2 TIMOTHI 2:16 - OTSAO BAIBEL (BSI)

¹⁶ Ongat hia adix-adakya zangwünbu füi atsaile ngolax, chemthüikoxle ijae khünaknu Zang ha angkya atsaile jwonle apaole.

2 TIMOTHI 2:16 ပူးပေါင်းရင်းမြစ်များ

TITA 3:9

Ikoxle ongat to kax ma alankya, pupa hwom mün jenlo le zakya, ahe-atsikya tamchu wüi wanlom bama azankya, ibu a mwot to chihüikya tamchu asukya chichang.

1 TIMOTHI 6:20

Timothi, nange hume ang kople thomkya nange sünle thomlax. Üntoxle züizüi khünake othai to “tsingwankya”, le nyakkya adix-adakya zangwün hia ongat ningle kax ma alankya nange tsiakle toxlax.

TITA 1:14

üntoxle hwome athaxpi Jehudi nok pupa zangwünbu tamchu otsingtsing wün ahaikya khünakbu tokhange hüikya khünak kaxtombu to mongle künlaxle chingoüi.

2 TIMOTHI 2:14

Hünzome khünakbu ang ija apuale falax, ilaxle kax ma alanle chichang angkya bama Zang thüntho ma hwom ang khünzule kaxkhün laxkox. Kax ma alankyae müikya oli moküile münchang ikoxle ija kax to apakyabu amaüi wüi.

HOSIA 12:1

Israel khünaknue swomsa makhange zangnak kople chempangsa mokpuix pangwüi chilaxlili tamchu thama adün angkya oli changle. Mongong alekya hia changnong-pünthom mwot hwom khama sisi tsale hüi. Hwome Asiria nok füi muamüi zangwün tsuak ilaxle Ijip nok füi thalexle.”

IZRA 10:10

Nguapa Izra ajong laxle hwom füi akax. Chixe thüi: “Hünzom ma mongong chitüikya tamchu mixnokchabu laxle apüikya khoma Israel nok hato thaikya thünzak apüidaoa.

MIKNGÜN-OHÜN 13:3

Ija müi ang okhang tuita a omang ang achangle thomzün apong ikoxlechu ija mak müiünkya ningle kue ngün. Omang ang achangle mak laxdaokya müikya ngünlaxle chaxwannu pangwüi abüt ilaxle ija müi füito azui.

2 PITAR 2:18

Achax le ngokya khünakbu füi atsaile pao ang owang wangtankyabu tsün angkya hanpakma hwome chilaxli ongam zang wünle, üntoxle müi-hi-aji mongzok zalokya lom to tsangtsa twonle.

2 PITAR 2:2

Ilaxle hwome mokkya ochax mwotlom tokyabu laihuüi; üntoxle hwom mwot khoma hexle, mamabue otsingtsing lomtang ang kaxma thüiüi.

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

2 TIMOTHI 3:13

üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

1 TIMOTHI 4:7

Ikoxlechu wün ang thakho chinguikya ibu Zang chitüikyabu pupa zangwün füi atsaile ngolax. Zang womle tsün ngo ang mokkya olom ma nange hanpak hia zong ashixlax.

1 KORIN 15:33

Nang mixe dyen ang taxtom. “Üitho chimüikyae, zanglom müikyabu tsün amaüi.”

1 KORIN 5:6

Hünzom ngam angkya jao münchang! Twonkhax ikuxküsae wüi nalao abakle ju ang achang tsuakkya hünzome matsing hia?

MIKNGÜN-OHÜN 13:14

Owang pongkya müi thüntho ma ija ang mok ang dankya khomtsik mwotbu mokle ahokya tokhange chaxwannu ma ngokya khünaknu pangwüi dyen. Changlo füi thomzün apongdao koxlechu azangle tüikya müi achuak achenle chix chapa zing angkya ija müie hwom füi akax.

1 TIMOTHI 1:9

Ikoxlechu wanlombu a müikya khünakbu hanpakma chichangle wanlom pünkyabu, mix mik amütkyabu hanpakma, zang chilax homtoxle ngokya ochax khünakbu hanpakma, chasa ma chitsaokyabu hanpakma, honu hia hopa hwom langkya khünakbu hanpakma, mix mik amütkyabu hanpakma,

2 TIMOTHI 2:21

Owawae ma ibu ochax pangnu tokya atsaole jangzingba, chix a khütkhaxkya tuke twonüi, chemthüikoxle chix atsaole thomkya tamchu hopupa mwot to thapkya, müikya mwot pangnu to twon ang achwonle thomkya changle.