2 TIMOTHI 2:15 - OTSAO BAIBEL (BSI)

¹⁵ Chiazak le chix thothapa tuita ningle, Zang otsingtsing kaxho Müikya thaikya chitüi le anwot-anokya khünak tuita ningle, Zange sule le lax angkya hanpakma nange otsuaktsuak ma azongle moklax.

2 TIMOTHI 2:15 ပူးပေါင်းရင်းမြစ်များ

1 THESALONIKA 2:4

Itülüi kwome Zang mongtex chem hex ijaja akax, chemthüikoxle Kaxho Müikya apuk angkya mwot kwom ang koxkox le asule tüile le chixe ngünle tsuak. Kwome khünak mong amüi ang chiazong, ikoxle Zang owae kwom mongthwon lop, chix mong amüi ang azongpu.

2 PITAR 1:10

Ikhoma, ku mongkün tüinaohom, Zange hünzom nyakkya hia zünle kopkya bama komkaile awan lax ang zongbakle azonglax; hünzome ile jangmok thüiningle otuechu ma mongong dantoxlaxle münpao.

1 TIMOTHI 4:6

Nang kaxbu ilaxle nange man tole hüidaokya otsingtsing hwon-nwot füi chasa ma nang tuxle ngopongma, tüinaohom hato nange ibu adangle jangfaba, nang a tuita Jisu Khrista da müikya mix ang changüi.

2 KORIN 10:18

Chemthüikoxle khünak tuita ang müile le thüi angkya a, chixe alüile ma müile le thütkya khoma münchang, ikoxle Jowanpa-e müile le thüikya matix changüi.

2 KORIN 5:9

Kem hom ikhato wüi changlax chichangba chukha towüi changlax, tüta khato wüi ngokoxlechu, pangnu to nüile keme chix ang mong amüise tsupu.

2 KORIN 4:2

Zakkop hia huxsa mwot komle kwome tokna to toxdaoa; kwome a mix dyen-nganle münmok, chichangba kwome Zang kax chichangkya ang münachang. Zang miksho ma kwome otsingtsing kaxho ngaitho le apukpu, ilaxle pangnusae wüi kwom to sule le naxhu le texpu.

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

GALATIA 1:10

Khünaknue ku wüi changkoxa naxthüile akax ngopuixle apaünpia? Ile otuechu münchang! Kue, Zange sule le thüi angkya lomwüi! Ku khünaknue zaole naxwün le azong ngole le hia? Athaxchu wüi kue ile azong ngo angkya thatha jangchang thüikoxle, ku Khrista da ang münachang ngose.

2 PITAR 1:15

Ikhoma athax ku zi füimachu ibu zangwün hünzom mongto jento texle atakle lax angkya lompong awanle fa angkya bama kue tsuakkya apongle mok angkya changle.

EFISIA 1:13

Üntoxle hünzom chuwüi, hünzom hato khosün apüikya Kaxho Müikya bama otsingtsing kaxho otue atatpuix, hünzom chuwüi Zang khünaknu ang achangpu. Hünzome Khrista to ong, üntoxle chixe faüi hexo le tsaokya Otsao Chasa koxlaxle Zange hopupa münwan chix shin tople.

1 THESALONIKA 5:14

Tüinaohom, hünzome chem mwot chimokle ngokyabu ang kaxkhün laxkox, mongchyen chitüikyabu ang mongchyen laxkox, shonaikyabu to asunkox, pangnu füi thuakjokkya tüikox.

2 KORIN 3:6

Zale thomkya wanlom ma chichang le chasa ma hozün tsaotsüt thotha ang tsuakle kwom achangle fakya a chix changle. Zale thomkya wanlome zik apüile, ikoxle chasae khüzün koxle.

ROM NOK HATO ZAKYA POL LAIZA 14:18

Üntoxle khünak opange ile Khrista mwottho thaüihex, hwome Zang mong amüi ang tsuaküi ilaxle khünakechu hwom mwot ang changkox a le thüiüi.

IBRI 4:11

Idaile ija nazak kop angkya kuxma kem pange wüi otsuaktsuak ma azonghax, ile jangchang thüikoxle mongong chitüikya khoma hwome chikopkya lailaile ija nazak chikopkya mix kem khama owachu müntüiüi.

JAKOP 1:18

Chix chakzing pangnu khama kem ang pongwang lükya chifün tüi angkya kuxma, chixe kem, otsingtsing kax füi chix mongtex makhange kem ozün ang achangle dan.

1 KORIN 2:6

Bachutix chasa ma tsün atyadaokyabu hato kue je-hwon kaxho apukpu. Ikoxlechu otam amütdao angkya athax pongkyabu din-pan tamchu ma apün-awangkyabu je-hwon bama münchang.

WANGSHEMBU MWOT 2:22

“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle.

WANGSHEMBU MWOT 20:27

Chemthüikoxle kue Zang tutex pangnu hünzom hama chingai homle chitox.

MATHI 13:52

Idaile chixe hwom ang thüi: “Idaile wanlom nwotmixbu opang Zang Wangting füizuimix ang achangün laxpuix, hwom a ma pung angkya bwotba hozün hozang pangnu alaikya hopunu tuita ningle changpu.”

ROM NOK HATO ZAKYA POL LAIZA 16:10

Khrista hanpakma sikngün thwonlop daokya mix, Apolo ang salam. Aritobula homkha pangnu ang salam.

KAXHO MÜIKYA LUK 12:42

Jowanpa-e lan: “Jangchangba mongongkya hia hwontüi jezaikya da opupu hex? Hwom khama süt-mwot to hume angkya üntoxle hozui dabu ang otu nguikya ma sütling to humele kox angkya, ibu mwot hanpakma mongao chitüi le hopunue mwot owa ang koxpuix, mongongkya hia hwontüi jezaikya da a chix changpu.

MARK 4:33

Ija ningkya kaxpan mamabu huanuma twonlaxle Jisu-e khünaknu hama hwon-ano. Hwome otukux awan ang thopuix ibukuxle chixe hwom hama apua.

ROM NOK HATO ZAKYA POL LAIZA 6:13

Ichichangba, chichangchizang mwot to thap ang nang tsangtsa ojongkhachu taxdan. Itülüi, omang khatokya ozün hato apüidaokya khünakbu ningle, hünzom tsün Zang ang laxkox, ilaxle nang tsün komkaile otsao mwot ma twon ang dankox.

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.