2 TIMOTHI 2:14 - OTSAO BAIBEL (BSI)

¹⁴ Hünzome khünakbu ang ija apuale falax, ilaxle kax ma alanle chichang angkya bama Zang thüntho ma hwom ang khünzule kaxkhün laxkox. Kax ma alankyae müikya oli moküile münchang ikoxle ija kax to apakyabu amaüi wüi.

2 TIMOTHI 2:14 ပူးပေါင်းရင်းမြစ်များ

2 TIMOTHI 2:23

Ikoxlechu ongat hia chitsing chiwan zangwün füi atsaile ngolax; nange awan ngopu ibu a hyet ma shuüi.

2 TIMOTHI 4:1

Zang üntoxle Jisu Khrista owae ozün hia omang kaxfün angkya hex, tamchu chix chongwangpa le apün-awang ang ngui angkya changkoxle, hwom thüntho ma kue hünzom ang,

ROM NOK HATO ZAKYA POL LAIZA 14:1

Mongong ma shonaikya mix hünzom khato pongle koplax, ikoxle chix huak mongtex bama chix füi kax ma alale taxchang.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

1 TIMOTHI 5:21

Zang üntoxle Jisu Khrista tamchu otsao kaxtaimixbu pomtho ma, nange mokkya mwot pangnu ma masüi mixlüikya chitüi homle ija adangle fakya kax ma laxle tüi angkya bama kue nang nyakpu.

WANGSHEMBU MWOT 15:24

Kwomkha angkya züizüi nguilaxle hünzom to tingtui adünkya hia mong amale zangwünkya kwome atatdaoa; ibachutix hwom ang ile moklaxo le kwome anwot-anokya münchang.

2 PITAR 1:13

Ku ozün ma ngotanto ibu bama hünzom mongto texle atak ang tom angkya a ku mwot changpu le kue texpu.

1 TIMOTHI 6:13

Zang owae jamok ang khüzün koxpuix, ija Zang thüntho ma, ilaxle Jisu Khrista owae Pontias Pilat pomtho ma shingmongle chix mongong ngai, chix thüntho ma,

2 THESALONIKA 3:6

Kwom tüinaohom, kwome hwom ang adangle fadaokya olom chitokyabu tamchu zaxkak-fanale ngokya tüinaobu füi atsaile ngo angkya bama kem Jowanpa Jisu Khrista mün ma kwome hünzom ang kaxtom fapu.

JEREMIA 7:8

“Hulax, dyenlale tox angkya zangwünbu to hünzome mongongle.

1 SAMUEL 12:21

Othai baozangbu hato taxpao; hwome hünzom to fongle fa ang münthoüi, chemthüikoxle ibu a otsingtsing münchang.

2 TIMOTHI 2:16

Ongat hia adix-adakya zangwünbu füi atsaile ngolax, chemthüikoxle ijae khünaknu Zang ha angkya atsaile jwonle apaole.

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.

EFISIA 4:17

Jowanpa mün ma kue hünzom zünpu: Tutex ma laxli chitüi ilaxle küntex mongjang ma zangnak to ngokya songsaribu ningle hünzom taxngo.

GALATIA 1:7

Wünhax thüikoxle: “mama kaxho müikya”, le jaojao müntüi, ikoxlechu hünzom mong ama üntoxle Khrista Kaxho Müikya lüichüi ang azongle ngokyabu khünak züizüi tüikya khoma kue Ija zapu.

WANGSHEMBU MWOT 13:10

ilaxle thüi: “Nang a baosu baosa changle! Nang a otsao pangwüi füi apüikya mix changle; nang a hux-kün lop-monge awangle tüile, üntoxle nang a othuithuima Jowanpa otsingtsing othai ang achang ang azong ngokya mix changle!

MATHI 16:26

Khünak tuitae chaxwannu pangnu koptsuak koxlechu ma khüzün amüt le jangchang thüiningle chix ang lap chemtüi? Chemchu müntüi! Khünak ma ma khüzün lüix to kox angkya chemchu müntüi;

HABAKUK 2:18

Chapa a chem mwot to hüi angkya? Ija a khünake zingle alaikya jali tuita. Ijae othai boma chemchu münapua. Ija to mongong tüile chang angkya hanpakma ija zingkya mix ang chemfün amüile fadao? Ija a zangwün ang ngaxchu chithokya baozang tuita!

JEREMIA 23:36

Idaile hwome otuechu, ‘Jowanpa hünlit’ kaxhuak a twon angkya jao münchang, chemthüikoxle hwom owawae ija twonle jangchang, kue ku kaxho a hwom hanpakma hünlit tomtata ang achangüi. Khünaknue Jowanpa, ozün ma tüikya hwom Zang kaxbu a nongnong-püilüile achangdaoa.

JEREMIA 23:32

Jowanpa, kue akaxkya zangwün to apalax! Kaxthai zangwüne awangle tüikya wünmang kax akaxkya ajebu zongto ku a zanpa tuita changle. Hwome ibu wünmang baozangbu wün ilaxle ibu hwom kaxthai zangwün hia tsaichong-kaxbongkya zangwünbu füi hwome ku khünaknu lomnong to zunle paole. Kue hwom chiapao chichangba pao angkya kaxtom chifa, ilaxle khünaknu zongto hwom a chemchu chichang. Ija kax, Jowanpa kue akaxdaoa.”

2 TIMOTHI 1:6

Ikhoma, kue nang khangkho ma chak dankya zuma Zange nang ang fakya hingho ozün ma thomhüi le kue nang mongto texle lax ang koxpu.

1 TIMOTHI 1:6

Ibu khatokya züizüi a chatle paoüna üntoxle ongat zangwünbu ma hwom lom asam daoa.

1 TIMOTHI 1:4

Hwom ang ibu pupa zangwün ilaxle putong akiakle lowüilole zale thomdaokya awütdao le thüikox. Ibue kax ma alan angkya wüi chialaiba; ibue mongongle nyakkya Zang mongtex mokle aho angkya münchang.

1 THESALONIKA 4:1

Oshukma tüinaohom, Zang mong amüikya tsün chemle ngoüihex, ija hünzome kwom makhange awanle laxlax. Hünzom ngole hüikya ija changle. Üntoxle athaxchu Jowanpa Jisu münma ifüi sütsexle mok-hüile kwome hünzom zongsaipu.

JEREMIA 16:19

Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

JEREMIA 2:11

Hwom otsing tomtata chichang koxle ngaxchu, owa nokechu ma baozangbu lüile machang. Ikoxle ku khünakbue ku, hwom hato münchong apüile fakya Zang, chem lom ma ngaxchu hwom füi chiamüitho angkya baozang füi alüixle.

JEREMIA 2:8

Nguapabue chiatüi: ‘Jowanpa ojongkha?’, le Ku nguapabue ku chitik. Apün-awangkyabue ku zan to ka; ajebue Bal baozang mün ma zangwün ilaxle laxli chitüikya chapabu to shwom.

TITA 3:1

Hünzom apün-awangkyabu hia apün-ada angkyabu chak to dan angkya, hwom kax ma lax angkya tamchu pangnu lom ma wüi müikya mok ang achwonle ngo angkya, ibu hünzom khünakbu hama mongto texle atak ang laxkox.