2 TIMOTHI 2:12 - OTSAO BAIBEL (BSI)

¹² Kem adule jangchang thüikoxle, kemechu chix füi tomle apün-awangüi. Keme chix ema chilaxle jangchangba, chixechu kem ema münlaxüi.

2 TIMOTHI 2:12 ပူးပေါင်းရင်းမြစ်များ

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

MATHI 10:33

Ikoxle khünak thüntho ma owawae ku pongle chikop thüikoxle kuechu zangkangting to ngokya Apa thüntho ma chix pongle münkop.

MIKNGÜN-OHÜN 20:4

Ifüima chongwang tüntongbu üntoxle ibu ma thungle tüikyabu ang kaxfün fa angkya tsakzong fakya kue ngün. Jisu Khrista-e angaikya otsingtsing hia Zang Kax apuk-apuakya khoma dingsomkya chasabuchu wüi kue ngün. Ibue müi hia chix chapa to chishwom, ilaxle hwom khangpong ma chichangba chak male müi münwan hwome chilax. Zangpua hajat tuita Khrista füi tomle apün-ada angkya hwom ozün ang achangle chat.

MIKNGÜN-OHÜN 20:6

Ija pongwang lükya zidaokya azangle zokya khama womkyabu a tüle mongmüi tamchu mohiman changle. Anyi lükya zike hwom to chemthüi ang müntho; hwom a Zang hia Khrista nguapabu ang achangüi, ilaxle hwome chix füi tomle zangpua hajat tuita apünüi.

KAXHO MÜIKYA LUK 12:9

Ikoxle owae ku noknu thüntho ma chilaxle awütüi hex, Khünak Hosaechu Zang kaxtaimixbu pomthoma chix to ile hwonüi.

MIKNGÜN-OHÜN 5:10

Nange hwom, kem Zang thotha angkya kuxma, zommixbu wangting ang zingdaoa; hwome chaxwannu ma apün-adaüi.”

KAXHO MÜIKYA LUK 9:26

Khünak tuita ku hanpakma hia ku kax hanpakma jangazak thüiba, Khünak Hosa-echu Hopa fuazang ma kaxtaimixbu füi nguikya zuma chix hanpakma azaküi.

MIKNGÜN-OHÜN 2:13

Haxshix wanghom ngwotnui tüikya khato nang ngokya kue awanle. Haxshix ngwotnui to, kue tüle ongle tüikya Antipas lang pongma ngaxchu nange ku to ongkya danle chitox, ikoxle nang a ku zongto sule ngo.

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

FILIPI 1:28

Hünzom zanbu thua taxza; jento mongchongle ngolax. Ile changkoxtix hünzome hwom to anaoüi ilaxle hwom chithokya ang achang angkya changle le hwome ngün ang kopüi, chemthüikoxle hünzom ang anao angkya zong a Zange fa angkya changle.

MARK 8:38

Ijadaile ija Zang chitüikya tamchu ochax tsünthom ma opange ku tamchu ku kaxho bama azakle maxüi hex; Khünak Hosae ma Hopa fuazang ma kaxtaimixbu füi nguikya zuma, chix bama azakkya tüiüi.”

MATHI 26:35

Pitar-e lan: “Nang füi tomle zi angkya laikoxchu kue nang müntsing hex le münthüi!” Wangshem mamabuechu ile wüi akax.

MIKNGÜN-OHÜN 3:8

Nange chem mokpuix kue awan ngole; nang ma zong hidaole wüi tüikya kue awan ngopu; nange ku hwon-nwot man to ilaxle ku to mongong tüile hüi. Owaechu hak ang chithokya nang thüntho ma kue tuita ka daple fadaoa.

WANWÜNKAX 30:9

Ku ma alüile jangtüi thüiningchu, owatsing, kue nang chem ma lax angle thüiüi. Ikoxle ku mütmix ang jangchangchu, kue ahuxüi ilaxle nang mün amaüi.

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

MARK 10:33

Chixe thüi: “Hulax, kem a Jerusalem to dongpu; ikhato Khünak Hosa Nguakhobu hia wanlom nwotmixbu chak to fünle koxüi. Hwome chix lang angkya kax tsuakle faüi ilaxle mixnokbu chak to koxüi;

MATHI 26:75

Ijama Pitar-e chix füi Jisu-e akaxkya: “Awün O haüi thoma wüi nange ku münawan le othom azom ma tsaoüi hexo”, le thüikya kax texle atak ilaxle chix laile paolaxle mong maxle sop.

MIKNGÜN-OHÜN 1:6

Chixe kem to mongkün, üntoxle tö koxle chix zikya makhange chixe kem ochax tokya da üntoxle chix Zang tamchu Hopa thotha ang kem ma nguapabu wangting zingle. Fuazang hia tsakzong othuithuima Jisu Khrista, chix kux wüi naxchang. Amen.

KAXHO MÜIKYA LUK 22:29

Ilaxle Apae ku ang apün-awang angkya zong koxle thomkya ningle, kuechu ija zong hünzom ang koxpu.

KAXHO MÜIKYA LUK 22:30

Ku Wangting ma hünzome ku tsap ma sax-lingüi, ilaxle Israel homjen bün anyi thakma apün-awang ang hünzom chongwang ngwotnui ma thungüi.

ROM NOK HATO ZAKYA POL LAIZA 5:17

Khünak tuita ochax makhange, chix khokho ma hexle zikyae apün ang sütkya otsingtsing changle. Ikoxle mixhuak tuita, Khrista-e mokkya otok to otukux chongkya laipuix! Okhonguikya Zang chingcha ilaxle amuale fakya chix otsao hingho opange kop laxpuix, hwome Khrista ma tsakzong le ozün ma ngo ang kopüi.

1 TIMOTHI 5:8

Ikoxle ma tomzi mo ojao chiwünkya mix owawa jangtüi thüiba, tamsüilechu kako ma, chixe mongong tha ajao daoa ilaxle chix a mix mik amütkya mix füi ngaxchu sümakya changle.

MIKNGÜN-OHÜN 3:10

Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.