2 TIMOTHI 2:2 - OTSAO BAIBEL (BSI)

² Khünak obiobi thüntho ma nange atatle kue apuk-apuakya hwon-nwot koplax, ilaxle mae mongongkyabu opange mamabu hatochu anwot-ano ang thoüihex, ibu ang ija mokle pao ang laxkox.

2 TIMOTHI 2:2 ပူးပေါင်းရင်းမြစ်များ

1 TIMOTHI 4:6

Nang kaxbu ilaxle nange man tole hüidaokya otsingtsing hwon-nwot füi chasa ma nang tuxle ngopongma, tüinaohom hato nange ibu adangle jangfaba, nang a tuita Jisu Khrista da müikya mix ang changüi.

1 TIMOTHI 6:12

Mongong zik ma apanle zikkox, ilaxle nang hanpakma oshuk chitüikya khüzün tsün kopkox; chemthüikoxle khünaknu thüntho ma nange shingmongle nang mongong ngaikya zuma Zange nang ija tsün hato nyakkya changle.

MALAKI 2:7

Otsingtsing Zang hwon-je anwot-anole kox angkya a zompu-zangpabu mwot changle. Ku mongtex tsingle lax angkya hanpakma khünaknu a hwom hato apao angkya changpu, chemthüikoxle hwom a Jowanpa Khüthak Zang kaxho mixbu changle.

2 TIMOTHI 3:10

Ikoxle nang tsün ma, ku hwon-nwot, ku zanglom, üntoxle ku mongtex tole hüidaoa; nange ku mongong, ku mongkün, ku adukya.

JEREMIA 23:28

Aje owae wünmang ngünlaxpuix, chixe ija a wünmang zazale akax angkya changle, ikoxle aje owae ku kaxho atatpuix, chixe a mongong tüikya füi ija ku kaxho apuk angkya wüi changpu. Saxtsa hia saxziak chem ma apyen angkya tüi?

KAXHO MÜIKYA LUK 12:42

Jowanpa-e lan: “Jangchangba mongongkya hia hwontüi jezaikya da opupu hex? Hwom khama süt-mwot to hume angkya üntoxle hozui dabu ang otu nguikya ma sütling to humele kox angkya, ibu mwot hanpakma mongao chitüi le hopunue mwot owa ang koxpuix, mongongkya hia hwontüi jezaikya da a chix changpu.

IZRA 7:25

“Izra, Zang-e nang ang fale tüikya hwon-je twonlaxle, Zang Wanlom fang ma ngole tüikya Hannop-Eufrat angkya khünaknu thakma apün-awang angkya pünpa-chongwang hia kaxfünpabu nange zün angkya changle. Ija Wanlom chitsingkya khünak owawa jangtüi, nange chix hama ija anwot-anole kox angkya changpu.

1 TIMOTHI 1:18

Kusa Timothi, ija kaxtom kue nang ang fapu: Nang ile chang angkya hexo le Jowanpa-e kem füi chix ajebu makhange akaxle thom daokya lailaile, Jowanpa zanhok ma nang amüile azankox.

1 TIMOTHI 1:12

Mwot mok angkya tsakzong ku ang owae fapuix, kem Jowanpa Jisu, chix ang kue münchong fapu. Ledaokya ma kue chix mo amale wün ilaxle chix to zothup tamchu adix-adale changdao koxlechu,

WANWÜNKAX 13:17

Ong angkya chitüikya kaxhomixe tingtui adünle, ikoxle mongong tüitsuakkya khünakbue mongsom apüile.

1 TIMOTHI 4:14

Ajepae akaxkya hia mixmüi tüichongbue nang khangkho ma chak dankya zuma nang ang fakya, nang ma tüikya chasa hingho chie chise le taxchang.

1 KORIN 4:2

Iningkya da tuita hanpakma lax angkya oli tuita a: chix a ana angkya chitüi le nuitsuak angkya mix chang angkya oli.

IZRA 7:10

Jowanpa Wanlom zule tsing angkya, ija tole mok angkya, ilaxle ikhama tüikya wanlombu komkaile Israel khünaknu hama anwot-anole chang angkya to Izra-e chix tsün jao koxle among.

2 TIMOTHI 3:14

Ikoxle nange a, nang hama apua daokya tamchu nang mongong shingmongle tüikya otsingtsing ma thuithui le ngolax. Nang zongto nwotmixbu opang changkya hex nange awan ngopu,

KOLOSI 1:7

Hünzom hato ija Kaxho Müikya apüile koxkya mix a, kwome tamnüile mongkünkya kwom üitho Epafra changle. Chix a ikhato hünzom lüix ma kwom to fongkya mix, Jisu Khrista mongong da tuita changle.

MÜNCHUAK-TSAI 101:6

Zang to mongong tüikyabu ang kue müipule thüiüi ilaxle hwom a ku homkha ma ngo ang tomüi. Tsaitox-kaxfe angkya chitüile ngokyabu ang ku thothale chang ang tomüi.

NEHEMIA 7:2

Jerusalem tingnu apün-adakya mwot to hu ang kue mixhuak anyi ang hünlit koxle thom. Okhi a: Ku nao Hanani hia Hananiah nyi, hokhi a zanhule ngokya süpahibu alixachong hwom khama kaxtom fakya nyi changkya. Hananiah a chix füi apyen angkya owa jao chitüile Zang thuazakya hia Tsai-kax tikle tüikya mix changkya.

1 SAMUEL 2:35

Kue ku nguapa ang ku to mongong thomkya khünak zünle laxüi ilaxle ija khünak ang ku mongtex mwot mok ang tomüi. Kue chix ang osix-oli faüi; ibue kue zünle kopkya chongwangpa chitong ma jento chix thothale changüi.

IBRI 2:17

Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

1 TIMOTHI 5:22

Owawa Jowanpa mwottho tha ang kam angkya jangchang thüikoxle chix khangkho ma chak dan ang angangle taxmom. Mix ochaxbu khato hak ang taxthüi; ikoxle nange ma alüile atsao thomlax.

MATHI 24:25

Apalax, kue ija manguiba wüi hünzom ang apuale thompu.

MATHI 13:52

Idaile chixe hwom ang thüi: “Idaile wanlom nwotmixbu opang Zang Wangting füizuimix ang achangün laxpuix, hwom a ma pung angkya bwotba hozün hozang pangnu alaikya hopunu tuita ningle changpu.”

HUAKE LAIPEX 12:7

Ikoxle kue chemtue ku dapa Mosa füi zangwünpuix, ija a chixlili changpu; kue chix ang ku khünaknu Israel nok to hume angkya hünlit koxle thompu.

2 KORIN 2:14

Ikoxlechu Zang ang münchong naxtüi! Chemthüikoxle Khrista füikya notom ma Khrista ma tholünkya sungdün ngadongle lekya jenthom Zange othuithuima thothut. Khrista bama tsingwankya ongan müile pangnu khato apuk-apua kox angkya Zange kem twonle.

2 KORIN 3:5

Ija mwot mok ang tsuaküile akax angkya kwom ma chemchu müntüi. Moktsuak angkya zong Zang tokhange tix hüipu.

LIWI 14:42

Ifüima awüt daokya longbu manma chatle mama long onüi danüi ilaxle long katuk to haxzün füi pale chwopüi.