2 TIMOTHI 2:19 - OTSAO BAIBEL (BSI)

¹⁹ Ikoxlechu shingmong homting oja Zange zingle toxdaopuix ija a alox ang münthoüi; üntoxle ija ma ibu kax zale thomle: “Chix hanpak opang hex Zange hwom awanle ngole” ilaxle “Opange chix Zang hanpak changpu le thüiüi hex, hwom a othai mwot mokle ngokya chat angkya changle.”

2 TIMOTHI 2:19 ပူးပေါင်းရင်းမြစ်များ

JUHAN 10:14

Chun-nyetmix Amüikya a Ku changpu; chemle Apae ku awan tamchu kue chix awanpuix,

1 KORIN 8:3

Ikoxle owawae Zang to mongkün jangtüi, Zange chix awanle.

NAHUM 1:7

Jowanpa a müikya changpu; sikngün pongma chixe chix khünaknu kho awa; chix hato mongchatkya khünakbu to chixe hume.

HUAKE LAIPEX 16:5

Ifüima chixe Korah hia chix füito azuikya khünaknu ang thüi: “Ngainop swomsae, kem opupu chix kux changpuix, ija Jowanpae ahoüi! Chixe owa chix kux changpuix, thüikoxle chixe zünle kopkya khünak opupuhex, ija khünak a chix tö-tsap hato ngui ang tomüi.

KAXHO MÜIKYA LUK 13:27

Ikoxle chatlechu chixe thüiüi, ‘Hünzom ojong tokya nguipuix kue münawan. Hünzom chichang-chizangkyabu, Ku ha angkya paoün!’

GALATIA 4:9

Kue thüipu, athax a hünzome Zang tsingle hüi tamchu Zange hünzom tsingle lax, jangchangba ibu zong chitüikya hia chilaxli chasabu hato chatse le chemle tsu? Chatlechu wüi hünzome büthüikya to hwom da ang achangle ngose tsupu?

MIKNGÜN-OHÜN 3:8

Nange chem mokpuix kue awan ngole; nang ma zong hidaole wüi tüikya kue awan ngopu; nange ku hwon-nwot man to ilaxle ku to mongong tüile hüi. Owaechu hak ang chithokya nang thüntho ma kue tuita ka daple fadaoa.

MIKNGÜN-OHÜN 22:4

Hwome chix thünza ngünüi, ilaxle hwom khangpongbu ma chix münwan zaüi.

EFISIA 4:30

Üntoxle Zang Otsao Chasa mongtsik ang taxtom; chemthüikoxle Otsao Chasa a khosün nyix hanpakmale Zange nang to hopunu münwan chix shintop le thomkya changle.

1 KORIN 1:2

Korin ma tüikya Zang müimüithom, opang Zang otsao khünak ang achang ang nyakle koplaxpuix ibu pangnu, Khrista Jisu ma notom tokhange opang chix kux changpuix, Jisu Khrista owa kem Jowanpa chuwüi changpuix, chix shwomkyabu pangnu hato:

ISAIA 28:16

Athax, ija a Jowanpa khüthak Zang-e akaxkya kax changle: “Kue Zaion ma othong mongkya tamchu oshing mongkya nui-ting tuita hanpak ang kue homkom-longnu tuita küile ngopu; ikhama ile zakya tüile, ‘Mongong shingmongkya a okuilole adukya chu changpu.’

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

MIKNGÜN-OHÜN 2:13

Haxshix wanghom ngwotnui tüikya khato nang ngokya kue awanle. Haxshix ngwotnui to, kue tüle ongle tüikya Antipas lang pongma ngaxchu nange ku to ongkya danle chitox, ikoxle nang a ku zongto sule ngo.

MÜNCHUAK-TSAI 1:6

Otsao khünakbu a Jowanpae kho-awale thomle, ikoxlechu chichang-chizangkya mix a mikmüt lom ma tüile.

MATHI 7:23

Ija ma kue hwom ang ngaile akaxüi: ‘Kue hünzom otuechu müntsing tox; hünzom a owa mwot mokle ngokyabu changkya? Hünzom ku ha angkya atsaiün!’

EFISIA 3:15

Ija khoma hexle ku chix chitong ma akhuxpu.

WANWÜNKAX 3:7

Nang zongzong ma nang a jepa tuitale taxajang; ikoxle tangthole Jowanpa kax ma laxle tüilax ilaxle thaikya mwot taxmok.

MÜNCHUAK-TSAI 37:18

Chix kax ma laxle tüikyabu to Jowanpa humele, ilaxle ija haxtok a othuithuima hwom kux ang changüi.

MÜNCHUAK-TSAI 34:14

Ochax hato tok aholaxle müikya mwot moklax; nang mongtsang makhange zongbakle tumüi-mongsom hanpakma azong-afale changkox.

ROM NOK HATO ZAKYA POL LAIZA 15:20

Khrista bama ojao ma-atatkya chaxwan to Kaxho Müikya apuk-apua angkya a othuithuima ku mongtex changkya, ija a owawae oting ma sütle kopdaokya khato chizing angkya hanpakma.

WANGSHEMBU MWOT 15:17

Mama khünak noke Jowanpa lomüi, ku hanpak ang nyakkya, mixnokbu pange wüi.

MATHI 7:25

Thokle zangwat, tichen hüi, ilaxle zangcheie ija hom to zongle thu; ikoxlechu long tok ma zingkya hom changkoxle ija chitsun.

1 JUHAN 2:19

Otsing tomta ma khünak ibu kem notom ma münwom, tamchu ikhoma hwome kem danle toxpu; hwomchu kem notom ma tüipuix thüikoxba hwom kem füi tomle ngose. Ikoxle hwomkha angkya owachu kem notom ma womle müntüile ngaitho le naxtsing lax ang hwome kem danle toxpu.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

MARK 13:22

Chemthüikoxle othai khristabu tamchu othai ajebu tüle lwonüi; ilaxle jangtsuakba otsao khünakbu ngaxchu dyen tsuak angkya kuxma hwome münwan hia ohünotünbu tüle ahoüi.

WANWÜNKAX 10:25

Zangchei-zangwat hüi, ilaxle chichang-chizangkya khünakbu a jeple pao, ikoxle thaikya chitüikya khünakbu a jento azangle ngo.

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

ROM NOK HATO ZAKYA POL LAIZA 9:11

Tuita wüi kamle kopkya olom ma Jowanpa chix chaktung otya ma naxngolax ang, Zange she ang thüi: “Hotüi mixe honao thothaüi.”

MÜNCHUAK-TSAI 97:10

Jowanpa chixe ochax thua anukyabu to mongkünle; chixe chix khünaknu khüzün kho-awale thomle; chichang-chizangkyabu tsak-zong chak tokya chixe hwom azünle thomle.

HUAKE LAIPEX 6:27

Ilaxle Jowanpae thüi: “Israel khünaknu to mohiman ang ku mün lünle jangchang kue hwom to mohimanüi.”

1 TIMOTHI 6:19

Ilailaile tix hwome athax füichima ma hanpakma oja oshing mongkya chifün ang changüihex, ija tuina athün ang thoüi. Üntoxle hwome tsün oja otsingtsing tsün hex, ija kop ang thoüi.

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

WANGSHEMBU MWOT 9:14

Üntoxle chix a Damaska to nang shwomtole ngokyabu pangnu kop angkya hanpakma nguakhobu angkya laiza koplaxle hüikya changle.”

JUHAN 13:18

“Kue hünzom pangnu bama akax ngokya münchang; kue kamle kopdaokyabu kue awanle; ikoxlechu Otsao Lai kax ija otok to ngaile aho angkya changpu: Ku füi tomle fongsax ngokya tuita ku zan to ka angkya changle.

MATHI 24:24

Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

MÜNCHUAK-TSAI 112:6

Müikya khünak chemtuechu thaithaxle münchangüi; chix a jento texle atak angkya changle.

EFISIA 2:20

Hünzom chuwüi, homkom-longnu ang Khrista lax üntoxle wangshembu hia ajebue tanle toxkya homting ma athong laxle zingkya changle.

ROM NOK HATO ZAKYA POL LAIZA 11:2

Ami owang tanto wüi zünle kopdaokya, chix khünaknu Zange ma-awüt. Elija-e Israel nok hanpakma Zang füi zongbakle zangwün pongma:

KAXHO MÜIKYA LUK 6:48

Chix a, homting chifün ang long zule tholaxle homzingkya mixsün tuita ningle changpu. Tinu mualyem üntoxle ija hom to thu, ikoxlechu ija alox ang chitho, chemthüikoxle ija a shingmongle zingdao koxle.

HAGAI 2:23

Ija nyix, ku dapa Zerubbabel, kue nang kopüi, ilaxle kue nang ku mün ma apün-ada angkya hanpakma kamle kopüi. Nang a tuita kue zünle kopkya mix changle.” Khüthak Zang, Jowanpa, kue akaxdaoa.

ROM NOK HATO ZAKYA POL LAIZA 15:9

Zang a otsingtsing changle le aho angkya Khrista Jehudi nok ang achang. Otsao Lai kax ningle, “Idaile kue mixnokbu khato, nang ang münchong faüi; kue nang achuakle tsai ngaoüi.”

ISAIA 14:32

Filistia nok tokhange nguikya kaxhomixbu kax to keme chemle lanüi? Zaion a Jowanpae sikngün apongle ngokya chix khünakbue ima nazak kop angkya hanpakmale zingpu, le keme lanüi.

MIKNGÜN-OHÜN 21:14

Ija tingnu katuk a thong bün anyi küilaxle zing; ibu ma Chun Hosa wangshem hwom bün anyi mün zale tüikya.

IBRI 11:10

Chemthüikoxle Abrahame oting ma sütle jento ngo angkya, Zange zingle alaikya tingnu tanle ngokya changle.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

ZEKARIA 3:9

Kue Jihusua tunthoma long tuita othün anüt füikya danpu. Kue ija ma münwan zale thomüi ilaxle ija haxtok angkya ochax nyixtakya hanpak mawüi awüt faüi.

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

WANGSHEMBU MWOT 11:26

Chixe Sol atakkya zuma, chixe chix Antiok to laxlaxle apaüi. Zangpua atale hokhie tomtomle müimüithom khünakbu füi apong ilaxle othom hama anwot-ano. Jisu füito azuikyabu ang “Khristan” le Antiok ma nyakle wang.

ISAIA 65:15

Ku khünaknue nang mün a othuak-ozom lom to twonüi. Ku, Jowanpa Khüthak Zang-e hünzom a zi ang tomüi. Ikoxlechu hünzom ku kax ma laxle tüikyabu ang ku mün mama fapu.

ISAIA 63:19

Nang ang kwom lompa ang tam chichangkya tukuxle nange kwom to mok, kwom a otuechu nang khünaknu chichang toxkya ningle hwon.

EZEKEL 9:4

“Jerusalem tingnu apatle lekox ilaxle tingnu ma mokle tüikya ochaxbu khoma fuxtsüile sikngün apongle ngokya pangnusa khangpong ma manwan tople laxkox.”

JUHAN 3:33

Ikoxle owae chix kaxkhi pongle kop, chixe Zang otsingtsing changkox a le chix mong ma shingmongle kopdaoa.

1 TIMOTHI 3:15

Bachutix ku namshyen thüikoxchu, Zang homkha, oja ozün ma tüikya Zang müimüithom hex tamchu otsingtsing hanpakma thongnu hia tafak hex, ikhama kem lailaile chem ningkya zanglom saikha füi saxmok üihex, ija laiza makhange hünzom ang awan ang tomüi.

MARK 12:16

Hwome ija apüi. Chixe hwom ma atüi: “Ija owa noksa tamchu owa mün zale tüipu?” Hwome chix ang thüi: “Kaisar.”