2 TIMOTHI 2:18 - OTSAO BAIBEL (BSI)

¹⁸ Hwome mongong lomtang danle toxdaoa ilaxle kem anaole zokya ang achangle hüidaoa le anokya hwon-nwot tokhange hwome mongong mixbu züizüi mong ama le ngole.

2 TIMOTHI 2:18 ပူးပေါင်းရင်းမြစ်များ

1 KORIN 15:12

Athax, Khrista chatle azangle zo ang koxle le kwom kaxho, jangchang thüiba hünzom khama züizüie zidaokya chatle azangle münzo le büthüikoxle akax ang tho?

1 TIMOTHI 1:19

Nang mongong shingmongle thomkox ilaxle khangka tsaotha le tüikox. Züizüi khünake hwom khangka kax ma chilax homtoxle hwom mongong oli thu ang koxle.

IBRI 3:10

Ikhoma hwom füi mongma laxle kue thüi: “Othuithuima hwome ku kax chiapa, tamchu ku kaxtom ma chilaxle tüi.”

1 JUHAN 2:19

Otsing tomta ma khünak ibu kem notom ma münwom, tamchu ikhoma hwome kem danle toxpu; hwomchu kem notom ma tüipuix thüikoxba hwom kem füi tomle ngose. Ikoxle hwomkha angkya owachu kem notom ma womle müntüile ngaitho le naxtsing lax ang hwome kem danle toxpu.

JAKOP 5:19

Kutüi kunaohom, hünzom khama owawa otsingtsing lomtang angkya paole sam ilaxle ata mixe chix tamchatle jang apüi thüiba,

2 TIMOTHI 2:14

Hünzome khünakbu ang ija apuale falax, ilaxle kax ma alanle chichang angkya bama Zang thüntho ma hwom ang khünzule kaxkhün laxkox. Kax ma alankyae müikya oli moküile münchang ikoxle ija kax to apakyabu amaüi wüi.

1 TIMOTHI 6:21

Chemthüikoxle züizüie ija tüile le thüilaxle ija khoma hwome mongong lom asamle. Zang chingcha hünzom füi ngohüi.

1 TIMOTHI 6:10

Chemthüikoxle ngun to mongkünkya a ochax pangnu hanpakma otong changle. Züizüie ija kopsele tsukya khoma mongong füi atsaile sam, ilaxle küjo küjekya küntsik mongma olombu tokhange hwom mong max angkya hato ahüi.

KOLOSI 3:1

Hünzom a Khrista füikya notom ma azangle ngokyabu changle, idaile hünzom kün-mong a zangkangting, ojong khato Khrista Zang tsaxchi angkya chix ngwotnui ma thungle ngopuix, ikhato tüikya jalibu to koxle thomlax.

1 KORIN 11:19

(Chem mongaoüi, otsingtsing ma sukyabu atsingsho le ngaile aho ang hünzom ile ahak ahan angkya jao changle).

WANGSHEMBU MWOT 5:39

ikoxle ija a Zang tokhange hüikya jangchang thüiningle hünzome hwom to lüt ang münthopu. Itülüi, hünzom mix Zang füi alünkya ang achangle bangüi!” Nguawangbue Gamaliel kax changkoxa le lax.

KAXHO MÜIKYA LUK 8:13

Long tüikya khato dütkya a; Zang Kax atatlaxle mongmüi tungle pongle kopkyabu. Ikoxlechu ija hwom mongto zule düt ang chikox; onox ma mongongle ngo laxle thwontsing hüikya zuma hwom dütle max.

MATHI 22:29

Jisu-e hwom kax to lan: “Hünzom a huanuma thaile ngole; ija a hünzome Otsao Lai kax hia Zang tsakzong chitsingkya khoma changpu.

MATHI 15:13

Ikoxchu Jisu-e lanle thüi: “Zangkangting tokya Apae chiküikya pün pangwüi file awütüi.

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.