün.

2 PUKAX-PANGAO 24:6

khünaknu süi saile chichangkya büthüikoxle chingünpu? (

TSAITONG-KAXTONG 34:5

Ikhoma Jowanpae chix füi akaxle hüidaokya ningle, chix dapa Mosa, Moab nok haxtok to zi.

JUHAN 6:52

Ija khoma Jehudi khünakbue ija bama tata füi zangwünle thüi: “Ija khünake kem ang chix müi sax ang chemle kox angkya changkoxpuix?”

JIHUSUA 1:1

Jowanpa dapa Mosa zikya füima, Jowanpae Jihusua hama, chixe Mosa to fongle hüikya apua.

2 KORIN 6:4

Itülüi, sikngün tuitai ilaxle thangdangkya pangnu ma adukya tokhange, kwome mokkya oli pangnu lom ma kwom a Zang dabu changpu le ahopu.